ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಾದ್ಯಂತ ಇಂದು (ಮೇ 20) ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಒಟ್ಟು 1,100 ಖಾಸಗಿ ಮೆಡಿಕಲ್ ಶಾಪ್ಗಳು ಸಂಪೂರ್ಣವಾಗಿ ಬಂದ್ ಆಗಲಿವೆ. ‘ಕೆನರಾ ಡಿಸ್ಟ್ರಿಕ್ಟ್ ಕೆಮಿಸ್ಟ್ಸ್ ಅಂಡ್ ಡ್ರಗ್ಗಿಸ್ಟ್ಸ್ ಅಸೋಸಿಯೇಷನ್’ ಅಡಿಯಲ್ಲಿ ನೋಂದಾಯಿತವಾಗಿರುವ ಎಲ್ಲಾ ಮೆಡಿಕಲ್ ಶಾಪ್ಗಳು 24 ಗಂಟೆಗಳ ಕಾಲ ತಮ್ಮ ಸೇವೆಗಳನ್ನು ಸ್ಥಗಿತಗೊಳಿಸಲು ತೀರ್ಮಾನಿಸಿವೆ. ಈ ಹಠಾತ್ ಬಂದ್ ನಿರ್ಧಾರದಿಂದ ಸಾರ್ವಜನಿಕರಿಗೆ ಮತ್ತು ರೋಗಿಗಳಿಗೆ ಔಷಧಿಗಳ ಕೊರತೆಯಾಗದಂತೆ ಆರೋಗ್ಯ ಇಲಾಖೆ ಮತ್ತು ಡ್ರಗ್ಸ್ ನಿಯಂತ್ರಣ ಇಲಾಖೆ ತಕ್ಷಣದ ಮುನ್ನೆಚ್ಚರಿಕೆ ಕ್ರಮವಾಗಿ ಮಹತ್ವದ ಪರ್ಯಾಯ ವ್ಯವಸ್ಥೆಗಳನ್ನು ಮಾಡಿದೆ.
ಜಿಲ್ಲೆಯ ಖಾಸಗಿ ಫಾರ್ಮಸಿಗಳು ಬಂದ್ ಆಗಿದ್ದರೂ, ಸಾರ್ವಜನಿಕರಿಗೆ ಅಗತ್ಯ ಮತ್ತು ತುರ್ತು ಔಷಧಿಗಳ ಪೂರೈಕೆಗೆ ಧಕ್ಕೆಯಾಗದಂತೆ ಕೆಲವು ಪ್ರಮುಖ ಸಂಸ್ಥೆಗಳು ಎಂದಿನಂತೆ ತೆರೆದಿರಲಿವೆ. ಜಿಲ್ಲಾದ್ಯಂತ ಇರುವ ಒಟ್ಟು 38 ಅಪೋಲೋ ಫಾರ್ಮಸಿಗಳು, 48 ಮೆಡ್ಪ್ಲಸ್ ಫಾರ್ಮಸಿಗಳು ಹಾಗೂ 130 ಪ್ರಧಾನಮಂತ್ರಿ ಜನೌಷಧಿ ಕೇಂದ್ರಗಳು (Janaushadhi Kendras) ಸಾರ್ವಜನಿಕರಿಗೆ ಸೇವೆ ನೀಡಲಿವೆ. ಇದರೊಂದಿಗೆ ದಕ್ಷಿಣ ಕನ್ನಡ ಜಿಲ್ಲೆಯ ಎಲ್ಲಾ ಸರ್ಕಾರಿ ಮತ್ತು ಖಾಸಗಿ ಆಸ್ಪತ್ರೆಗಳ ಒಳಗೆ ಇರುವ (In-house) ಮೆಡಿಕಲ್ ಅಂಗಡಿಗಳು ಯಾವುದೇ ಅಡಚಣೆಯಿಲ್ಲದೆ 24 ಗಂಟೆಯೂ ಕಾರ್ಯನಿರ್ವಹಿಸಲಿವೆ ಎಂದು ಇಲಾಖೆ ಸ್ಪಷ್ಟಪಡಿಸಿದೆ.
ಇದನ್ನೂ ಓದಿ:ಬೆಳ್ತಂಗಡಿ: ರಸ್ತೆಯಲ್ಲೇ ಉರುಳಿ ಬಿದ್ದ ಓಮ್ನಿ ಕಾರು; ಪಾದಚಾರಿಗಳ ಮೇಲೆ ಹರಿದು ಭೀಕರ ಅಪಘಾತ!
ಸಾರ್ವಜನಿಕರ ನೆರವಿಗಾಗಿ ಹೆಲ್ಪ್ಲೈನ್ ನಂಬರ್ಗಳು:
ತುರ್ತು ಸಂದರ್ಭಗಳಲ್ಲಿ ಮೆಡ್ಪ್ಲಸ್ ಮತ್ತು ಅಪೋಲೋ ಮೆಡಿಕಲ್ಗಳನ್ನು ಸಂಪರ್ಕಿಸಲು ಹಾಗೂ ಇಲಾಖೆಯ ನೆರವು ಪಡೆಯಲು ಸಾರ್ವಜನಿಕರಿಗಾಗಿ ವಿಶೇಷ ಹೆಲ್ಪ್ಲೈನ್ ಸಂಖ್ಯೆಗಳನ್ನು ಬಿಡುಗಡೆ ಮಾಡಲಾಗಿದೆ:
ಮಂಗಳೂರು ನಗರ: 9108466827
ಮುಲ್ಕಿ, ಕಿನ್ನಿಗೋಳಿ, ಮೂಡಬಿದ್ರಿ: 6364908172, 7625081353
ಬಂಟ್ವಾಳ, ಬಿ.ಸಿ. ರೋಡ್, ವಿಟ್ಲ: 9187234432
ಮಂಗಳೂರು ಸಹಾಯಕ ಡ್ರಗ್ಸ್ ನಿಯಂತ್ರಕರು: 9448205177
ಲ್ಯಾಂಡ್ ಲೈನ್ ಸಂಖ್ಯೆ: 0824-2218451
ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
