ಚಳಿಗಾಲದಲ್ಲಿ ಬಿಸಿ ಚಹಾ, ಕಾಫಿ ಕುಡಿಯುವುದು ಸಾಮಾನ್ಯ. ಆದರೆ, ಹೊಸ ಸಂಶೋಧನೆಯ ಪ್ರಕಾರ, ಅತಿ ಬಿಸಿಯಾದ ಪಾನೀಯಗಳು ಅನ್ನನಾಳದ ಮೇಲೆ ಗಂಭೀರ ಹಾನಿ ಉಂಟುಮಾಡಬಹುದು. ಇದು ಅನ್ನನಾಳದ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನ ತಿಳಿಸಿದೆ.
ಯುಕೆ ಬಯೋಬ್ಯಾಂಕ್ ನಡೆಸಿದ ಸಂಶೋಧನೆಯ ಪ್ರಕಾರ, ಅತಿಯಾದ ಬಿಸಿಯಾದ ಪಾನೀಯಗಳು ಅಥವಾ ಆಹಾರ ಸೇವನೆಯು ಅನ್ನನಾಳದ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತದೆ. ಬಿಸಿ ಪಾನೀಯಗಳು ಅನ್ನನಾಳದ ಸೂಕ್ಷ್ಮ ಅಂಗಾಂಶಗಳಿಗೆ ಹಾನಿ ಉಂಟುಮಾಡಬಹುದು. ಎದೆ ನೋವು, ತೂಕ ನಷ್ಟ, ಧ್ವನಿ ಬದಲಾವಣೆ, ಕೆಮ್ಮುವಾಗ ರಕ್ತ, ಆಹಾರ ನುಂಗುವಾಗ ತೊಂದರೆ ಮತ್ತು ರಕ್ತ ವಾಂತಿ ಅನ್ನನಾಳ ಕ್ಯಾನ್ಸರ್ನ ಆರಂಭಿಕ ಲಕ್ಷಣಗಳಾಗಿವೆ.
ಇದನ್ನೂ ಓದಿ: ತಿನ್ನುವಾಗ ಮೊಬೈಲ್ ಬಳಸಿದರೆ ಬರಬಹುದು ಈ ರೋಗಗಳು! ಇರಲಿ ಎಚ್ಚರ
ಪ್ರತಿದಿನ ಅತಿಯಾದ ಬಿಸಿ ಪಾನೀಯಗಳನ್ನು ಸೇವಿಸುವುದರಿಂದ ಅನ್ನನಾಳದ ಕ್ಯಾನ್ಸರ್ ಬರುವ ಅಪಾಯ ಹೆಚ್ಚಾಗುತ್ತದೆ. ಅನ್ನನಾಳದ ಸೂಕ್ಷ್ಮವಾದ ಒಳಪದರವು ಹೆಚ್ಚಿನ ತಾಪಮಾನದಿಂದ ಉರಿಯುವ ಮತ್ತು ಗಾಯಗೊಳ್ಳುವ ಸಾಧ್ಯತೆಯಿದೆ. ಈ ಪರಿಸ್ಥಿತಿ ದೀರ್ಘಕಾಲ ಮುಂದುವರಿದರೆ, ಜೀವಕೋಶಗಳಿಗೆ ಹಾನಿಯಾಗಿ ಕ್ಯಾನ್ಸರ್ ಅಪಾಯ ಹೆಚ್ಚುತ್ತದೆ.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ