ಯುವಕರ ಕ್ರೇಜ್ ಮಹೀಂದ್ರಾ ಥಾರ್ ಕೇವಲ ಎಸ್‌ಯುವಿ ಅಲ್ಲ, ಇದೊಂದು ಲೈಫ್‌ಸ್ಟೈಲ್ ಸ್ಟೇಟಸ್

ಬೆಂಗಳೂರು: ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ಆಫ್-ರೋಡಿಂಗ್ ಪ್ರೇಮಿಗಳ ಮತ್ತು ಯುವ ಪೀಳಿಗೆಯ ಕನಸಿನ ವಾಹನ ಎಂದರೆ ಅದು ‘ಮಹೀಂದ್ರಾ ಥಾರ್’. ತನ್ನ ರಗಡ್ ಲುಕ್, ಬಲವಾದ ಬಾಡಿ ಬಿಲ್ಡ್ ಮತ್ತು ಅತ್ಯಾಧುನಿಕ ವಿನ್ಯಾಸದಿಂದಾಗಿ ಥಾರ್ ಇಂದು ದೇಶದ ಅತ್ಯಂತ ಜನಪ್ರಿಯ ಎಸ್‌ಯುವಿಗಳಲ್ಲಿ (SUV) ಒಂದಾಗಿ ಗುರುತಿಸಿಕೊಂಡಿದೆ. ಕೇವಲ ಒರಟು ರಸ್ತೆಗಳು ಮಾತ್ರವಲ್ಲದೆ ನಗರದ ರಸ್ತೆಗಳಲ್ಲೂ ರಾಜನಂತೆ ಸಾಗುವ ಈ ವಾಹನ, ಕೇವಲ ಸಾರಿಗೆ ಸಾಧನವಾಗಿ ಉಳಿದಿಲ್ಲ; ಬದಲಿಗೆ ಯುವಕರ ಜೀವನಶೈಲಿಯ ಹೆಮ್ಮೆಯ ಸಂಕೇತವಾಗಿದೆ.

ಬಲಿಷ್ಠ ಎಂಜಿನ್ ಮತ್ತು ಪವರ್‌ಫುಲ್ ಕಾರ್ಯಕ್ಷಮತೆ:

ಮಹೀಂದ್ರಾ ಥಾರ್ ಆಫ್-ರೋಡ್ ಪ್ರೇಮಿಗಳಿಗಾಗಿ ಎರಡು ಅತ್ಯಂತ ಶಕ್ತಿಶಾಲಿ ಎಂಜಿನ್ ಆಯ್ಕೆಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ.

ಪೆಟ್ರೋಲ್ ಎಂಜಿನ್: 2.0-ಲೀಟರ್ ಸಾಮರ್ಥ್ಯದ mStallion TGDi ಪೆಟ್ರೋಲ್ ಎಂಜಿನ್ ಹೊಂದಿದ್ದು, ಇದು 150 bhp ಪವರ್ ಹಾಗೂ 320 Nm ಟಾರ್ಕ್ ಅನ್ನು ಸುಲಭವಾಗಿ ಉತ್ಪಾದಿಸುತ್ತದೆ.

ಡೀಸೆಲ್ ಎಂಜಿನ್: ಇನ್ನು ಮೈಲೇಜ್ ಪ್ರಿಯರಿಗಾಗಿ 2.2-ಲೀಟರ್ ಸಾಮರ್ಥ್ಯದ mHawk CRDe ಡೀಸೆಲ್ ಎಂಜಿನ್ ನೀಡಲಾಗಿದ್ದು, ಇದು 130 bhp ಪವರ್ ಮತ್ತು 300 Nm ಟಾರ್ಕ್ ಕಾರ್ಯಕ್ಷಮತೆಯನ್ನು ಒದಗಿಸುತ್ತದೆ.

ಈ ಎರಡೂ ಎಂಜಿನ್‌ಗಳು 6-ಸ್ಪೀಡ್ ಮ್ಯಾನುವಲ್ ಮತ್ತು 6-ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಆಯ್ಕೆಗಳೊಂದಿಗೆ ಗ್ರಾಹಕರಿಗೆ ಸಿಗಲಿವೆ. ಅಷ್ಟೇ ಅಲ್ಲದೆ, ಇದರ ಪ್ರಮುಖ ಹೈಲೈಟ್ ಆಗಿರುವ 4×4 ಡ್ರೈವ್ ಸಿಸ್ಟಮ್ ಸಹಾಯದಿಂದ ಕಲ್ಲಿನ ರಸ್ತೆಗಳು, ಕೆಸರು ಗದ್ದೆಗಳು, ಮರಳು ದಿಬ್ಬಗಳು ಹಾಗೂ ಕಡಿದಾದ ಪರ್ವತ ಹಾದಿಗಳನ್ನು ಇದು ಅತ್ಯಂತ ಸಲೀಸಾಗಿ ಜಯಿಸುತ್ತದೆ.

ಐಷಾರಾಮಿ ಒಳಾಂಗಣ ಮತ್ತು ಹೈಟೆಕ್ ವೈಶಿಷ್ಟ್ಯಗಳು:

ಹೊರಗಿನಿಂದ ರಗಡ್ ಆಗಿ ಕಾಣುವ ಥಾರ್, ಒಳಗಡೆ ಅಷ್ಟೇ ಆರಾಮದಾಯಕ ಮತ್ತು ಆಧುನಿಕ ತಂತ್ರಜ್ಞಾನವನ್ನು ಹೊಂದಿದೆ. ಇದರ ಒಳಾಂಗಣದಲ್ಲಿ 10.25-ಇಂಚಿನ ವಿಶಾಲವಾದ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅಳವಡಿಸಲಾಗಿದ್ದು, ಇದು ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್ ಪ್ಲೇ ವ್ಯವಸ್ಥೆಯನ್ನು ಬೆಂಬಲಿಸುತ್ತದೆ. ಇದರೊಂದಿಗೆ ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್‌ಗಳು, ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್, ಅಡ್ವಾನ್ಸ್ಡ್ ಡ್ರೈವರ್ ಇನ್ಫಾರ್ಮೇಶನ್ ಡಿಸ್‌ಪ್ಲೇ, ಬ್ಲೂಟೂತ್ ಕನೆಕ್ಟಿವಿಟಿ ಲಭ್ಯವಿದೆ. ಗ್ರಾಹಕರು ತಮ್ಮ ಇಷ್ಟಕ್ಕೆ ತಕ್ಕಂತೆ ಇದರ ಹಾರ್ಡ್‌ಟಾಪ್ (Hardtop) ಅಥವಾ ಸಾಫ್ಟ್‌ಟಾಪ್ (Softtop) ರೂಫ್ ಅನ್ನು ತೆಗೆಯಬಹುದಾದ (Removable) ಆಯ್ಕೆಯನ್ನು ಸಹ ನೀಡಲಾಗಿದೆ.

ಇದನ್ನೂ ಓದಿ: ಅಮೆಜಾನ್‌ನಲ್ಲಿ ದ್ವಿಚಕ್ರ ವಾಹನಗಳ ಮಾರಾಟ ದುಪ್ಪಟ್ಟು!: ಮೆಟ್ರೋ ಸಿಟಿಗಳನ್ನೇ ಹಿಂದಿಕ್ಕಿದ ಸಣ್ಣ ಪಟ್ಟಣಗಳು

ಸುರಕ್ಷತೆ ಮತ್ತು ಮೈಲೇಜ್ ಜುಗಲ್‌ಬಂದಿ:

ಕುಟುಂಬದೊಂದಿಗೆ ದೀರ್ಘ ಪ್ರಯಾಣ ಮಾಡಲು ಇಚ್ಛಿಸುವವರಿಗಾಗಿ ಥಾರ್‌ನಲ್ಲಿ ಸುರಕ್ಷತೆಗೆ ಮೊದಲ ಆದ್ಯತೆ ನೀಡಲಾಗಿದೆ. ಸುರಕ್ಷತಾ ವೈಶಿಷ್ಟ್ಯಗಳಲ್ಲಿ ಡ್ಯುಯಲ್ ಏರ್‌ಬ್ಯಾಗ್‌ಗಳು, ಆಂಟಿ-ಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS), ಎಲೆಕ್ಟ್ರಾನಿಕ್ ಸ್ಟೆಬಿಲಿಟಿ ಪ್ರೋಗ್ರಾಂ (ESP), ಹಿಲ್ ಹೋಲ್ಡ್, ಹಿಲ್ ಡಿಸೆಂಟ್ ಕಂಟ್ರೋಲ್ ಮತ್ತು ಕ್ರೂಸ್ ಕಂಟ್ರೋಲ್‌ಗಳನ್ನು ಒಳಗೊಂಡಿದೆ.

ದೀರ್ಘ ಪ್ರಯಾಣಕ್ಕೆ ಪೂರಕವಾಗಿ ಇದರಲ್ಲಿ ಭಾರಿ ಗಾತ್ರದ 57 ಲೀಟರ್ ಇಂಧನ ಟ್ಯಾಂಕ್ ಸಾಮರ್ಥ್ಯವಿದ್ದು, ಇಷ್ಟು ಬಲಿಷ್ಠವಾಗಿದ್ದರೂ ಇದರ ಪೆಟ್ರೋಲ್ ರೂಪಾಂತರವು ಪ್ರತಿ ಲೀಟರ್‌ಗೆ ಸುಮಾರು 15 ಕಿ.ಮೀ ಹಾಗೂ ಡೀಸೆಲ್ ರೂಪಾಂತರವು ಸುಮಾರು 16 ಕಿ.ಮೀ ಮೈಲೇಜ್‌ ನೀಡುತ್ತದೆ. ಆಫ್-ರೋಡ್ ಸಾಹಸಗಳನ್ನು ಇಷ್ಟಪಡುವ ಮತ್ತು ಲಾಂಗ್ ಡ್ರೈವ್ ಹೋಗುವ ಕುಟುಂಬಗಳಿಗೆ ಮಹೀಂದ್ರಾ ಥಾರ್ ಅತ್ಯುತ್ತಮ ಹಾಗೂ ಪರಿಪೂರ್ಣ ಆಯ್ಕೆಯಾಗಿದೆ.

ಆಟೋ ಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ