ಬಾಗಲಕೋಟೆ: ಕಲೆ ಮತ್ತು ಸಂಸ್ಕೃತಿಯ ತವರೂರು ಬಾಗಲಕೋಟೆಯಲ್ಲಿ ಈ ಬಾರಿಯ ಹೋಳಿ ಹಬ್ಬದ ಸಂಭ್ರಮ ದುಪ್ಪಟ್ಟಾಗಲಿದೆ. ಇಲ್ಲಿನ ಐತಿಹಾಸಿಕ ಹೋಳಿ ಆಚರಣೆಯಲ್ಲಿ ಪಾಲ್ಗೊಳ್ಳಲು ರಷ್ಯನ್ ಮೂಲದ ಪ್ರಸಿದ್ಧ ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್ ಮೀನಾ (Meena) ಹಾಗೂ ಭಾರತದ ಜನಪ್ರಿಯ ಕಲಾವಿದರಾದ ಆರಿಯಾ ಮತ್ತು ಅಕ್ಷಯ್ ಆಗಮಿಸುತ್ತಿದ್ದಾರೆ.
ರಷ್ಯಾದಿಂದ ಆಗಮಿಸಲಿರುವ ಮೀನಾ ಅವರು ಬಾಗಲಕೋಟೆಯ ಸಾಂಪ್ರದಾಯಿಕ ಕಾಮನ ಹಬ್ಬದ ಬಣ್ಣದಾಟದಲ್ಲಿ ಭಾಗಿಯಾಗಲಿದ್ದಾರೆ. ಇದು ಜಿಲ್ಲೆಯ ಹೋಳಿ ಹಬ್ಬಕ್ಕೆ ಜಾಗತಿಕ ಮಟ್ಟದ ಪ್ರಚಾರ ತಂದುಕೊಡಲಿದೆ. ಇವರೊಂದಿಗೆ ಭಾರತದ ಆರಿಯಾ ಮತ್ತು ಅಕ್ಷಯ್ ಕೂಡ ಸೇರಿಕೊಂಡು ಸ್ಥಳೀಯರೊಂದಿಗೆ ಬಣ್ಣ ಎರಚಾಡಲಿದ್ದಾರೆ.
ಇದನ್ನೂ ಓದಿ: ದತ್ತು ನೀಡಿದ ಹೆತ್ತವಳು ತಾಯಿಯೇ: ಹೆತ್ತ ತಾಯಿಗೆ ಜೀವನಾಂಶ ನೀಡಲು ನಿರಾಕರಿಸಿದ ಮಗನಿಗೆ ಹೈಕೋರ್ಟ್ ಛೀಮಾರಿ!
ವಿದೇಶಿ ಮತ್ತು ದೇಶಿ ಕಲಾವಿದರು ಒಂದೇ ವೇದಿಕೆಯಲ್ಲಿ ಸೇರಿ ಉತ್ತರ ಕರ್ನಾಟಕದ ಜಾನಪದ ಶೈಲಿಯ ಹೋಳಿಯನ್ನು ಆಚರಿಸುವುದು ಈ ಬಾರಿಯ ವಿಶೇಷ ಆಕರ್ಷಣೆಯಾಗಿದೆ. ಬಾಗಲಕೋಟೆಯ ಗಲ್ಲಿ ಗಲ್ಲಿಗಳಲ್ಲಿ ಈಗಾಗಲೇ ಕಾಮನ ಹಬ್ಬದ ತಯಾರಿ ಜೋರಾಗಿದ್ದು, ಸಿನಿಮಾ ತಾರೆಯರು ಮತ್ತು ವಿದೇಶಿ ಅತಿಥಿಗಳ ಆಗಮನವು ಯುವಕರಲ್ಲಿ ಭಾರೀ ಕುತೂಹಲ ಮೂಡಿಸಿದೆ.
ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ