ನಮ್ಮ ಸಂಸ್ಕೃತಿಯಲ್ಲಿ ಮಕ್ಕಳನ್ನು ‘ದೇವರಿಗೆ ಸಮಾನ’ ಎಂದು ಕರೆಯಲಾಗುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಹಿರಿಯರು ಸಿಕ್ಕಾಗ ಅಥವಾ ದೇವಸ್ಥಾನಗಳಿಗೆ ಹೋದಾಗ ಸಣ್ಣ ಮಕ್ಕಳನ್ನು ಬಲವಂತವಾಗಿ ಕಾಲಿಗೆ ಬೀಳಿಸುವ ಪದ್ಧತಿ ಹೆಚ್ಚಾಗುತ್ತಿದೆ. ಜ್ಯೋತಿಷ್ಯ ಶಾಸ್ತ್ರ, ಆಧ್ಯಾತ್ಮ ಹಾಗೂ ಮನೋವಿಜ್ಞಾನದ ಪ್ರಕಾರ ಇದು ತಪ್ಪು ಎನ್ನಲಾಗುತ್ತದೆ. ಅದಕ್ಕೆ ಪ್ರಮುಖ ಕಾರಣಗಳು ಇಲ್ಲಿವೆ:
ಮಕ್ಕಳು ದೇವರ ಸ್ವರೂಪ:
ಹಿಂದೂ ಶಾಸ್ತ್ರಗಳ ಪ್ರಕಾರ, ಸಣ್ಣ ಮಕ್ಕಳ ಮನಸ್ಸು ಕಪಟವಿಲ್ಲದ್ದು ಮತ್ತು ಶುದ್ಧವಾದದ್ದು. ಅವರಲ್ಲಿ ಸಾಕ್ಷಾತ್ ಪರಮಾತ್ಮನ ಅಂಶವಿರುತ್ತದೆ ಎಂದು ನಂಬಲಾಗುತ್ತದೆ. ದೇವರ ಸಮಾನವಾಗಿರುವ ಮಕ್ಕಳನ್ನು ಮನುಷ್ಯರ ಕಾಲಿಗೆ ಬೀಳಿಸುವುದು ಪ್ರಕೃತಿ ನಿಯಮಕ್ಕೆ ವಿರುದ್ಧವಾಗಿದೆ. ಹಿರಿಯರೇ ಮಕ್ಕಳಿಗೆ ನಮಸ್ಕರಿಸಬೇಕೇ ಹೊರತು, ಮುಗ್ಧ ಮಕ್ಕಳನ್ನು ಯಾರ ಕಾಲಿಗೂ ಬೀಳಿಸಬಾರದು.
ಧನಾತ್ಮಕ ಶಕ್ತಿಯ ಹರಿವು :
ನಾವು ಹಿರಿಯರ ಕಾಲಿಗೆ ಬಿದ್ದಾಗ ಅವರ ಹೆಬ್ಬೆರಳಿನ ಮೂಲಕ ಧನಾತ್ಮಕ ಶಕ್ತಿ (Positive Energy) ನಮ್ಮ ದೇಹಕ್ಕೆ ಪ್ರವೇಶಿಸುತ್ತದೆ ಎಂಬ ನಂಬಿಕೆಯಿದೆ. ಆದರೆ ಸಣ್ಣ ಮಕ್ಕಳಲ್ಲಿ ಈಗಾಗಲೇ ಜನ್ಮಜಾತವಾಗಿ ಸಕಾರಾತ್ಮಕ ಶಕ್ತಿ ಮತ್ತು ದೈವಿಕ ಅಂಶ ತುಂಬಿರುತ್ತದೆ. ಅವರು ಬೇರೆಯವರ ಕಾಲಿಗೆ ಬಿದ್ದಾಗ ಅವರಲ್ಲಿರುವ ಪವಿತ್ರ ಶಕ್ತಿ ಕ್ಷೀಣಿಸಬಹುದು ಅಥವಾ ಹಿರಿಯರ ದೇಹದಲ್ಲಿರುವ ನಕಾರಾತ್ಮಕ ತರಂಗಗಳು ಸುಲಭವಾಗಿ ಮಕ್ಕಳ ಸೂಕ್ಷ್ಮ ಮನಸ್ಸಿನ ಮೇಲೆ ಪರಿಣಾಮ ಬೀರಬಹುದು.
ಸ್ವಾಭಿಮಾನ ಮತ್ತು ಮನೋವಿಜ್ಞಾನ
ಮನೋವಿಜ್ಞಾನದ ಪ್ರಕಾರ, ಅತಿಯಾಗಿ ಸಣ್ಣ ಮಕ್ಕಳನ್ನು ಎಲ್ಲರ ಕಾಲಿಗೆ ಬೀಳಿಸುವುದರಿಂದ ಅವರಲ್ಲಿ ಸಣ್ಣ ವಯಸ್ಸಿನಲ್ಲೇ ಆತ್ಮವಿಶ್ವಾಸ ಮತ್ತು ಸ್ವಾಭಿಮಾನದ ಕೊರತೆ ಉಂಟಾಗಬಹುದು. ಗೌರವ ನೀಡುವುದು ಎಂದರೆ ಕೈ ಮುಗಿದು ನಮಸ್ಕರಿಸುವುದು, ವಿನಯದಿಂದ ಮಾತನಾಡುವುದನ್ನು ಕಲಿಸಬೇಕೇ ಹೊರತು, ಎಲ್ಲರ ಮುಂದೆ ಸಾಷ್ಟಾಂಗ ನಮಸ್ಕಾರ ಮಾಡಿಸುವುದಲ್ಲ. ಮಗುವಿಗೆ ಕನಿಷ್ಠ ತಿಳುವಳಿಕೆ ಬರುವವರೆಗೂ (ಅಂದರೆ ಸುಮಾರು 8 ರಿಂದ 10 ವರ್ಷ) ಈ ರೀತಿ ಮಾಡಿಸಬಾರದು.
ಇದನ್ನೂ ಓದಿ: ಯಾವ ಕಾರಣಕ್ಕೂ ಮಕ್ಕಳಿಗೆ ಈ ಹೆಸರುಗಳನ್ನು ಇಡಬೇಡಿ; ಇದರ ಹಿಂದಿನ ಅಸಲಿ ಕಾರಣ ಇಲ್ಲಿದೆ!
ಶಾರೀರಿಕ ಬೆಳವಣಿಗೆ:
ಸಣ್ಣ ಮಕ್ಕಳ ಮೂಳೆಗಳು ಮತ್ತು ಸ್ನಾಯುಗಳು ಅತ್ಯಂತ ಮೃದುವಾಗಿರುತ್ತವೆ. ಬಲವಂತವಾಗಿ ಅವರ ಬೆನ್ನು ಬಾಗಿಸಿ, ಕಾಲಿಗೆ ಬೀಳಿಸುವುದರಿಂದ ಅವರ ದೈಹಿಕ ಬೆಳವಣಿಗೆಯ ಮೇಲೂ ಆಕಸ್ಮಿಕವಾಗಿ ಪರಿಣಾಮ ಬೀರಬಹುದು.
ಮಕ್ಕಳಿಗೆ ಹಿರಿಯರನ್ನು ಕಂಡರೆ ಗೌರವ ಕೊಡುವುದನ್ನು, ಕೈ ಮುಗಿದು ನಮಸ್ಕಾರ ಮಾಡುವುದನ್ನು ಹಾಗೂ ವಿನಯದಿಂದ ನಡೆದುಕೊಳ್ಳುವುದನ್ನು ಕಲಿಸಿ. ಆದರೆ ಅವರನ್ನು ಎಲ್ಲರ ಕಾಲಿಗೆ ಬೀಳಿಸುವ ಅಭ್ಯಾಸವನ್ನು ಇಂದೇ ಕೈಬಿಡಿ.
ಅಧ್ಯಾತ್ಮ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
