ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ 2026ರ ನವೆಂಬರ್ 7ರ ಶನಿವಾರದಂದು ಚಂದ್ರನ ಗ್ರಹ ಸಂಚಾರ ಹಾಗೂ ಸೂರ್ಯ-ಬುಧರ ಬುಧಾದಿತ್ಯ ಯೋಗದ ಪ್ರಭಾವದಿಂದ 12 ರಾಶಿಗಳ ಜಾತಕದಲ್ಲಿ ಪ್ರಮುಖ ಬದಲಾವಣೆಗಳು ಕಂಡುಬರಲಿವೆ. ಶನಿ ದೇವರಿಗೆ ಸಮರ್ಪಿತವಾದ ಈ ದಿನ ಪ್ರತಿಯೊಂದು ರಾಶಿಗೂ ವಿಭಿನ್ನ ಫಲಗಳು ದೊರೆಯಲಿದ್ದು, ಇಂದಿನ 12 ರಾಶಿಗಳ ಸಂಪೂರ್ಣ ರಾಶಿ ಭವಿಷ್ಯ ಕೆಳಗಿನಂತಿದೆ:
♈ ಮೇಷ ರಾಶಿ (Aries)
ಮೇಷ ರಾಶಿಯವರಿಗೆ ಇಂದು ಪ್ರಗತಿದಾಯಕ ದಿನವಾಗಿರುತ್ತದೆ. ನಿಮ್ಮ ಬುದ್ಧಿವಂತಿಕೆ ಮತ್ತು ಕೌಶಲ್ಯಗಳನ್ನು ಸಾಬೀತುಪಡಿಸಲು ಸೂಕ್ತ ಅವಕಾಶಗಳು ದೊರೆಯಲಿವೆ. ಕೆಲಸದ ಒತ್ತಡ ಹೆಚ್ಚಿದ್ದರೂ ಆದ್ಯತೆಗಳಿಗೆ ಅನುಗುಣವಾಗಿ ಕಾರ್ಯನಿರ್ವಹಿಸಿ. ಆತುರದ ನಿರ್ಧಾರಗಳನ್ನು ತಡೆದು ತಾಳ್ಮೆಯಿಂದ ಮುಂದುವರಿಯಿರಿ.
♉ ವೃಷಭ ರಾಶಿ (Taurus)
ವೃಷಭ ರಾಶಿಯವರಿಗೆ ಇಂದು ಅತ್ಯಂತ ಸಂತೋಷದಾಯಕ ಹಾಗೂ ಶುಭ ದಿನ. ಹೂಡಿಕೆಗಳಿಂದ ಉತ್ತಮ ಲಾಭ ಸಿಗಲಿದ್ದು, ಶ್ರಮಕ್ಕೆ ತಕ್ಕ ಪ್ರಶಂಸೆ ದೊರೆಯಲಿದೆ. ವಿದ್ಯಾರ್ಥಿಗಳು ಶೈಕ್ಷಣಿಕ ಕ್ಷೇತ್ರದಲ್ಲಿ ಯಶಸ್ಸು ಕಾಣಲಿದ್ದಾರೆ. ಕುಟುಂಬ ಸದಸ್ಯರು ಹಾಗೂ ಸಂಗಾತಿಯೊಂದಿಗೆ ಉಂಟಾಗುವ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳನ್ನು ಪ್ರೀತಿಯಿಂದ ನಿಭಾಯಿಸಿ.
♊ ಮಿಥುನ ರಾಶಿ (Gemini)
ವ್ಯಾಪಾರ-ವಹಿವಾಟಿನಲ್ಲಿ ಹೊಸ ಬದಲಾವಣೆ ಹಾಗೂ ಧನಲಾಭ ಉಂಟಾಗಲಿದೆ. ಬಾಕಿ ಉಳಿದಿದ್ದ ಹಣ ಕೈಸೇರುವ ಸಾಧ್ಯತೆಯಿದೆ. ಉದ್ಯೋಗಿಗಳಿಗೆ ಜವಾಬ್ದಾರಿಗಳು ಹೆಚ್ಚಾಗಲಿವೆ. ಆತುರಪಟ್ಟು ಯಾರಿಗೂ ಈಡೇರಿಸಲಾಗದ ಭರವಸೆಗಳನ್ನು ನೀಡಬೇಡಿ. ಸಣ್ಣ ಪ್ರವಾಸ ಬೆಳೆಸುವ ಯೋಗವಿದೆ.
♋ ಕರ್ಕಾಟಕ ರಾಶಿ (Cancer)
ಆರೋಗ್ಯದ ವಿಷಯದಲ್ಲಿ ಜಾಗರೂಕತೆ ವಹಿಸಬೇಕಾದ ದಿನ. ನಿಮ್ಮ ಕೆಲಸ ಕಾರ್ಯಗಳಿಗೆ ಸಣ್ಣಪುಟ್ಟ ಅಡೆತಡೆಗಳು ಎದುರಾಗಬಹುದು, ಆತುರದ ನಿರ್ಧಾರಗಳನ್ನು ತಪ್ಪಿಸಿ. ವಾಹನ ಚಾಲನೆ ಮಾಡುವಾಗ ಎಚ್ಚರವಿರಲಿ. ಸಂಗಾತಿಯೊಂದಿಗೆ ಮುಕ್ತವಾಗಿ ಮಾತನಾಡಿ ಗೊಂದಲ ಬಗೆಹರಿಸಿಕೊಳ್ಳಿ.
♌ ಸಿಂಹ ರಾಶಿ (Leo)
ನಿಮ್ಮ ಪ್ರಭಾವ ಮತ್ತು ನಡವಳಿಕೆಯಿಂದ ಜನರು ನಿಮ್ಮತ್ತ ಆಕರ್ಷಿತರಾಗುತ್ತಾರೆ. ಕೆಲಸದ ಸ್ಥಳದಲ್ಲಿ ಸಹೋದ್ಯೋಗಿಗಳ ಬೆಂಬಲ ಸಿಗಲಿದೆ. ಪ್ರಾರಂಭದಲ್ಲಿ ಸವಾಲುಗಳು ಎದುರಾದರೂ ಕೊನೆಯಲ್ಲಿ ಕಾರ್ಯಗಳು ಸುಲಭವಾಗಿ ಪೂರ್ಣಗೊಳ್ಳಲಿವೆ. ಕುಟುಂಬದ ಆಂತರಿಕ ವಿಚಾರಗಳನ್ನು ಹೊರಗಿನವರೊಂದಿಗೆ ಹಂಚಿಕೊಳ್ಳಬೇಡಿ.
♍ ಕನ್ಯಾ ರಾಶಿ (Virgo)
ಕೆಲಸದ ಒತ್ತಡ ಹಾಗೂ ಕಾರ್ಯನಿರತತೆ ಹೆಚ್ಚಿರಲಿದೆ. ಕಚೇರಿಯಲ್ಲಿ ನಿಮ್ಮ ಆಲೋಚನೆಗಳಿಗೆ ಮೆಚ್ಚುಗೆ ದೊರೆತು ಹೊಸ ಅವಕಾಶಗಳು ಸಿಗಲಿವೆ. ಆಸ್ತಿ ಅಥವಾ ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಜಾಗ್ರತೆ ವಹಿಸಿ. ಆಯಾಸ ಪರಿಹರಿಸಿಕೊಳ್ಳಲು ವಿಶ್ರಾಂತಿ ಅತ್ಯಗತ್ಯ.
♎ ತುಲಾ ರಾಶಿ (Libra)
ಮನೆಯಲ್ಲಿ ಸಂತೋಷದ ವಾತಾವರಣವಿರಲಿದ್ದು, ಮಾಡುವ ಕೆಲಸಗಳಲ್ಲಿ ಯಶಸ್ಸು ಸಾಧಿಸುವಿರಿ. ಆದರೆ, ಹಣಕಾಸಿನ ಹೂಡಿಕೆ ಮಾಡುವ ಮುನ್ನ ಎಚ್ಚರಿಕೆಯಿಂದ ಯೋಚಿಸಿ. ನಿಮ್ಮ ಮಾತುಗಳನ್ನು ಇತರರು ದುರುಪಯೋಗಪಡಿಸಿಕೊಳ್ಳದಂತೆ ಜಾಗರೂಕರಾಗಿರಿ.
♏ ವೃಶ್ಚಿಕ ರಾಶಿ (Scorpio)
ಆರ್ಥಿಕ ಲಾಭದ ಸೂಚನೆಗಳಿದ್ದರೂ ಕೆಲಸದ ಒತ್ತಡದಿಂದ ಕೊಂಚ ಆಯಾಸ ಉಂಟಾಗಬಹುದು. ಸರ್ಕಾರಿ ಯೋಜನೆಗಳಿಂದ ಅನುಕೂಲವಾಗಲಿದೆ. ಬಹುಕಾಲದ ನಂತರ ಹಳೆಯ ಸ್ನೇಹಿತರನ್ನು ಅಥವಾ ಅತಿಥಿಗಳನ್ನು ಭೇಟಿಯಾಗುವ ಯೋಗವಿದೆ. ನೆರೆಹೊರೆಯವರೊಂದಿಗೆ ಅನಗತ್ಯ ವಾದ-ವಿವಾದ ತಪ್ಪಿಸಿ.
🏹 ಧನು ರಾಶಿ (Sagittarius)
ಆದಾಯ ಹೆಚ್ಚಿಸಿಕೊಳ್ಳುವತ್ತ ಗಮನ ಹರಿಸುವಿರಿ. ಕಚೇರಿಯಲ್ಲಿ ಸಹೋದ್ಯೋಗಿಗಳ ಸಂಪೂರ್ಣ ಸಹಕಾರ ಸಿಗಲಿದೆ. ಸೋಷಿಯಲ್ ಮೀಡಿಯಾ ಅಥವಾ ರಹಸ್ಯ ಮೂಲಗಳ ವದಂತಿಗಳನ್ನು ನಂಬಬೇಡಿ. ವಿರೋಧಿಗಳು ಅಡೆತಡೆ ಉಂಟುಮಾಡಲುತ್ನಿಸಿದರೂ ಹಳೆಯ ಸೌಹಾರ್ದ ಸಂಬಂಧಗಳು ನೆರವಿಗೆ ಬರಲಿವೆ.
♑ ಮಕರ ರಾಶಿ (Capricorn)
ದೂರದ ಪ್ರಯಾಣ ಮಾಡುವುದನ್ನು ಆದಷ್ಟು ಮುಂದೂಡುವುದು ಒಳ್ಳೆಯದು. ವಾಹನ ಚಾಲನೆ ವೇಳೆ ಜಾಗರೂಕರಾಗಿರಿ. ವ್ಯಾಪಾರ-ವಹಿವಾಟಿನಲ್ಲಿ ಆತುರದ ನಿರ್ಧಾರಗಳಿಂದ ನಷ್ಟ ಎದುರಾಗಬಹುದು. ಕುಟುಂಬದ ಸದಸ್ಯರ ಬೆಂಬಲದಿಂದ ಪ್ರಮುಖ ಸಮಸ್ಯೆಯೊಂದು ಬಗೆಹರಿಯಲಿದೆ.
♒ ಕುಂಭ ರಾಶಿ (Aquarius)
ಆರ್ಥಿಕ ಸ್ಥಿತಿ ಏರಿಳಿತದಿಂದ ಕೂಡಿರಲಿದೆ. ದೈನಂದಿನ ಕೆಲಸ ಕಾರ್ಯಗಳಲ್ಲಿ ಆಲಸ್ಯ ತೋರಬೇಡಿ. ಉದ್ಯೋಗ ಬದಲಾವಣೆಗೆ ಇದು ಸರಿಯಾದ ಸಮಯವಲ್ಲ. ಹಿರಿಯರ ಹಾಗೂ ಜ್ಯೋತಿಷಿಗಳ ಸಲಹೆ ಪಡೆದು ಮುನ್ನಡೆಯುವುದು ಒಳಿತು.
♓ ಮೀನ ರಾಶಿ (Pisces)
ನಿಮ್ಮ ಶ್ರಮ ಮತ್ತು ಜವಾಬ್ದಾರಿಯುತ ನಡವಳಿಕೆಗೆ ಸಮಾಜದಲ್ಲಿ ಗೌರವ ಹೆಚ್ಚಾಗಲಿದೆ. ಹಳೆಯ ಮಿತ್ರರನ್ನು ಭೇಟಿಯಾಗಿ ಹಳೆಯ ನೆನಪುಗಳನ್ನು ನವೀಕರಿಸಿಕೊಳ್ಳುವಿರಿ. ದಾಂಪತ್ಯ ಜೀವನದಲ್ಲಿ ಪ್ರೀತಿ ಮತ್ತು ಸಮರಸ ಹೆಚ್ಚಾಗಲಿದೆ.