ಹಿಂದೂ ಧರ್ಮದಲ್ಲಿ ಹಸುವನ್ನು ‘ಗೋಮಾತೆ’ ಎಂದು ಪೂಜಿಸಲಾಗುತ್ತದೆ. 33 ಕೋಟಿ ದೇವತೆಗಳ ವಾಸಸ್ಥಾನವಾಗಿರುವ ಹಸು ಮನೆ ಮುಂದೆ ಬಂದಾಗ ಖಾಲಿ ಹೊಟ್ಟೆಯಲ್ಲಿ ಕಳುಹಿಸಬಾರದು ಎಂಬ ನಂಬಿಕೆಯಿದೆ. ಆದರೆ, ಹಸುವಿಗೆ ನೀಡುವ ಆಹಾರದ ಬಗ್ಗೆ ನಮಗೆ ಅರಿವಿರಲಿ.
ಹಸುವಿಗೆ ನೀಡಬಹುದಾದ ಉತ್ತಮ ಆಹಾರಗಳು:
1. ಹಸಿರು ಹುಲ್ಲು ಮತ್ತು ಸೊಪ್ಪು:
ಹಸುವಿಗೆ ಅತ್ಯಂತ ಪ್ರಿಯವಾದ ಮತ್ತು ಆರೋಗ್ಯಕರವಾದ ಆಹಾರವೆಂದರೆ ಹಸಿರು ಹುಲ್ಲು. ಇದು ಹಸುವಿನ ಜೀರ್ಣಕ್ರಿಯೆಗೆ ಉತ್ತಮ. ಸಾಧ್ಯವಾದರೆ ಪಾಲಕ್ ಸೊಪ್ಪು ಅಥವಾ ಮೇವಿನ ಸೊಪ್ಪನ್ನು ನೀಡಿ.
2. ನೆನೆಸಿದ ಅಕ್ಕಿ ಅಥವಾ ಗೋಧಿ ಹಿಟ್ಟು:
ಸಣ್ಣ ಪ್ರಮಾಣದಲ್ಲಿ ಅಕ್ಕಿಯನ್ನು ನೆನೆಸಿ ಅಥವಾ ಗೋಧಿ ಹಿಟ್ಟಿನ ಉಂಡೆಗಳನ್ನು ಮಾಡಿ ನೀಡಬಹುದು. ಗೋಧಿ ಹಿಟ್ಟಿಗೆ ಸ್ವಲ್ಪ ಬೆಲ್ಲ ಸೇರಿಸಿದರೆ ಅದು ಹಸುವಿಗೆ ಶಕ್ತಿ ನೀಡುತ್ತದೆ ಮತ್ತು ಧಾರ್ಮಿಕವಾಗಿ ಇದು ಸೂರ್ಯ ದೇವನ ಅನುಗ್ರಹಕ್ಕೆ ಕಾರಣವಾಗುತ್ತದೆ ಎಂದು ಹೇಳಲಾಗುತ್ತದೆ.
3. ಬೆಲ್ಲ (Jaggery):
ಹಸುವಿಗೆ ಬೆಲ್ಲ ನೀಡುವುದು ಅತ್ಯಂತ ಮಂಗಳಕರ. ಇದು ಹಸುವಿನ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಹಸುವಿಗೆ ಬೆಲ್ಲ ನೀಡುವುದರಿಂದ ಜಾತಕದಲ್ಲಿರುವ ಮಂಗಳ ದೋಷಗಳು ನಿವಾರಣೆಯಾಗುತ್ತವೆ.
4. ಬಾಳೆಹಣ್ಣು:
ಮನೆ ಮುಂದೆ ಬರುವ ಹಸುವಿಗೆ ಎರಡು ಬಾಳೆಹಣ್ಣು ನೀಡುವುದು ಅತ್ಯಂತ ಸಾಮಾನ್ಯ ಮತ್ತು ಒಳ್ಳೆಯ ಪದ್ಧತಿ. ಇದು ಹಸುವಿಗೆ ತ್ವರಿತ ಶಕ್ತಿಯನ್ನು ನೀಡುತ್ತದೆ.
ಇದನ್ನೂ ಓದಿ: ಗರ್ಭಾವಸ್ಥೆಯಲ್ಲಿ ದೇವರ ಪೂಜೆ ಮಾಡಬಹುದೇ? ಶಾಸ್ತ್ರಗಳು ಹೇಳುವುದೇನು? ಗರ್ಭಿಣಿಯರಿಗಾಗಿ ಪೂಜಾ ನಿಯಮಗಳು ಇಲ್ಲಿವೆ
5. ನೀರು:
ಆಹಾರದ ಜೊತೆಗೆ ಹಸುವಿಗೆ ಕುಡಿಯಲು ಶುದ್ಧವಾದ ನೀರನ್ನು ನೀಡುವುದನ್ನು ಮರೆಯಬೇಡಿ. ಬಾಯಾರಿದ ಪ್ರಾಣಿಗೆ ನೀರು ನೀಡುವುದು ಮಹಾದಾನಕ್ಕೆ ಸಮಾನ.
ಇವುಗಳನ್ನು ನೀಡಬೇಡಿ:
ಹಳಸಿದ ಆಹಾರ: ಮನೆಯಲ್ಲಿ ಉಳಿದ ಹಳಸಿದ ಅನ್ನ ಅಥವಾ ಕೆಟ್ಟ ವಾಸನೆ ಬರುವ ಪದಾರ್ಥಗಳನ್ನು ಹಸುವಿಗೆ ನೀಡಬೇಡಿ. ಇದು ಹಸುವಿನ ಆರೋಗ್ಯಕ್ಕೆ ಹಾನಿಕಾರಕ.
ಪ್ಲಾಸ್ಟಿಕ್: ಆಹಾರವನ್ನು ಪ್ಲಾಸ್ಟಿಕ್ ಕವರ್ಗಳಲ್ಲಿ ಇಟ್ಟು ನೀಡಬೇಡಿ. ಹಸು ಪ್ಲಾಸ್ಟಿಕ್ ಸೇವಿಸಿದರೆ ಅದು ಜೀವಕ್ಕೆ ಸಂಚಕಾರ ತರಬಹುದು.
ಅಧ್ಯಾತ್ಮಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ