ಕಚೇರಿಯಿಂದ ಹೊರಬಂದು ನಡುರಸ್ತೆಯಲ್ಲೇ ಸಾರ್ವಜನಿಕವಾಗಿ ಬಹಿರಂಗವಾಗಿ ಲಂಚದ ಹಣ ಪಡೆಯುತ್ತಿದ್ದ ಸರ್ಕಾರಿ ಅಧಿಕಾರಿಯೊಬ್ಬರು ಭ್ರಷ್ಟಾಚಾರ ನಿಗ್ರಹ ದಳದ (ACB) ಅಧಿಕಾರಿಗಳ ರೆಡ್‌ಹ್ಯಾಂಡ್‌ (Red-Handed) ಕಾರ್ಯಾಚರಣೆಗೆ ಬಲಿಯಾಗಿದ್ದಾರೆ ತಮ್ಮ ಕಚೇರಿ ಆವರಣದ ಬಳಿ ಬಂದು ಅರ್ಜಿದಾರರಿಂದ ಲಂಚದ ಹಣವನ್ನು ಎಣಿಸಿ ಜೇಬಿಗಿಳಿಸಿಕೊಳ್ಳುತ್ತಿದ್ದ ವೇಳೆಯಲ್ಲೇ ದಾಳಿ ನಡೆಸಿದ ಎಸಿಬಿ ಅಧಿಕಾರಿಗಳು, ಅಧಿಕಾರಿಯನ್ನು ಹಣ ಸಮೇತ ವಶಕ್ಕೆ ಪಡೆದಿದ್ದಾರೆ. ಇನ್ನು ಇಲ್ಲಿ ವೈರಲ್ ಆಗಿರುವ ವಿಡಿಯೋ ನಿಖರವಾಗಿ ಎಲ್ಲಿಯದ್ದು ಎಂಬುದು ತಿಳಿದು ಬಂದಿಲ್ಲ, ಎಕ್ಸ್ನಲ್ಲಿ ಈ ಬಗ್ಗೆ ವಿಡಿಯೊವೊಂದನ್ನು ಹಂಚಿಕೊಳ್ಳಲಾಗಿದೆ.
ಕೆಲಸ ಮಾಡಿಕೊಡಲು ಹಣಕ್ಕೆ ಬೇಡಿಕೆಯಿಟ್ಟಿದ್ದ ಈ ಅಧಿಕಾರಿ, ಕಚೇರಿಯ ಒಳಗಡೆ ಕ್ಯಾಮೆರಾ ಅಥವಾ ಜನರಿರುತ್ತಾರೆಂಬ ಭಯದಿಂದ ಅರ್ಜಿದಾರರನ್ನು ಹೊರಗಡೆ ಕರೆಸಿಕೊಂಡಿದ್ದರು. ಅಧಿಕಾರಿಯ ಕೃತ್ಯದ ಬಗ್ಗೆ ಮುಂಚಿತವಾಗಿಯೇ ಮಾಹಿತಿ ಪಡೆದಿದ್ದ ಎಸಿಬಿ ತಂಡ, ಪ್ಲಾನ್ ರೂಪಿಸಿ ರಸ್ತೆಯ ಸುತ್ತಮುತ್ತ ಸಿವಿಲ್ ಉಡುಪಿನಲ್ಲಿ ಕಾದು ಕುಳಿತಿತ್ತು.
ಇಲ್ಲಿದೆ ನೋಡಿ ವಿಡಿಯೋ:
బహిరంగంగా లంచం తీసుకుంటూ ఏసీబీకి రెడ్హ్యాండెడ్గా పట్టుబడిన అధికారి
ఆఫీసు నుంచి బయటకు వచ్చి రోడ్డుపైనే బహిరంగంగా లంచం తీసుకుంటున్న అధికారిని అవినీతి నిరోధక శాఖ (ఏసీబీ) అధికారులు రెడ్హ్యాండెడ్గా పట్టుకున్నారు.
#ACB #Bribery #Corruption #RedHanded https://t.co/ILhTzUH3UN
— ముచ్చట్లు | Stories • Voices • Views (@muchatlu_) November 1, 2026
ಅಧಿಕಾರಿ ಕಚೇರಿಯಿಂದ ರಸ್ತೆಗೆ ಬಂದು ಹಣ ಸ್ವೀಕರಿಸುತ್ತಿದ್ದಂತೆಯೇ ಕ್ಷಣಾರ್ಧದಲ್ಲಿ ಮುತ್ತಿಗೆ ಹಾಕಿದ ಎಸಿಬಿ ಅಧಿಕಾರಿಗಳು, ಅವರ ಬಳಿಯಿದ್ದ ಲಂಚದ ಹಣವನ್ನು ಜಪ್ತಿ ಮಾಡಿ ಬಂಧಿಸಿದ್ದಾರೆ. ಪ್ರಕರಣ ಸಂಬಂಧ ಭ್ರಷ್ಟಾಚಾರ ತಡೆ ಕಾಯ್ದೆಯಡಿ (PC Act) ಪ್ರಕರಣ ದಾಖಲಾಗಿದ್ದು, ಅಧಿಕಾರಿಯನ್ನು ವಶಕ್ಕೆ ಪಡೆದು ಹೆಚ್ಚಿನ ವಿಚಾರಣೆ ನಡೆಸಲಾಗುತ್ತಿದೆ.
ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ