ಬೆಂಗಳೂರು: ಪ್ರತಿದಿನ ಬೆಳಿಗ್ಗೆ ಎದ್ದ ತಕ್ಷಣದಿಂದ ಹಿಡಿದು ಕೆಲಸಕ್ಕೆ ಹೊರಡುವವರೆಗೂ ನಾವೆಲ್ಲರೂ ಒಂದಿಲ್ಲೊಂದು ಅವಸರದಲ್ಲಿ ಇರುತ್ತೇವೆ. ಆದರೆ, ಈ ಅವಸರದ ನಡುವೆಯೂ ಕೇವಲ 5 ನಿಮಿಷ ಸಮಯ ಮೀಸಲಿಟ್ಟು ಈ ಎರಡು ಕೆಲಸಗಳನ್ನು ಮಾಡುವುದರಿಂದ ದಿನವಿಡೀ ಸಕಾರಾತ್ಮಕ ಶಕ್ತಿ (Positive Energy) ಇರಲಿದ್ದು, ಕೈಕೊಂಡ ಕೆಲಸಗಳೆಲ್ಲವೂ ಸುಲಭವಾಗಿ ಪೂರ್ಣಗೊಳ್ಳುತ್ತವೆ ಎಂದು ಶಾಸ್ತ್ರಗಳು ಹೇಳುತ್ತವೆ.
ಬೆಳಿಗ್ಗೆ ಹಾಸಿಗೆಯಿಂದ ಏಳುವಾಗ ಮಾಡುವ ಮೊದಲ ಕೆಲಸ ಇಡೀ ದಿನದ ಮೇಲೆ ಪ್ರಭಾವ ಬೀರುತ್ತದೆ
ಕಣ್ಣು ಬಿಟ್ಟ ತಕ್ಷಣ ಮೊಬೈಲ್ ನೋಡುವ ಬದಲು, ನಿಮ್ಮ ಎರಡು ಹಸ್ತಗಳನ್ನು ಜೋಡಿಸಿ ನೋಡಿ ಈ ಮಂತ್ರವನ್ನು ಸ್ಮರಿಸಿ:
“ಕರಾ ಗ್ರೇ ವಸತೇ ಲಕ್ಷ್ಮೀ, ಕರ ಮಧ್ಯೇ ಸರಸ್ವತಿ | ಕರ ಮೂಲೆ ಸ್ಥಿತೋ ಗೌರಿ, ಪ್ರಭಾತೇ ಕರ ದರ್ಶನಂ ||”
ನಿಮ್ಮ ಕೈಗಳಲ್ಲೇ ಲಕ್ಷ್ಮೀ, ಸರಸ್ವತಿ ಮತ್ತು ಗೌರಿ ನೆಲೆಸಿದ್ದಾರೆ ಎಂಬ ಭಾವನೆ ನಿಮ್ಮಲ್ಲಿ ಆತ್ಮವಿಶ್ವಾಸವನ್ನು ತುಂಬುತ್ತದೆ.
ಹಾಸಿಗೆಯಿಂದ ಕೆಳಗೆ ಕಾಲಿಡುವ ಮುನ್ನ ಭೂಮಿತಾಯಿಗೆ ಕೈ ಮುಗಿದು ಆಶೀರ್ವಾದ ಪಡೆಯಿರಿ. ಇದು ನಿಮ್ಮಲ್ಲಿನ ನೆಗೆಟಿವ್ ಎನರ್ಜಿಯನ್ನು ದೂರ ಮಾಡುತ್ತದೆ.
ಇದನ್ನೂ ಓದಿ: ಥೈಲ್ಯಾಂಡ್ ಪ್ರವಾಸ ಕೈಗೊಳ್ಳುವ ಭಾರತೀಯರಿಗೆ ಗುಡ್ ನ್ಯೂಸ್: ವೀಸಾ ಮುಕ್ತ ಪ್ರವೇಶ ನಿಯಮ ಮುಂದುವರಿಕೆ
ಕೆಲಸದ ಒತ್ತಡ ನಿವಾರಿಸಲು ಹಾಗೂ ದೈಹಿಕ ಆರೋಗ್ಯ ಕಾಪಾಡಲು ಇದು ಅತ್ಯಗತ್ಯ.
ಆರೋಗ್ಯಕ್ಕೆ ಆದ್ಯತೆ: ಬೆಳಿಗ್ಗೆ ಟೀ ಅಥವಾ ಕಾಫಿ ಕುಡಿಯುವ ಮುನ್ನ ಒಂದು ಲೋಟ ಉಗುರುಬೆಚ್ಚಗಿನ ನೀರನ್ನು ಕುಡಿಯಿರಿ. ಇದು ನಿಮ್ಮ ದೇಹದ ಚಯಾಪಚಯ ಕ್ರಿಯೆಯನ್ನು ಉತ್ತಮಗೊಳಿಸಿ, ದಿನವಿಡೀ ಆಕ್ಟಿವ್ ಆಗಿರಲು ಸಹಾಯ ಮಾಡುತ್ತದೆ.
1 ನಿಮಿಷದ ಪ್ರಾರ್ಥನೆ: ಮನೆ ಬಿಟ್ಟು ಕೆಲಸಕ್ಕೆ ಹೊರಡುವ ಕೊನೆಯ ಕ್ಷಣದಲ್ಲಿ, ನಿಮ್ಮ ಮನೆ ದೇವರನ್ನು ನೆನೆದು “ಇಂದಿನ ನನ್ನ ದಿನ ಹಾಗೂ ಕೆಲಸಗಳು ಯಾವುದೇ ವಿಘ್ನವಿಲ್ಲದೆ ಸುಲಲಿತವಾಗಿ ಸಾಗಲಿ” ಎಂದು ಮನಸ್ಸಿನಲ್ಲೇ ಪ್ರಾರ್ಥಿಸಿ. ಇದು ನಿಮ್ಮಲ್ಲಿನ ಆತಂಕವನ್ನು ಕಡಿಮೆ ಮಾಡಿ, ಮನಸ್ಸನ್ನು ಶಾಂತಗೊಳಿಸುತ್ತದೆ.
ಈ ಎರಡು ಸರಳ ಅಭ್ಯಾಸಗಳನ್ನು ನಿಮ್ಮ ದೈನಂದಿನ ಜೀವನದ ಭಾಗವಾಗಿಸಿಕೊಂಡರೆ ಕಚೇರಿಯಲ್ಲಿ ಅಥವಾ ಉದ್ಯೋಗ ಕ್ಷೇತ್ರದಲ್ಲಿ ವಿನಾಕಾರಣ ಎದುರಾಗುವ ಗೊಂದಲ ಹಾಗೂ ಒತ್ತಡಗಳಿಂದ ದೂರವಿರಬಹುದು.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ