ಹಿಂದೂ ಸಂಪ್ರದಾಯದಲ್ಲಿ ವಾರದ ಏಳು ದಿನಗಳಿಗೂ ಅದರದ್ದೇ ಆದ ಮಹತ್ವವಿದೆ. ಅದರಲ್ಲೂ ಶನಿವಾರದಂದು ಅನೇಕರು ಮಾಂಸಾಹಾರದಿಂದ ದೂರವಿರುತ್ತಾರೆ. ಕೇವಲ ಧಾರ್ಮಿಕ ನಂಬಿಕೆ ಮಾತ್ರವಲ್ಲದೆ, ಇದರ ಹಿಂದೆ ಜ್ಯೋತಿಷ್ಯ ಮತ್ತು ವೈಜ್ಞಾನಿಕ ಕಾರಣಗಳೂ ಇವೆ ಎಂಬುದು ಕುತೂಹಲಕಾರಿ ಸಂಗತಿ.
ಶನಿವಾರವು ಶನಿದೇವನಿಗೆ ಸಮರ್ಪಿತವಾದ ದಿನ. ಶನಿದೇವನು ನ್ಯಾಯದೇವತೆ ಮತ್ತು ಶಿಸ್ತಿನ ಸಂಕೇತ. ಆತನನ್ನು ಪ್ರಸನ್ನಗೊಳಿಸಲು ಭಕ್ತರು ಸಾತ್ವಿಕ ಆಹಾರ ಸೇವಿಸಿ, ವ್ರತ ಆಚರಿಸುತ್ತಾರೆ. ಮಾಂಸಾಹಾರವು ತಾಮಸಿಕ ಗುಣಗಳನ್ನು ಹೆಚ್ಚಿಸುವುದರಿಂದ ಅದನ್ನು ಈ ದಿನ ವರ್ಜಿಸಲಾಗುತ್ತದೆ.
ಜಾತಕದಲ್ಲಿ ಶನಿ ದೆಸೆ ಅಥವಾ ಏಳೂವರೆ ಶನಿ ಇರುವವರು ಶನಿವಾರ ಮಾಂಸಾಹಾರ ಸೇವಿಸಿದರೆ ಶನಿದೇವನ ಕೋಪಕ್ಕೆ ಗುರಿಯಾಗಬಹುದು ಮತ್ತು ಜೀವನದಲ್ಲಿ ಕಷ್ಟಗಳು ಹೆಚ್ಚಾಗಬಹುದು ಎಂಬ ನಂಬಿಕೆ ಬಲವಾಗಿದೆ. ಶನಿವಾರದಂದು ಹನುಮಂತನನ್ನು ಆರಾಧಿಸಲಾಗುತ್ತದೆ. ಹನುಮಂತನು ಬ್ರಹ್ಮಚಾರಿ ಮತ್ತು ಅತ್ಯಂತ ಸಾತ್ವಿಕ ದೈವ. ಆದ್ದರಿಂದ ಆತನ ಭಕ್ತರು ಈ ದಿನ ಮಾಂಸ ಮತ್ತು ಮದ್ಯದಿಂದ ದೂರವಿರುವುದು ಸಂಪ್ರದಾಯ.
ಇದನ್ನೂ ಓದಿ: ಇಂದಿನ ರಾಶಿ ಭವಿಷ್ಯ: ಈ ರಾಶಿಯವರಿಗೆ ಇಂದು ಶನಿಯ ಅನುಗ್ರಹ, ಯಾರಿಗೆ ಲಾಭ? ಯಾರಿಗೆ ಎಚ್ಚರಿಕೆ?
ವೈಜ್ಞಾನಿಕ ಮತ್ತು ಆರೋಗ್ಯದ ದೃಷ್ಟಿಕೋನ:
ಜೀರ್ಣಕ್ರಿಯೆಗೆ ವಿಶ್ರಾಂತಿ: ಆಯುರ್ವೇದ ಮತ್ತು ಆಧುನಿಕ ವಿಜ್ಞಾನದ ಪ್ರಕಾರ, ವಾರಕ್ಕೊಮ್ಮೆ ಮಾಂಸಾಹಾರವನ್ನು ತ್ಯಜಿಸುವುದು ಜೀರ್ಣಾಂಗ ವ್ಯೂಹಕ್ಕೆ ವಿಶ್ರಾಂತಿ ನೀಡುತ್ತದೆ. ಮಾಂಸವು ಜೀರ್ಣವಾಗಲು ಹೆಚ್ಚು ಸಮಯ ತೆಗೆದುಕೊಳ್ಳುವುದರಿಂದ, ಒಂದು ದಿನ ಲಘು ಸಸ್ಯಹಾರ ಸೇವಿಸುವುದು ದೇಹದ ಚಯಾಪಚಯ ಕ್ರಿಯೆಯನ್ನು ಸುಧಾರಿಸುತ್ತದೆ.
ಮಾನಸಿಕ ಸಮತೋಲನ: ಮಾಂಸಾಹಾರವು ದೇಹದಲ್ಲಿ ‘ತಾಮಸಿಕ’ ಗುಣವನ್ನು (ಕೋಪ, ಆಲಸ್ಯ) ಹೆಚ್ಚಿಸಬಹುದು. ವಾರದ ಒಂದು ದಿನ ಇದನ್ನು ಬಿಡುವುದರಿಂದ ಮನಸ್ಸು ಶಾಂತವಾಗಿರುತ್ತದೆ ಮತ್ತು ಏಕಾಗ್ರತೆ ಹೆಚ್ಚುತ್ತದೆ ಎಂದು ಹೇಳಲಾಗುತ್ತದೆ.
ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ