ಬೆಂಗಳೂರು: ರಾಜ್ಯದ ಕ್ರೀಡಾಪಟುಗಳಿಗೆ ಕರ್ನಾಟಕ ಸರ್ಕಾರ ಸಿಹಿ ಸುದ್ದಿ ನೀಡಿದೆ. ಏಷ್ಯನ್ ಗೇಮ್ಸ್‌ನಲ್ಲಿ (Asian Games) ಪದಕ ಗೆದ್ದು ನಾಡಿಗೆ ಹಾಗೂ ದೇಶಕ್ಕೆ ಕೀರ್ತಿ ತಂದ ರಾಜ್ಯದ ಅಥ್ಲೀಟ್‌ಗಳಿಗೆ ನೀಡಲಾಗುತ್ತಿದ್ದ ನಗದು ಬಹುಮಾನವನ್ನು (Cash Incentive) ಸರ್ಕಾರ ಭಾರಿ ಪ್ರಮಾಣದಲ್ಲಿ ಹೆಚ್ಚಳ ಮಾಡಿದ್ದು, ಇಂದೇ ಈ ಕುರಿತು ಅಧಿಕೃತ ಘೋಷಣೆ ಹೊರಬೀಳಲಿದೆ.
ಕ್ರೀಡಾಪಟುಗಳ ಸತತ ಮನವಿ ಹಾಗೂ ಇತರ ರಾಜ್ಯಗಳಿಗೆ ಹೋಲಿಸಿದರೆ ಕರ್ನಾಟಕದಲ್ಲಿ ಪ್ರೋತ್ಸಾಹಧನ ಕಡಿಮೆಯಿದೆ ಎಂಬ ಅಸಮಾಧಾನದ ಹಿನ್ನೆಲೆಯಲ್ಲಿ, ಮುಖ್ಯಮಂತ್ರಿ ನೇತೃತ್ವದ ಸರ್ಕಾರ ಬಹುಮಾನ ಮೊತ್ತವನ್ನು ಗಮನಾರ್ಹವಾಗಿ ಏರಿಸಲು ನಿರ್ಧರಿಸಿದೆ.
ಪರಿಷ್ಕೃತ ನಗದು ಬಹುಮಾನದ ವಿವರ:
ಚಿನ್ನದ ಪದಕ (Gold Medal): ₹1 ಕೋಟಿ ನಗದು ಬಹುಮಾನ (ಹಿಂದೆ ₹35 ಲಕ್ಷ ನೀಡಲಾಗುತ್ತಿತ್ತು).
ಬೆಳ್ಳಿ ಪದಕ (Silver Medal): ₹75 ಲಕ್ಷ ನಗದು ಬಹುಮಾನ (ಹಿಂದೆ ₹25 ಲಕ್ಷ ನೀಡಲಾಗುತ್ತಿತ್ತು).
ಕಂಚಿನ ಪದಕ (Bronze Medal): ₹50 ಲಕ್ಷ ನಗದು ಬಹುಮಾನ (ಹಿಂದೆ ₹15 ಲಕ್ಷ ನೀಡಲಾಗುತ್ತಿತ್ತು).
ಇದನ್ನೂ ಓದಿ: IND vs Pak ಫೈನಲ್: ಪಾಕಿಸ್ತಾನ ಸೋಲಿಸಿ ಏಷ್ಯನ್ ಗೇಮ್ಸ್ ಚಿನ್ನದ ಪದಕ ಗೆದ್ದ ಭಾರತ
️️ ಕ್ರೀಡಾಪಟುಗಳಿಗೆ ದೊರಕಿದ ಶಕ್ತಿ, ಹರ್ಷ:
ಇತ್ತೀಚೆಗಷ್ಟೇ ಏಷ್ಯನ್ ಗೇಮ್ಸ್‌ನಲ್ಲಿ ಸಾಧನೆ ಮಾಡಿದ್ದ ಎಂ.ಆರ್. ಪೂವಮ್ಮ ಸೇರಿದಂತೆ ಹಲವು ಹಿರಿಯ ಕ್ರೀಡಾಪಟುಗಳು ನೆರೆಯ ಉತ್ತರ ಪ್ರದೇಶ, ಹರಿಯಾಣ ಹಾಗೂ ತಮಿಳುನಾಡು ರಾಜ್ಯಗಳ ಮಾದರಿಯಲ್ಲಿ ಕರ್ನಾಟಕದಲ್ಲೂ ಕ್ರೀಡಾಪಟುಗಳಿಗೆ ಸೂಕ್ತ ಪ್ರೋತ್ಸಾಹಧನ ನೀಡಬೇಕೆಂದು ರಾಜ್ಯ ಸರ್ಕಾರಕ್ಕೆ ಮನವಿ ಮಾಡಿದ್ದರು.
ಸರ್ಕಾರದ ಈ ಕ್ರಾಂತಿಕಾರಿ ನಿರ್ಧಾರದಿಂದಾಗಿ ಮುಂಬರುವ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಮತ್ತಷ್ಟು ಕ್ರೀಡಾಪಟುಗಳು ರಾಜ್ಯವನ್ನು ಪ್ರತಿನಿಧಿಸಿ ಪದಕ ಗೆಲ್ಲಲು ಹೆಚ್ಚಿನ ಪ್ರೇರಣೆ ಸಿಕ್ಕಂತಾಗಿದೆ.