ನವದೆಹಲಿ: ಕೇಂದ್ರ ಬಜೆಟ್ ಮಂಡನೆಗೆ (ಫೆಬ್ರವರಿ 1) ದಿನಗಣನೆ ಆರಂಭವಾಗಿದೆ. 2026ರ ಬಜೆಟ್ನಲ್ಲಿ ಜನಸಾಮಾನ್ಯರು, ರೈತರು, ಮಹಿಳೆಯರು ಮತ್ತು ತೆರಿಗೆದಾರರಿಗೆ ಹಲವು ಬಂಪರ್ ಕೊಡುಗೆಗಳು ಸಿಗುವ ನಿರೀಕ್ಷೆಯಿದೆ.
ಮೂಲಗಳ ಪ್ರಕಾರ, ಈ ಬಾರಿ ಕೇಂದ್ರ ಸರ್ಕಾರ 5 ಪ್ರಮುಖ ಬದಲಾವಣೆಗಳನ್ನು ಘೋಷಿಸುವ ಸಾಧ್ಯತೆ ಇದೆ.
1. ಒಂದು ದೇಶ – ಒಂದು ಐಟಿಆರ್ ಫಾರ್ಮ್: ಪ್ರಸ್ತುತ ಇರುವ 7 ವಿವಿಧ ಬಗೆಯ ಐಟಿಆರ್ ಫಾರ್ಮ್ಗಳಿಂದ ಜನರಿಗೆ ಗೊಂದಲ ಉಂಟಾಗುತ್ತಿದೆ. ಇದನ್ನು ತಪ್ಪಿಸಲು, ಎಲ್ಲರಿಗೂ ಅನ್ವಯವಾಗುವಂತೆ ‘ಒಂದೇ ಸಾಮಾನ್ಯ ಐಟಿಆರ್ ಫಾರ್ಮ್’ ಅನ್ನು ಪರಿಚಯಿಸುವ ಸಾಧ್ಯತೆ ಇದೆ. ಇದು ತೆರಿಗೆ ಸಲ್ಲಿಕೆ ಪ್ರಕ್ರಿಯೆಯನ್ನು ಸುಲಭಗೊಳಿಸಲಿದೆ.
ಇದನ್ನೂ ಓದಿ: Kids Care : ಊಟ ಬೇಡವೆನ್ನುವ ಮಕ್ಕಳು: ಪೋಷಕರಿಗೆ ವೈದ್ಯರ ಸಲಹೆ ಇಲ್ಲಿದೆ
2. ಏಪ್ರಿಲ್ 1 ರಿಂದ ಹೊಸ ಕಾಯ್ದೆ:
1961ರ ಹಳೆಯ ಆದಾಯ ತೆರಿಗೆ ಕಾಯ್ದೆಯ ಬದಲು, ಏಪ್ರಿಲ್ 1, 2026 ರಿಂದ ಹೊಸ ಮತ್ತು ಸರಳವಾದ ಕಾಯ್ದೆಯನ್ನು ಜಾರಿಗೆ ತರಲು ಸರ್ಕಾರ ಚಿಂತಿಸಿದೆ. ಅನಗತ್ಯ ಮತ್ತು ಹಳೆಯ ನಿಯಮಗಳನ್ನು ತೆಗೆದುಹಾಕಿ, ‘ಮಾಸ್ಟರ್ ಸರ್ಕ್ಯುಲರ್’ ಹೊರಡಿಸುವ ನಿರೀಕ್ಷೆ ಇದೆ.
3. ಟಿಡಿಎಸ್ ನಿಯಮಗಳಲ್ಲಿ ಬದಲಾವಣೆ:
ಪ್ರಸ್ತುತ ಇರುವ ಹತ್ತಾರು ಟಿಡಿಎಸ್ ದರಗಳನ್ನು (TDS Rates) ಕೇವಲ 2-3 ಸ್ಥಿರ ದರಗಳಿಗೆ ಇಳಿಸುವ ಪ್ರಸ್ತಾಪವಿದೆ. ಇದರಿಂದ ತೆರಿಗೆದಾರರಿಗೆ ಮತ್ತು ಕಂಪನಿಗಳಿಗೆ ಲೆಕ್ಕಾಚಾರ ಸುಲಭವಾಗಲಿದೆ.
4. ಎಲೆಕ್ಟ್ರಿಕ್ ವಾಹನಗಳಿಗೆ ತೆರಿಗೆ ವಿನಾಯಿತಿ:
ವಾಯು ಮಾಲಿನ್ಯ ತಡೆಗಟ್ಟುವ ನಿಟ್ಟಿನಲ್ಲಿ, ಎಲೆಕ್ಟ್ರಿಕ್ ವಾಹನ (EV) ಖರೀದಿಸುವವರಿಗೆ ಹೊಸ ತೆರಿಗೆ ಪದ್ಧತಿಯಲ್ಲಿ ವಿಶೇಷ ವಿನಾಯಿತಿ ನೀಡುವ ಸಾಧ್ಯತೆ ಇದೆ. ಪರಿಸರ ಸ್ನೇಹಿ ವಾಹನಗಳನ್ನು ಪ್ರೋತ್ಸಾಹಿಸಲು ಸರ್ಕಾರ ಈ ಕ್ರಮ ಕೈಗೊಳ್ಳಬಹುದು.
5. ಮಾಲಿನ್ಯ ತಡೆಗೆ ಸಿಎಸ್ಆರ್ ನಿಧಿ:
ಕಂಪನಿಗಳು ತಮ್ಮ ಸಿಎಸ್ಆರ್ (CSR) ಹಣವನ್ನು ಮಾಲಿನ್ಯ ನಿಯಂತ್ರಣಕ್ಕೆ ಬಳಸಿದರೆ, ಅದಕ್ಕೆ ತೆರಿಗೆ ವಿನಾಯಿತಿ ನೀಡುವ ಪ್ರಸ್ತಾಪವೂ ಬಜೆಟ್ನಲ್ಲಿದೆ.
ಮತ್ತಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ನಿಮ್ಮ ಆಸುಪಾಸಿನಲ್ಲಿ ನಡೆಯುವಂತಹ ಕಾರ್ಯಕ್ರಮ, ಸಭೆ ಹಾಗೂ ಸಾರ್ವಜನಿಕ ಸಮಸ್ಯೆಗಳ ಬಗ್ಗೆ ಫೋಟೋ ಸಹಿತ G1 News ಗೆ ಮಾಹಿತಿ ಕಳುಹಿಸಿ. ವಾಟ್ಸಪ್: 7353833811, ಇ-ಮೇಲ್- g1newsdpt@gmail.com