ಉತ್ತರ ಪ್ರದೇಶ, ಫೆ.5: ಪತಿಯನ್ನೇ ಕೊಲೆ ಮಾಡಲು ಸುಫಾರಿ ನೀಡಿ, ಹಿಟ್ ಆಂಡ್ ರನ್ ಎಂದು ಬಿಂಬಿಸಿರುವ ಘಟನೆ ಉತ್ತರಪ್ರದೇಶದ ಗಾಜಿಯಾಬಾದ್ನಲ್ಲಿ ನಡೆದಿದೆ. ಇದೀಗ ಈ ಪ್ರಕರಣವನ್ನು ‘ಹನಿಮೂನ್ ಮರ್ಡರ್ 2.0’ ಎಂದು ಕರೆದಿದ್ದಾರೆ. ಗಾಜಿಯಾಬಾದ್ನ ಲೋನಿ ಎಂಬಲ್ಲಿ ಪತಿಯನ್ನು ಕೊಲೆ ಮಾಡಲು ಪತ್ನಿಯೇ ಸುಪಾರಿ ನೀಡಿ, ಅದನ್ನು ‘ಹಿಟ್ ಅಂಡ್ ರನ್’ (ಅಪಘಾತ) ಎಂಬಂತೆ ಬಿಂಬಿಸಲು ಪ್ರಯತ್ನಿಸಿದ್ದಾಳೆ. ಕಳೆದ ವಾರ ರಾತ್ರಿ ವೇಳೆ ಪತಿ ಸಾಗರ್ ಎಂಬವರು ವಾಕಿಂಗ್ ಹೋಗಿದ್ದಾಗ ವೇಗವಾಗಿ ಬಂದ ಕಾರೊಂದು ಅವರಿಗೆ ಡಿಕ್ಕಿ ಹೊಡೆದಿತ್ತು. ಸಾಗರ್ ಸ್ಥಳದಲ್ಲೇ ಸಾವನ್ನಪ್ಪಿದ್ದರು.
ಆರಂಭದಲ್ಲಿ ಇದು ಅಪಘಾತ ಎಂದು ಭಾವಿಸಲಾಗಿತ್ತು. ಆದರೆ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ ಪೊಲೀಸರಿಗೆ ಅನುಮಾನ ಬಂದಿದೆ. ಕಾರು ಉದ್ದೇಶಪೂರ್ವಕವಾಗಿ ಸಾಗರ್ ಅವರಿಗೆ ಡಿಕ್ಕಿ ಹೊಡೆದಿದ್ದು ಕಂಡುಬಂದಿದೆ. ತನಿಖೆ ಮುಂದುವರಿಸಿದಾಗ ಸಾಗರ್ ಅವರ ಪತ್ನಿ ‘ಅನ್ಶು’ ತನ್ನ ಪ್ರೇಮಿಯೊಂದಿಗೆ ಸೇರಿ ಈ ಕೊಲೆಗೆ ಸಂಚು ರೂಪಿಸಿದ್ದು ಬಯಲಾಗಿದೆ. ಅನ್ಶುಗೆ ತನ್ನ ಪತಿ ಸಾಗರ್ ಇಷ್ಟವಿರಲಿಲ್ಲ. ಆಕೆ ತನ್ನ ಪ್ರೇಮಿಯೊಂದಿಗೆ ಬದುಕಲು ಬಯಸಿದ್ದಳು. ಮದುವೆಯಾಗಿ ಕೇವಲ ಕೆಲವೇ ದಿನಗಳಾಗಿದ್ದರೂ, ಪತಿಯನ್ನು ಹತ್ಯೆ ಮಾಡಲು ಸಾಲ ಮಾಡಿ ಹಣ ಹೊಂದಿಸಿ ಬಾಡಿಗೆ ಹಂತಕರಿಗೆ (Contract Killers) ಸುಪಾರಿ ನೀಡಿದ್ದಳು.
ಇದನ್ನೂ ಓದಿ: ಮಗಳಿಗೂ ಹಾಗೂ ಆಕೆಯ ಮಗುವಿಗೆ ತಂದೆ ಒಬ್ಬನೇ: ಡಿಎನ್ಎ ಪರೀಕ್ಷೆಯಲ್ಲಿ ತಿಳಿಯಿತು ಸ್ಫೋಟಕ ಸತ್ಯ
ಪೊಲೀಸರು ಅನ್ಶು, ಆಕೆಯ ಪ್ರೇಮಿ ಮತ್ತು ಅಪಘಾತ ಎಸಗಿದ ಕಾರು ಚಾಲಕನನ್ನು ಬಂಧಿಸಿದ್ದಾರೆ. ಇತ್ತೀಚೆಗಷ್ಟೇ ಮದುವೆಯಾಗಿದ್ದ ಈ ಜೋಡಿ ಹೊಸ ಜೀವನ ಆರಂಭಿಸುವ ಮೊದಲೇ ಪತ್ನಿಯು ಇಂತಹ ಕ್ರೌರ್ಯಕ್ಕೆ ಮುಂದಾಗಿರುವುದರಿಂದ ಇದನ್ನು “ಹನಿಮೂನ್ ಮರ್ಡರ್” ಎಂದು ಕರೆಯಲಾಗಿದೆ. ಪತ್ನಿಯೇ ತನ್ನ ಪತಿಯನ್ನು ಕೊಲ್ಲಲು ಸುಪಾರಿ ನೀಡಿದ ಈ ಘಟನೆಯು ಗಾಜಿಯಾಬಾದ್ನಲ್ಲಿ ಭೀತಿ ಮತ್ತು ಆಶ್ಚರ್ಯವನ್ನು ಮೂಡಿಸಿದೆ.
ಮತ್ತಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ನಿಮ್ಮ ಆಸುಪಾಸಿನಲ್ಲಿ ನಡೆಯುವಂತಹ ಕಾರ್ಯಕ್ರಮ, ಸಭೆ ಹಾಗೂ ಸಾರ್ವಜನಿಕ ಸಮಸ್ಯೆಗಳ ಬಗ್ಗೆ ಫೋಟೋ ಸಹಿತ G1 News ಗೆ ಮಾಹಿತಿ ಕಳುಹಿಸಿ. ವಾಟ್ಸಪ್: 7353833811, ಇ-ಮೇಲ್- g1newsdpt@gmail.com