ಮುಂದಿನ ದಿನಗಳಲ್ಲಿ ಮಕ್ಕಳಿಗೆ ಪರೀಕ್ಷೆಗಳು ಶುರುವಾಗಲಿದೆ. ಈ ಹೊತ್ತಿನಲ್ಲಿ ಮಕ್ಕಳು ಹೆಚ್ಚು ಉದಾಸಿನ ಮಾಡುತ್ತಾರೆ. ಹಾಗೂ ಓದಿದ್ದು ತಲೆ ಹೋಗುವುದಿಲ್ಲ. ಈ ಕಾರಣಕ್ಕೆ ಅವರಿಗೆ ಕೆಲವೊಂದು ಉತ್ತಮ ಆಹಾರಗಳನ್ನು ನೀಡಬೇಕು. ಮಕ್ಕಳ ಮೆದುಳಿನ ಬೆಳವಣಿಗೆ, ಸ್ಮರಣಶಕ್ತಿ ಮತ್ತು ಏಕಾಗ್ರತೆಯನ್ನು ಹೆಚ್ಚಿಸಲು ಪೌಷ್ಟಿಕಾಂಶಯುಕ್ತ ಆಹಾರ ಅತ್ಯಗತ್ಯ. ಮಕ್ಕಳ ಜ್ಞಾನಶಕ್ತಿ ಹೆಚ್ಚಿಸಲು ನೀವು ಈ ಕೆಳಗಿನ ‘ಸೂಪರ್ ಫುಡ್’ಗಳನ್ನು ಅವರ ಆಹಾರ ಕ್ರಮದಲ್ಲಿ ಸೇರಿಸಬಹುದು.
ಮೊಟ್ಟೆ :
ಇದರಲ್ಲಿರುವ ಕೋಲೀನ್ (Choline) ಎಂಬ ಅಂಶವು ಸ್ಮರಣಶಕ್ತಿಯನ್ನು ವೃದ್ಧಿಸಲು ಸಹಾಯ ಮಾಡುತ್ತದೆ. ಬೆಳಗ್ಗಿನ ಉಪಾಹಾರಕ್ಕೆ ಬೇಯಿಸಿದ ಮೊಟ್ಟೆ ಅಥವಾ ಆಮ್ಲೆಟ್ ನೀಡುವುದು ಉತ್ತಮ.
ಒಣ ಹಣ್ಣುಗಳು ಮತ್ತು ಬೀಜಗಳು :
ಬಾದಾಮಿ ಮತ್ತು ಆಕ್ರೋಟ್ (Walnuts): ಇವುಗಳಲ್ಲಿ ಒಮೆಗಾ-3 ಫ್ಯಾಟಿ ಆಸಿಡ್ ಮತ್ತು ವಿಟಮಿನ್ ಇ ಸಮೃದ್ಧವಾಗಿದ್ದು, ಮೆದುಳಿನ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತವೆ.
ಗುಂಬಳಕಾಯಿ ಬೀಜ: ಇದರಲ್ಲಿ ಸತು (Zinc) ಹೆಚ್ಚಾಗಿದ್ದು, ಇದು ಆಲೋಚನಾ ಶಕ್ತಿಯನ್ನು ಉತ್ತಮಗೊಳಿಸುತ್ತದೆ.
ಸೊಪ್ಪು ತರಕಾರಿಗಳು :
ಪಾಲಕ್ ಮತ್ತು ಇತರ ಸೊಪ್ಪುಗಳಲ್ಲಿ ಫೋಲೇಟ್ ಮತ್ತು ವಿಟಮಿನ್ ಎ ಇರುತ್ತದೆ. ಇವು ಮೆದುಳಿನ ಕೋಶಗಳ ಬೆಳವಣಿಗೆಗೆ ಪೂರಕವಾಗಿವೆ.
ಧಾನ್ಯಗಳು :
ಓಟ್ಸ್, ರಾಗಿ ಮತ್ತು ಕೆಂಪು ಅಕ್ಕಿಯಂತಹ ಧಾನ್ಯಗಳು ಮೆದುಳಿಗೆ ನಿರಂತರ ಶಕ್ತಿಯನ್ನು (Glucose) ಒದಗಿಸುತ್ತವೆ. ಇದು ಮಕ್ಕಳು ದಿನವಿಡೀ ಏಕಾಗ್ರತೆಯಿಂದ ಇರಲು ಸಹಾಯ ಮಾಡುತ್ತದೆ.
ಇದನ್ನೂ ಓದಿ: ಮಧುಮೇಹಿಗಳ ಮೂತ್ರವನ್ನು ಬಳಸಿಕೊಂಡು ವಿಸ್ಕಿ ತಯಾರಿಸಿದ ತಜ್ಞ
ಮೀನು :
ನೀವು ಮಾಂಸಾಹಾರ ಸೇವಿಸುವವರಾಗಿದ್ದರೆ, ಸಾಲ್ಮನ್ ಅಥವಾ ಬಂಗಡೆ ಮೀನುಗಳನ್ನು ನೀಡಬಹುದು. ಇವುಗಳಲ್ಲಿರುವ DHA ಅಂಶವು ಮೆದುಳಿನ ಚುರುಕುತನಕ್ಕೆ ಬಹಳ ಮುಖ್ಯ.
ಮೊಸರು :
ಮೊಸರಿನಲ್ಲಿರುವ ಪ್ರೋಟೀನ್ ಮತ್ತು ಬಿ-ವಿಟಮಿನ್ ಮೆದುಳಿನ ಸಂವಹನ ವ್ಯವಸ್ಥೆಯನ್ನು ಚುರುಕುಗೊಳಿಸುತ್ತದೆ.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ