ಯುನೈಟೆಡ್ ಕಿಂಗ್ಡಮ್ನಲ್ಲಿ ನಡೆದ ದೊಡ್ಡ ಮಟ್ಟದ ಸಮೂಹ ಅಧ್ಯಯನವು ಪಾರ್ಕಿನ್ಸನಿಸಂ ಸಂಬಂಧಿಸಿದ ಪ್ರಮುಖ ಉಪಪ್ರಕಾರಗಳಲ್ಲಿ ಕಳೆದ ದಶಕದ ಅವಧಿಯಲ್ಲಿ ಮಹತ್ವದ ಬದಲಾವಣೆಗಳನ್ನು ಬಹಿರಂಗಪಡಿಸಿದೆ. 2007ರಿಂದ 2009ರವರೆಗೆ ಪಾರ್ಕಿನ್ಸನ್ ರೋಗದ ಹೊಸ ಪ್ರಕರಣಗಳ ಪ್ರಮಾಣ ಸ್ವಲ್ಪ ಮಟ್ಟಿಗೆ ಕುಸಿದಿದ್ದರೂ, ಅದರ ಒಟ್ಟು ಪ್ರಸರಣವು ಹೆಚ್ಚಾಗಿದೆ ಎಂಬುದು ಅಧ್ಯಯನದ ಪ್ರಮುಖ ಕಂಡುಬಂದ ವಿಚಾರವಾಗಿದೆ.
ಈ ವ್ಯತ್ಯಾಸಕ್ಕೆ ಮುಖ್ಯ ಕಾರಣವಾಗಿ ರೋಗಿಗಳ ದೀರ್ಘಕಾಲೀನ ಬದುಕು ಮತ್ತು ಉತ್ತಮ ಆರೈಕೆ ವ್ಯವಸ್ಥೆಗಳನ್ನು ಸಂಶೋಧಕರು ಗುರುತಿಸಿದ್ದಾರೆ. ಇನ್ನೊಂದೆಡೆ, 2010 ನಂತರ ವಾಸ್ಕ್ಯುಲರ್ ಪಾರ್ಕಿನ್ಸನಿಸಂ ಪ್ರಕರಣಗಳಲ್ಲಿ ಏರಿಕೆ ಕಂಡುಬಂದಿದ್ದು, ಇದಕ್ಕೆ ಉತ್ತಮ ರೋಗ ಗುರುತಿಸುವಿಕೆ ಕಾರಣವಾಗಿರಬಹುದು ಎಂದು ಹೇಳಿದ್ದಾರೆ.
ಡ್ರಗ್-ಇಂಡ್ಯೂಸ್ಡ್ ಪಾರ್ಕಿನ್ಸನಿಸಂ ಪ್ರಕರಣಗಳು ಅಧ್ಯಯನ ಅವಧಿಯಲ್ಲಿ ಸ್ಥಿರವಾಗಿಯೇ ಉಳಿದಿದ್ದು, ಅದರ ಪ್ರಮಾಣದಲ್ಲಿ ಮಹತ್ತರ ಬದಲಾವಣೆ ಕಂಡುಬಂದಿಲ್ಲ. ಈ ವಿಶ್ಲೇಷಣೆಯು 2007ರಿಂದ 2021ರವರೆಗೆ ಸಂಗ್ರಹಿಸಿದ ಪ್ರಾಥಮಿಕ ಆರೋಗ್ಯ ದಾಖಲೆಗಳ ಆಧಾರದಲ್ಲಿ ನಡೆಸಲ್ಪಟ್ಟಿದೆ.
ಇದನ್ನೂ ಓದಿ : ಮರಣಕ್ಕೂ ವಿಭಿನ್ನ ಸಂಪ್ರದಾಯ: ಬಾಲಿ ಗ್ರಾಮದಲ್ಲಿ ಶವಗಳನ್ನು ತೆರೆದೆಯೇ ಇಡುವ ಪದ್ಧತಿ
ಲಿಂಗ ಮತ್ತು ವಯೋಮಾನದ ಆಧಾರದಲ್ಲಿಯೂ ವ್ಯತ್ಯಾಸಗಳು ಕಂಡುಬಂದಿವೆ. ಪಾರ್ಕಿನ್ಸನ್ ರೋಗ ಮತ್ತು ವಾಸ್ಕ್ಯುಲರ್ ಪಾರ್ಕಿನ್ಸನಿಸಂ ಪುರುಷರಲ್ಲಿ ಹೆಚ್ಚು ಕಂಡುಬಂದರೆ, ಡ್ರಗ್-ಇಂಡ್ಯೂಸ್ಡ್ ಪಾರ್ಕಿನ್ಸನಿಸಂ ಮಹಿಳೆಯರಲ್ಲಿ ಸ್ವಲ್ಪ ಹೆಚ್ಚಾಗಿದೆ. 70 ವರ್ಷ ಮೇಲ್ಪಟ್ಟವರಲ್ಲಿ ಎಲ್ಲಾ ಉಪಪ್ರಕಾರಗಳ ಭಾರ ಹೆಚ್ಚಾಗಿರುವುದು ಗಮನಾರ್ಹವಾಗಿದೆ.
ಹಿರಿಯ ನಾಗರಿಕರಲ್ಲಿ ಪಾರ್ಕಿನ್ಸನ್ ರೋಗದ ಹೊಸ ಪ್ರಕರಣಗಳು ಕುಸಿಯುತ್ತಿದ್ದರೆ, ವಾಸ್ಕ್ಯುಲರ್ ಪಾರ್ಕಿನ್ಸನಿಸಂ ಪ್ರಕರಣಗಳು ಏರಿಕೆಯಾಗುತ್ತಿವೆ. ಆದರೆ ಪಾರ್ಕಿನ್ಸನ್ ರೋಗದ ಒಟ್ಟು ಪ್ರಸರಣವು ವಯೋಮಾನದೊಂದಿಗೆ ನಿರಂತರವಾಗಿ ಹೆಚ್ಚುತ್ತಿದೆ.
ಇನ್ನಷ್ಟು, ವಾಸ್ಕ್ಯುಲರ್ ಪಾರ್ಕಿನ್ಸನಿಸಂ ಹೊಂದಿರುವ ರೋಗಿಗಳು ಸ್ಟ್ರೋಕ್, ಡಿಮೆನ್ಷಿಯಾ ಮತ್ತು ಹೃದಯ ಸಂಬಂಧಿತ ರೋಗಗಳಂತಹ ಸಹ-ಅನಾರೋಗ್ಯಗಳನ್ನು ಹೆಚ್ಚು ಹೊಂದಿರುವ ಸಾಧ್ಯತೆ ಇದೆ. ಡ್ರಗ್-ಇಂಡ್ಯೂಸ್ಡ್ ಪಾರ್ಕಿನ್ಸನಿಸಂ ಹೊಂದಿರುವವರು ಮಾನಸಿಕ ಆರೋಗ್ಯ ಸಮಸ್ಯೆಗಳು ಮತ್ತು ಕೆಲವು ಔಷಧಿಗಳ ಬಳಕೆಯ ಇತಿಹಾಸ ಹೊಂದಿರುವ ಸಾಧ್ಯತೆ ಹೆಚ್ಚಿದೆ.
ಆದರೆ, ಕೆಲವು ಮಿತಿಗಳು ಇದ್ದು, ಉಪಪ್ರಕಾರಗಳ ತಪ್ಪು ವರ್ಗೀಕರಣ ಮತ್ತು ಪ್ರಾಥಮಿಕ ಆರೈಕೆ ದಾಖಲೆಗಳ ಅಲ್ಪ ವರದಿ ಈ ಫಲಿತಾಂಶಗಳ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ ಎಂದು ಅಧ್ಯಯನ ಎಚ್ಚರಿಸಿದೆ. ಹಾಗಾದರೆ, ಪಾರ್ಕಿನ್ಸನಿಸಂ ಎಂದರೇನು? ಮುಂದಕ್ಕೆ ಓದಿ.
ಇದನ್ನೂ ಓದಿ: ವೈರಲ್ ಸುಂದರಿ ಮೊನಾಲಿಸಾಗೆ ಶಾಕ್ ನೀಡಿದ ನಿರ್ದೇಶಕ! ನಟಿಸುತ್ತಿದ್ದ ಮೊದಲ ಸಿನಿಮಾವೇ ರದ್ದು
ಪಾರ್ಕಿನ್ಸನಿಸಂ ಎಂದರೆ ಕಂಪನ, ಸ್ನಾಯು ಗಟ್ಟಿತನ, ಚಲನೆ ನಿಧಾನವಾಗುವುದು ಸೇರಿಂದತೆ ಇತ್ಯಾದಿ ಲಕ್ಷಣಗಳನ್ನು ಉಂಟುಮಾಡುವ ನರ ಸಂಬಂಧಿತ ಸಮಸ್ಯೆಗಳ ಗುಂಪು. ಇದಕ್ಕೆ ಕಾರಣಗಳು ವಿಭಿನ್ನವಾಗಿರುತ್ತವೆ.
ಮುಖ್ಯ ಕಾರಣ : ಪಾರ್ಕಿನ್ಸನಿಸಂಗೆ ಅತ್ಯಂತ ಸಾಮಾನ್ಯ ಕಾರಣ ಮೆದುಳಿನ ಡೋಪಮೈನ್ ಉತ್ಪಾದಿಸುವ ಕೋಶಗಳು ನಿಧಾನವಾಗಿ ನಾಶವಾಗುವುದಾಗಿದೆ.
ಸಾಧ್ಯ ಕಾರಣಗಳು:
ಪರಿಸರದ ವಿಷಕಾರಿ ಅಂಶಗಳು, ವಯೋವೃದ್ಧಿ ವಾಸ್ಕ್ಯುಲರ್ ಪಾರ್ಕಿನ್ಸನಿಸಂ, ಮೆದುಳಿಗೆ ರಕ್ತ ಸರಬರಾಜು ಕಡಿಮೆಯಾಗುವುದರಿಂದ ಉಂಟಾಗುತ್ತದೆ.
ಸಾಮಾನ್ಯವಾಗಿ ಸಂಬಂಧಿತ ಕಾರಣಗಳು: ಸ್ಟ್ರೋಕ್, ಸಣ್ಣ ರಕ್ತನಾಳಗಳ ರೋಗ, ಹೃದಯ ಸಂಬಂಧಿತ ಸಮಸ್ಯೆಗಳು.
ಇದನ್ನೂ ಓದಿ: ಸಂಸ್ಕಾರಯುತ ಶಿಕ್ಷಣದ ಕೇಂದ್ರಬಿಂದು: ಕಲ್ಲಡ್ಕ ಶ್ರೀರಾಮ ಪದವಿಪೂರ್ವ ವಿದ್ಯಾಲಯದಲ್ಲಿ 2026-27ನೇ ಸಾಲಿನ ದಾಖಲಾತಿ ಆರಂಭ!
ವಿಷಕಾರಿ ಪದಾರ್ಥಗಳು : ಹಾನಿಕರ ರಾಸಾಯನಿಕಗಳ ಸಂಪರ್ಕದಿಂದ ಕಾರ್ಬನ್ ಮೋನಾಕ್ಸೈಡ್, ಮ್ಯಾಂಗನೀಸ್, ಕೀಟನಾಶಕಗಳಿಂದ ಉಂಟಾಗಬಹುದು.
ವಯೋವೃದ್ಧಿ: ವಯಸ್ಸು ಹೆಚ್ಚಾದಂತೆ ಅಪಾಯವೂ ಹೆಚ್ಚು. ಮೆದುಳಿನ ಕೋಶಗಳು ಸಹಜವಾಗಿ ಕುಗ್ಗುತ್ತವೆ.
ತಲೆಗೆ ಗಾಯ : ತಲೆಗಾಯಗಳು (ಉದಾ: ಕ್ರೀಡೆಗಳಲ್ಲಿ) ಪಾರ್ಕಿನ್ಸನಿಸಂಗೆ ಕಾರಣವಾಗಬಹುದು. ಪಾರ್ಕಿನ್ಸನಿಸಂಗೆ ಕಾರಣಗಳು ಬೇರೆಬೇರೆ ಇದ್ದರೂ ಲಕ್ಷಣಗಳು ಒಂದೇ ರೀತಿಯಾಗಿರಬಹುದು. ಆದ್ದರಿಂದ ಸರಿಯಾದ ಕಾರಣವನ್ನು ಗುರುತಿಸುವುದು ಚಿಕಿತ್ಸೆಗಾಗಿ ಬಹಳ ಮುಖ್ಯ.
ಪ್ರಾರಂಭಿಕ ಲಕ್ಷಣಗಳು: ಕೈಗಳಲ್ಲಿ ಅಥವಾ ಬೆರಳುಗಳಲ್ಲಿ ಸಣ್ಣ ಕಂಪನ, ಚಲನೆ ನಿಧಾನವಾಗುವುದು, ಸ್ನಾಯು ಗಟ್ಟಿತನ, ಮುಖದ ಅಭಿವ್ಯಕ್ತಿ ಕಡಿಮೆಯಾಗುವುದು, ಬರವಣಿಗೆ ಚಿಕ್ಕದಾಗುವುದು, ನಡೆಯುವಾಗ ಸಮತೋಲನ ಕಳೆದುಕೊಳ್ಳುವುದು, ಬೀಳುವ ಸಾಧ್ಯತೆ ಹೆಚ್ಚಾಗುವುದು, ಮಾತು ನಿಧಾನವಾಗುವುದು ಅಥವಾ ಅಸ್ಪಷ್ಟವಾಗುವುದು, ನುಂಗಲು ಕಷ್ಟವಾಗುವುದು, ನೆನಪಿನ ಸಮಸ್ಯೆಗಳು.
ನಿರ್ಣಯ ಮತ್ತು ಪರೀಕ್ಷೆಗಳು : ಪಾರ್ಕಿನ್ಸನಿಸಂ ಗುರುತಿಸಲು ವೈದ್ಯರು ಮುಖ್ಯವಾಗಿ ಲಕ್ಷಣಗಳ ಇತಿಹಾಸ, ದೈಹಿಕ ಮತ್ತು ನರ ವ್ಯವಸ್ಥೆ ಪರೀಕ್ಷೆಗಳನ್ನು ನಡೆಸುತ್ತಾರೆ.ಬಎಂಆರ್ಐ ಅಥವಾ ಸಿಟಿ ಸ್ಕ್ಯಾನ್ (ಮೆದುಳಿನ ಸ್ಥಿತಿ ತಿಳಿಯಲು), ರಕ್ತ ಪರೀಕ್ಷೆಗಳು (ಇತರೆ ಕಾರಣಗಳನ್ನು ತಳ್ಳಿಹಾಕಲು).
ಪಾರ್ಕಿನ್ಸನಿಸಂ ಸಂಪೂರ್ಣವಾಗಿ ಗುಣವಾಗುವುದಿಲ್ಲ, ಆದರೆ ಲಕ್ಷಣಗಳನ್ನು ನಿಯಂತ್ರಿಸಬಹುದು. ಅಲ್ಲದೆ, ನಿಯಮಿತ ವ್ಯಾಯಾಮ, ಫಿಜಿಯೋಥೆರಪಿ, ಸಮತೋಲನ ತರಬೇತಿಗಳಿಂದ ಸುಧಾರಿಸಬಹುದು. ಇವುಗಳಲ್ಲದೆ ಶಸ್ತ್ರಚಿಕಿತ್ಸೆಗಳೂ ಇವೆ. ಆದರೆ, ರೋಗ ಲಕ್ಷಣಗಳನ್ನು ಬೇಗ ಪತ್ತೆ ಹೆಚ್ಚಿದರೆ ಚಿಕಿತ್ಸೆ ಪರಿಣಾಮಕಾರಿಯಾಗಿರಲಿದೆ.
ಪಾರ್ಕಿನ್ಸನಿಸಂಗೆ ಸೂಕ್ತ ಆಹಾರ (ಪೌಷ್ಟಿಕ ಆಹಾರ)
ಹಸಿರು ತರಕಾರಿಗಳು (ಪಾಲಕ್, ಮೆಂತೆ)
ಹಣ್ಣುಗಳು (ಸೇಬು, ಬಾಳೆ, ಕಿತ್ತಳೆ)
ಸಂಪೂರ್ಣ ಧಾನ್ಯಗಳು (ರಾಗಿ, ಜೋಳ, ಬ್ರೌನ್ ರೈಸ್)
ಇದನ್ನೂ ಓದಿ: ಎಲ್ಪಿಜಿ ಅಭಾವದ ಹೊಡೆತ: ಮಂಗಳೂರಿನಲ್ಲಿ ಊಟದ ದರ ಗಗನಕ್ಕೆ
ಪ್ರೋಟೀನ್ ಸಮತೋಲನ: ಬೇಳೆ, ಕಡಲೆ, ಹಾಲು, ಮೊಟ್ಟೆ, ಮೀನು.
ನೀರು ಹೆಚ್ಚು ಕುಡಿಯಿರಿ ಮತ್ತು ಫೈಬರ್ ಅಂಶವಿರುವ ಆಹಾರವನ್ನು (ತರಕಾರಿ, ಹಣ್ಣು) ಹೆಚ್ಚು ಸೇವಿಸಿ. ಇದು ಮಲಬದ್ಧತೆ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ (ಪಾರ್ಕಿನ್ಸನಿಸಂನಲ್ಲಿ ಸಾಮಾನ್ಯ ಸಮಸ್ಯೆ). ಎಣ್ಣೆ ಆಹಾರ ಮತ್ತು ಜಂಕ್ ಫುಡ್, ಹೆಚ್ಚು ಸಕ್ಕರೆ, ಅತಿಯಾದ ಪ್ರೋಟೀನ್ ಒಂದೇ ಸಮಯದಲ್ಲಿ ಸೇವನೆ ಮಾಡುವುದನ್ನು ತಪ್ಪಿಸಬೇಕು.
ಜೀವನಶೈಲಿ ಸಲಹೆಗಳು: ಪ್ರತಿದಿನ ನಡೆಯುವುದು, ಯೋಗ ಮತ್ತು ಸ್ಟ್ರೆಚಿಂಗ್, ಸಮತೋಲನ ವ್ಯಾಯಾಮಗಳು,
ಉತ್ತಮ ನಿದ್ರೆ, ನಿಯಮಿತ ಸಮಯದಲ್ಲಿ ನಿದ್ರಿಸುವುದು, 7-8 ಗಂಟೆಗಳ ನಿದ್ರೆ, ಓದುವುದು, ಹೊಸ ಕೌಶಲ್ಯ ಕಲಿಯುವುದು,
ಮಾತಿನ ಅಭ್ಯಾಸ, ಜೋರಾಗಿ ಓದುವುದು, ಮಾತಿನ ವ್ಯಾಯಾಮಗಳು, ಮಾತಿನ ಸ್ಪಷ್ಟತೆ ಕಾಪಾಡಲು ಸಹಾಯ.
ನಿಯಮಿತ ವೈದ್ಯಕೀಯ ತಪಾಸಣೆ ಔಷಧಿಗಳನ್ನು ಸರಿಯಾಗಿ ತೆಗೆದುಕೊಳ್ಳಿ ವೈದ್ಯರ ಸಲಹೆಗಳನ್ನು ಅನುಸರಿಸಿ.
ಮುಖ್ಯ ಸಲಹೆ: ಪಾರ್ಕಿನ್ಸನಿಸಂ ಸಂಪೂರ್ಣವಾಗಿ ಗುಣವಾಗುವುದಿಲ್ಲ, ಆದರೆ ಸರಿಯಾದ ಆಹಾರ, ವ್ಯಾಯಾಮ, ಔಷಧಿ ಮೂಲಕ ಉತ್ತಮ ಜೀವನ ನಡೆಸಬಹುದು. ಪ್ರತಿಯೊಬ್ಬರ ಸ್ಥಿತಿ ವಿಭಿನ್ನವಾಗಿರುತ್ತದೆ, ಆದ್ದರಿಂದ ವೈದ್ಯಕೀಯ ಸಲಹೆ ಅಥವಾ ವೈದ್ಯರನ್ನು ಸಂಪರ್ಕಿಸಿ ಮುಂದುವರಿಯುವುದು ಅವಶ್ಯಕ.
ಆರೋಗ್ಯದ ಮಾಹಿತಿಗಳನ್ನು ಇನ್ನಷ್ಟು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ