2026ರ ಮೊದಲ ಚಂದ್ರ ಗ್ರಹಣವು ಮಾರ್ಚ್ 3, 2026ರ ಮಂಗಳವಾರ ಸಂಭವಿಸಲಿದೆ. ವಿಶೇಷವೆಂದರೆ ಈ ಬಾರಿ ಗ್ರಹಣವು ಹೋಳಿ ಹಬ್ಬದ (ಫಾಲ್ಗುಣ ಪೂರ್ಣಿಮಾ) ದಿನದಂದೇ ಬರುತ್ತಿದೆ. ಇದು ಭಾರತದ ಕೆಲವು ಭಾಗಗಳಲ್ಲಿ ಭಾಗಶಃ ಗೋಚರಿಸುವುದರಿಂದ ಧಾರ್ಮಿಕವಾಗಿ ‘ಸೂತಕ ಕಾಲ’ ಅನ್ವಯವಾಗುತ್ತದೆ ಎಂದು ಜ್ಯೋತಿಷ್ಯ ಶಾಸ್ತ್ರಜ್ಞರು ತಿಳಿಸಿದ್ದಾರೆ.
ಚಂದ್ರ ಗ್ರಹಣ 2026: ಸಮಯ
ದಿನಾಂಕ: ಮಾರ್ಚ್ 3, 2026 (ಮಂಗಳವಾರ)
ಭಾರತದಲ್ಲಿ ಸಮಯ: ಸಂಜೆ 6:22 ರಿಂದ 6:47 ರವರೆಗೆ (ಸುಮಾರು 25 ನಿಮಿಷಗಳು ಭಾಗಶಃ ಗೋಚರ).
ಸೂತಕ ಕಾಲ: ಗ್ರಹಣ ಆರಂಭಕ್ಕೂ 9 ಗಂಟೆಗಳ ಮೊದಲು ಅಂದರೆ ಬೆಳಿಗ್ಗೆ 9:39 ರಿಂದ ಪ್ರಾರಂಭವಾಗುತ್ತದೆ (ಕೆಲವು ಪಂಚಾಂಗಗಳ ಪ್ರಕಾರ ಸೂರ್ಯೋದಯದಿಂದಲೇ ಅನ್ವಯ).
ಇದನ್ನೂ ಓದಿ: ಈ 4 ರಾಶಿಯವರಿಗೆ ಆಕಸ್ಮಿಕ ಧನಲಾಭ! ನಿಮ್ಮ ರಾಶಿ ಫಲ ಇಲ್ಲಿದೆ
ಗ್ರಹಣದ ಸಮಯದಲ್ಲಿ ಏನು ಮಾಡಬೇಕು?
ಧ್ಯಾನ ಮತ್ತು ಜಪ: ಗ್ರಹಣ ಕಾಲದಲ್ಲಿ ದೇವರ ನಾಮಸ್ಮರಣೆ, ಮಂತ್ರ ಪಠಣೆ (ಉದಾ: ಓಂ ನಮಃ ಶಿವಾಯ ಅಥವಾ ವಿಷ್ಣು ಸಹಸ್ರನಾಮ) ಮಾಡುವುದು ಅತ್ಯಂತ ಫಲಕಾರಿ.
ದರ್ಬೆ ಅಥವಾ ತುಳಸಿ ಎಲೆ: ಗ್ರಹಣಕ್ಕೂ ಮೊದಲೇ ಆಹಾರ ಪದಾರ್ಥಗಳು, ಹಾಲು ಮತ್ತು ನೀರಿಗೆ ದರ್ಬೆ ಅಥವಾ ತುಳಸಿ ಎಲೆಗಳನ್ನು ಹಾಕಿಡಬೇಕು. ಇದು ಗ್ರಹಣದ ನಕಾರಾತ್ಮಕ ಕಿರಣಗಳಿಂದ ಆಹಾರವು ಅಶುದ್ಧವಾಗದಂತೆ ತಡೆಯುತ್ತದೆ.
ದಾನ: ಗ್ರಹಣ ಮುಗಿದ ನಂತರ ಬಡವರಿಗೆ ಅಕ್ಕಿ, ಬೇಳೆ ಅಥವಾ ಬಟ್ಟೆಯನ್ನು ದಾನ ಮಾಡುವುದು ದೋಷ ನಿವಾರಣೆಗೆ ಉತ್ತಮ.
ಸ್ನಾನ: ಗ್ರಹಣ ಮುಕ್ತಾಯವಾದ ತಕ್ಷಣ (ಮೋಕ್ಷ ಕಾಲ) ಮನೆಯನ್ನು ಶುದ್ಧಗೊಳಿಸಿ, ತಲೆ ಸ್ನಾನ ಮಾಡುವುದು ಸಂಪ್ರದಾಯ.
ಗ್ರಹಣದ ಸಮಯದಲ್ಲಿ ಏನು ಮಾಡಬಾರದು?
ಆಹಾರ ಸೇವನೆ: ಗ್ರಹಣದ ಸಮಯದಲ್ಲಿ ಆಹಾರ ತಯಾರಿಸುವುದು ಅಥವಾ ಸೇವಿಸುವುದು ನಿಷಿದ್ಧ (ಮಕ್ಕಳು, ವೃದ್ಧರು ಮತ್ತು ರೋಗಿಗಳಿಗೆ ವಿನಾಯಿತಿ ಇದೆ).
ಮೂರ್ತಿ ಸ್ಪರ್ಶ: ಗ್ರಹಣ ಕಾಲದಲ್ಲಿ ದೇವರ ವಿಗ್ರಹಗಳನ್ನು ಅಥವಾ ತುಳಸಿ ಗಿಡವನ್ನು ಮುಟ್ಟಬಾರದು. ದೇವಸ್ಥಾನಗಳ ಬಾಗಿಲು ಈ ಸಮಯದಲ್ಲಿ ಮುಚ್ಚಿರುತ್ತದೆ.
ಶುಭ ಕಾರ್ಯ: ಗ್ರಹಣ ಕಾಲದಲ್ಲಿ ಮದುವೆ, ಮುಂಡನ ಅಥವಾ ಗೃಹಪ್ರವೇಶದಂತಹ ಯಾವುದೇ ಮಂಗಳ ಕಾರ್ಯಗಳನ್ನು ಮಾಡಬಾರದು.
ಚೂಪಾದ ವಸ್ತುಗಳ ಬಳಕೆ: ವಿಶೇಷವಾಗಿ ಗರ್ಭಿಣಿಯರು ಕತ್ತರಿ, ಚಾಕು ಅಥವಾ ಸೂಜಿಯಂತಹ ಚೂಪಾದ ವಸ್ತುಗಳನ್ನು ಬಳಸಬಾರದು ಎಂದು ಹಿರಿಯರು ಸಲಹೆ ನೀಡುತ್ತಾರೆ.
ಆಧ್ಯಾತ್ಮಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ