ಯಾವುದೇ ಶುಭ ಕಾರ್ಯಕ್ಕೆ ಅಥವಾ ಪ್ರಮುಖ ಕೆಲಸಕ್ಕೆ ಮನೆಯಿಂದ ಹೊರಡುವಾಗ ದಾರಿಯಲ್ಲಿ ಕೆಲವು ಪ್ರಾಣಿ-ಪಕ್ಷಿಗಳು ಕಾಣಿಸಿಕೊಳ್ಳುವುದು ಶುಭ ಅಥವಾ ಅಶುಭ ಸಂಕೇತಗಳನ್ನು ನೀಡುತ್ತವೆ ಎಂದು ಭಾರತೀಯ ಶಕುನ ಶಾಸ್ತ್ರ ಹೇಳುತ್ತದೆ.
ಶುಭ ಸಂಕೇತ ನೀಡುವ ಪ್ರಾಣಿಗಳು:
ಆನೆ: ಮನೆಯಿಂದ ಹೊರಬರುವಾಗ ಆನೆ ಅಥವಾ ಆನೆಯ ದರ್ಶನವಾದರೆ ಅದು ಅತ್ಯಂತ ಮಂಗಳಕರ. ಅಂದುಕೊಂಡ ಕೆಲಸ ನಿರ್ವಿಘ್ನವಾಗಿ ಪೂರ್ಣಗೊಳ್ಳುತ್ತದೆ ಎಂಬುದರ ಸಂಕೇತವಿದು.
ಹಸು ಮತ್ತು ಕರು: ಹಸು ತನ್ನ ಕರುವಿಗೆ ಹಾಲು ಕುಡಿಸುತ್ತಿರುವಾಗ ಅಥವಾ ಹಸು ಎದುರಾದರೆ ಅದು ಮಹಾಶುಭ. ಇದು ಸಂಪತ್ತು ಮತ್ತು ಯಶಸ್ಸಿನ ಸೂಚಕ.
ಕಪ್ಪು ಕುದುರೆ: ಪ್ರಯಾಣ ಬೆಳೆಸುವಾಗ ಕುದುರೆ ಕಾಣಿಸುವುದು ಶುಭ. ಅದರಲ್ಲೂ ಕಪ್ಪು ಕುದುರೆ ಕಂಡರೆ ಅಂದುಕೊಂಡ ಕಾರ್ಯದಲ್ಲಿ ವಿಜಯ ಸಿಗುತ್ತದೆ ಎಂದು ನಂಬಲಾಗುತ್ತದೆ.
ಮುಂಗುಸಿ: ದಾರಿಯಲ್ಲಿ ಮುಂಗುಸಿ ಅಡ್ಡ ಬರುವುದು ಅಥವಾ ಕಾಣಿಸಿಕೊಳ್ಳುವುದು ಆರ್ಥಿಕ ಲಾಭದ ಸಂಕೇತ. ಕೆಲಸದಲ್ಲಿ ಧನಲಾಭವಾಗುವ ಸಾಧ್ಯತೆ ಇರುತ್ತದೆ.
ಜಿಂಕೆ: ಕಾಡು ಅಥವಾ ಹಳ್ಳಿಯ ಪ್ರದೇಶಗಳಲ್ಲಿ ಪ್ರಯಾಣಿಸುವಾಗ ಜಿಂಕೆ ಬಲದಿಂದ ಎಡಕ್ಕೆ ಹೋದರೆ ಅದು ಕಾರ್ಯ ಸಿದ್ಧಿಯ ಮುನ್ಸೂಚನೆ.
ಇದನ್ನೂ ಓದಿ: ಊಟ ಆದ್ಮೇಲೆ ನಮ್ಮ ತಟ್ಟೆಯನ್ನು ನಾವೇ ತೊಳೆಯಬೇಕು ಯಾಕೆ? ಹಿಂದು ಶಾಸ್ತ್ರ ಹೇಳೋದೇನು?
ಎಚ್ಚರಿಕೆಯ ಸಂಕೇತಗಳು (ಅಶುಭ ಶಕುನಗಳು):
ಬೆಕ್ಕು: ಸಾಮಾನ್ಯವಾಗಿ ಬೆಕ್ಕು ಎಡದಿಂದ ಬಲಕ್ಕೆ ಅಡ್ಡ ಹೋದರೆ ಆ ಕೆಲಸದಲ್ಲಿ ಅಡೆತಡೆಗಳು ಉಂಟಾಗಬಹುದು ಎಂಬ ನಂಬಿಕೆಯಿದೆ. ಇಂತಹ ಸಂದರ್ಭದಲ್ಲಿ ಸ್ವಲ್ಪ ಸಮಯ ನಿಂತು ನೀರು ಕುಡಿದು ಮುಂದೆ ಹೋಗುವುದು ರೂಢಿ.
ನಾಯಿ: ಮನೆಯಿಂದ ಹೊರಡುವಾಗ ನಾಯಿ ತನ್ನ ಮೈ ಕೊಡವಿಕೊಳ್ಳುವುದು ಅಥವಾ ರೋದಿಸುವುದು (ಅಳುವುದು) ಕಂಡರೆ ಅದು ಅಶುಭ. ಇದು ಕೆಲಸದಲ್ಲಿ ವಿಳಂಬ ಅಥವಾ ತೊಂದರೆಯನ್ನು ಸೂಚಿಸುತ್ತದೆ.
ಒಂಟಿ ಮೈನಾ ಹಕ್ಕಿ: ದಾರಿಯಲ್ಲಿ ಒಂದೇ ಒಂದು ಮೈನಾ ಹಕ್ಕಿ ಕಂಡರೆ ಅದು ಅಶುಭ ಎಂದು ಹೇಳಲಾಗುತ್ತದೆ. ಅದೇ ಒಂದು ಜೊತೆ (ಎರಡು) ಮೈನಾ ಕಂಡರೆ ಅದು ಅತ್ಯಂತ ಶುಭ.
ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ