ಮನೆಯಲ್ಲಿ ಹೆಣ್ಮಕ್ಕಳ ಮೇಲೆ ಕೈ ಮಾಡುವುದು ಅಥವಾ ಅವರನ್ನು ಅವಮಾನಿಸುವುದು ಕೇವಲ ಸಾಮಾಜಿಕವಾಗಿ ಅಥವಾ ಕಾನೂನುಬದ್ಧವಾಗಿ ತಪ್ಪಲ್ಲ, ನಮ್ಮ ಧರ್ಮಶಾಸ್ತ್ರಗಳ ಪ್ರಕಾರವೂ ಅದು ಮಹಾಪಾಪ ಎಂದು ಪರಿಗಣಿಸಲಾಗಿದೆ. ಶಾಸ್ತ್ರಗಳು ಈ ಬಗ್ಗೆ ಏನು ಹೇಳುತ್ತವೆ ಎಂಬ ಸಾರಾಂಶ ಇಲ್ಲಿದೆ.
ಶಾಸ್ತ್ರಗಳ ದೃಷ್ಟಿಯಲ್ಲಿ ಸ್ತ್ರೀ ಗೌರವ
ಮನುಸ್ಮೃತಿಯ ಅತ್ಯಂತ ಪ್ರಸಿದ್ಧ ಶ್ಲೋಕವೊಂದು ಹೀಗೆ ಹೇಳುತ್ತದೆ:
“ಯತ್ರ ನಾರ್ಯಸ್ತು ಪೂಜ್ಯಂತೇ ರಮಂತೇ ತತ್ರ ದೇವತಾಃ |”
ಅಂದರೆ, ಎಲ್ಲಿ ಸ್ತ್ರೀಯರನ್ನು ಗೌರವಿಸಲಾಗುತ್ತದೆಯೋ, ಅಲ್ಲಿ ದೇವತೆಗಳು ನೆಲೆಸುತ್ತಾರೆ. ಎಲ್ಲಿ ಸ್ತ್ರೀಯರಿಗೆ ಅವಮಾನವಾಗುತ್ತದೆಯೋ, ಅಲ್ಲಿ ಮಾಡುವ ಯಾವುದೇ ಶುಭ ಕಾರ್ಯಗಳು ಅಥವಾ ಪೂಜೆಗಳು ಫಲ ನೀಡುವುದಿಲ್ಲ.
ಮನೆಯ ಹೆಣ್ಣುಮಗಳನ್ನು (ಮಗಳು, ಪತ್ನಿ, ತಾಯಿ ಅಥವಾ ಸೊಸೆ) ‘ಮನೆ ಬೆಳಗುವ ಲಕ್ಷ್ಮಿ’ ಎಂದು ಕರೆಯಲಾಗುತ್ತದೆ. ಶಾಸ್ತ್ರಗಳ ಪ್ರಕಾರ, ಲಕ್ಷ್ಮಿ ಸ್ವರೂಪಿಯಾದ ಹೆಣ್ಣು ಕಣ್ಣೀರು ಹಾಕುವ ಮನೆಯಲ್ಲಿ ದರಿದ್ರ ಲಕ್ಷ್ಮಿ ನೆಲೆಸುತ್ತಾಳೆ. ಅಂತಹ ಮನೆಯಲ್ಲಿ ಎಷ್ಟೇ ಸಂಪತ್ತು ಇದ್ದರೂ ಶಾಂತಿ ಇರುವುದಿಲ್ಲ ಮತ್ತು ಆರ್ಥಿಕವಾಗಿ ಅಭಿವೃದ್ಧಿ ಕುಂಠಿತವಾಗುತ್ತದೆ.
ದ್ರೌಪದಿಯ ಅವಮಾನವೇ ಕೌರವರ ಸರ್ವನಾಶಕ್ಕೆ ಕಾರಣವಾಯಿತು. ಹೆಣ್ಣಿನ ಮೇಲೆ ಕೈ ಮಾಡುವ ಅಥವಾ ಅವಮಾನಿಸುವ ವ್ಯಕ್ತಿ ಎಷ್ಟೇ ಬಲಿಷ್ಠನಾಗಿದ್ದರೂ ಆತನ ವಿನಾಶ ನಿಶ್ಚಿತ ಎಂದು ಪುರಾಣಗಳು ಎಚ್ಚರಿಸುತ್ತವೆ.
ಸ್ತ್ರೀಯರಿಗೆ ಮಾನಸಿಕ ಅಥವಾ ದೈಹಿಕ ಹಿಂಸೆ ನೀಡುವವರಿಗೆ ನರಕದ ದರ್ಶನವಾಗುತ್ತದೆ ಎಂದು ಹೇಳುತ್ತದೆ.
ಇದನ್ನೂ ಓದಿ: ಕುಂಕುಮ ಅರ್ಚನೆಯ ಮಹಿಮೆ: ದೇವಿಯ ಅನುಗ್ರಹ ಮತ್ತು ಸಕಾರಾತ್ಮಕ ಶಕ್ತಿಯ ರಹಸ್ಯ
ಹೆಣ್ಣು ಮನನೊಂದು ಹಾಕುವ ಕಣ್ಣೀರು ಮತ್ತು ಶಾಪಕ್ಕೆ ಅಪಾರ ಶಕ್ತಿಯಿದೆ ಎಂದು ನಂಬಲಾಗುತ್ತದೆ. ಮನೆಯ ಹೆಣ್ಣುಮಕ್ಕಳು ಅತೃಪ್ತಿಯಿಂದಿದ್ದರೆ ಆ ಮನೆಯ ಪಿತೃಗಳು ಕೂಡ ತೃಪ್ತರಾಗುವುದಿಲ್ಲ, ಇದರಿಂದ ‘ಪಿತೃ ದೋಷ’ ಕೂಡ ಉಂಟಾಗಬಹುದು ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ. ಅಸಹಾಯಕ ಹೆಣ್ಣಿನ ಮೇಲೆ ಬಲಪ್ರದರ್ಶನ ಮಾಡುವುದು ಹೇಡಿತನದ ಲಕ್ಷಣ. ಶಾಸ್ತ್ರಗಳ ಪ್ರಕಾರ, ತಿಳಿದೂ ತಿಳಿದೂ ಹೆಣ್ಣಿನ ಮೇಲೆ ಕೈ ಮಾಡುವುದು ಪ್ರಾಯಶ್ಚಿತ್ತವಿಲ್ಲದ ಪಾಪಗಳಲ್ಲಿ ಒಂದಾಗಿದೆ.
ಅಧ್ಯಾತ್ಮಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
