ಮಂಗಳೂರು: ಮ್ಯಾನೇಜ್ಮೆಂಟ್ ಅಕೌಂಟಿಂಗ್ ಮತ್ತು ಸ್ಟ್ರಾಟೆಜಿಕ್ ಫೈನಾನ್ಶಿಯಲ್ ಮ್ಯಾನೇಜ್ಮೆಂಟ್ ಕ್ಷೇತ್ರದಲ್ಲಿ ಜಾಗತಿಕವಾಗಿ ಮನ್ನಣೆ ಪಡೆದ ಪರೀಕ್ಷೆಯಾದ ಸರ್ಟಿಫೈಡ್ ಮ್ಯಾನೇಜ್ಮೆಂಟ್ ಅಕೌಂಟೆಂಟ್ (CMA – USA) ಪರೀಕ್ಷೆಯಲ್ಲಿ ಮಂಗಳೂರಿನ ಸೇಂಟ್ ಆಗ್ನೆಸ್ ಕಾಲೇಜಿನ ಇಬ್ಬರು ವಿದ್ಯಾರ್ಥಿನಿಯರು ಗಮನಾರ್ಹ ಸಾಧನೆ ಮಾಡಿದ್ದಾರೆ.
ಸಾಧಕ ವಿದ್ಯಾರ್ಥಿನಿಯರು:
1. ನೀಷ್ಮಾ (2021–2024 ಬ್ಯಾಚ್):
ಮಂಜೇಶ್ವರದ ಮಾಡ ನಿವಾಸಿಯಾದ ನೀಷ್ಮಾ ಅವರು ಎರಡೂ ಹಂತದ ಪರೀಕ್ಷೆಗಳನ್ನು ಯಶಸ್ವಿಯಾಗಿ ಪೂರೈಸಿದ್ದಾರೆ. ಮೊದಲ ಭಾಗದ ‘ಫೈನಾನ್ಶಿಯಲ್ ಪ್ಲಾನಿಂಗ್’ ಪರೀಕ್ಷೆಯಲ್ಲಿ 76% ಅಂಕ ಗಳಿಸಿದ್ದ ಅವರು, ಫೆಬ್ರವರಿ 2026ರಲ್ಲಿ ನಡೆದ ಎರಡನೇ ಭಾಗದ ‘ಸ್ಟ್ರಾಟೆಜಿಕ್ ಫೈನಾನ್ಶಿಯಲ್ ಮ್ಯಾನೇಜ್ಮೆಂಟ್’ ಪರೀಕ್ಷೆಯಲ್ಲಿ 80% ಅಂಕ ಪಡೆಯುವ ಮೂಲಕ ‘CMA (USA) ಅಫಿಲಿಯೇಟ್’ ಆಗಿ ಹೊರಹೊಮ್ಮಿದ್ದಾರೆ. ಇವರು ದಿವಂಗತ ಜಯ ಮತ್ತು ನವೀನಾ ದಂಪತಿಯ ಪುತ್ರಿ.
ಇದನ್ನೂ ಓದಿ: ಪುತ್ತೂರು: ಭೀಕರ ಬೈಕ್ ಅಪಘಾತ; ನಿಯಂತ್ರಣ ಕಳೆದುಕೊಂಡು ಡಿವೈಡರ್ಗೆ ಡಿಕ್ಕಿ, 21 ವರ್ಷದ ಯುವಕ ಸ್ಥಳದಲ್ಲೇ ಸಾವು!
2. ಪ್ರಿಶಾ ರಾಜ್ವಿ ಶೆಟ್ಟಿ (2022–2025 ಬ್ಯಾಚ್):
ಪ್ರಿಶಾ ಅವರು ಜನವರಿ 2026ರ ಅವಧಿಯಲ್ಲಿ ನಡೆದ ಪರೀಕ್ಷೆಯ ಮೊದಲ ಭಾಗವಾದ ‘ಫೈನಾನ್ಶಿಯಲ್ ಪ್ಲಾನಿಂಗ್, ಪರ್ಫಾರ್ಮೆನ್ಸ್ ಮತ್ತು ಅನಾಲಿಟಿಕ್ಸ್’ನಲ್ಲಿ 74% ಅಂಕ ಗಳಿಸಿ ಸಾಧನೆ ಮಾಡಿದ್ದಾರೆ.
ಜಾಗತಿಕ ವೃತ್ತಿಪರ ಕೋರ್ಸ್ಗಳಾದ ACCA ಮತ್ತು CMA ಅನ್ನು ಬಿ.ಕಾಂ ಜೊತೆಗೆ ಸಂಯೋಜಿಸಿ ನೀಡುವಲ್ಲಿ ಮುಂಚೂಣಿಯಲ್ಲಿರುವ ಸೇಂಟ್ ಆಗ್ನೆಸ್ ಕಾಲೇಜು, ವಿದ್ಯಾರ್ಥಿಗಳನ್ನು ಜಾಗತಿಕ ಮಟ್ಟದ ವೃತ್ತಿಪರರನ್ನಾಗಿ ರೂಪಿಸುತ್ತಿದೆ. ಕಾಲೇಜಿನ ಈ ಸಾಧನೆಯನ್ನು ಮ್ಯಾನೇಜ್ಮೆಂಟ್, ಹಳೆಯ ವಿದ್ಯಾರ್ಥಿಗಳು ಮತ್ತು ಬೋಧಕ ವರ್ಗದವರು ಶ್ಲಾಘಿಸಿದ್ದಾರೆ.
ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ