ಚಿತ್ರರಂಗದಲ್ಲಿ ‘ಕಾಸ್ಟಿಂಗ್ ಕೌಚ್’ ಅಥವಾ ಲೈಂಗಿಕ ಕಿರುಕುಳದ ವಿಷಯ ಇಂದಿನದ್ದಲ್ಲ, ಇದು ದಶಕಗಳಿಂದಲೂ ನಡೆದು ಬಂದಿದೆ. ಆದರೆ ಅಂತಹ ಸಂದರ್ಭದಲ್ಲಿ ನಟಿಯರು ಹೇಗೆ ಪ್ರತಿಕ್ರಿಯಿಸುತ್ತಾರೆ ಎಂಬುದು ಮುಖ್ಯ. ಹಿರಿಯ ಮಲಯಾಳಂ ನಿರ್ದೇಶಕ ಆಲಪ್ಪಿ ಅಶ್ರಫ್ ಅವರು ಹಳೆಯ ಕಾಲದ ಖ್ಯಾತ ಪೋಷಕ ನಟಿ ಖದೀಜಾ ಅವರ ಬದುಕಿನಲ್ಲಿ ನಡೆದ ಇಂತಹದ್ದೇ ಒಂದು ರೋಚಕ ಘಟನೆಯನ್ನು ಹಂಚಿಕೊಂಡಿದ್ದಾರೆ.
ಅಶ್ರಫ್ ಅವರ ಪ್ರಕಾರ, ಅಂದಿನ ಕಾಲದ ಪ್ರಭಾವಿ ನಿರ್ದೇಶಕ ಮತ್ತು ನಿರ್ಮಾಪಕರೊಬ್ಬರು ನಟಿ ಖದೀಜಾ ಅವರಿಗೆ ತಮ್ಮ ‘ಹಾಸಿಗೆ ಹಂಚಿಕೊಳ್ಳುವಂತೆ’ (Bedroom Sharing) ನೇರವಾದ ಬೇಡಿಕೆಯನ್ನಿಟ್ಟಿದ್ದರು. “ನೀವು ನಮ್ಮ ಜೊತೆ ಸಹಕರಿಸದಿದ್ದರೆ ನಿಮಗೆ ಈ ಸಿನಿಮಾದಲ್ಲಿ ಅವಕಾಶ ಸಿಗುವುದಿಲ್ಲ” ಎಂದು ಬೆದರಿಕೆ ಹಾಕಿದ್ದರು.
ಸಾಮಾನ್ಯವಾಗಿ ಅಂತಹ ಸಮಯದಲ್ಲಿ ನಟಿಯರು ಬೆದರಿ ಹೋಗುತ್ತಾರೆ. ಆದರೆ ಖದೀಜಾ ಅವರು ಅತ್ಯಂತ ದಿಟ್ಟತನದಿಂದ ವರ್ತಿಸಿದರು. ಆ ನಿರ್ದೇಶಕನ ಕಣ್ಣಿಗೆ ಕಣ್ಣಿಟ್ಟು ನೋಡಿದ ಅವರು, “ನನಗೆ ಸಿನಿಮಾ ಅವಕಾಶ ಮುಖ್ಯವಲ್ಲ, ನನ್ನ ಗೌರವ ಮುಖ್ಯ. ಇಂತಹ ಅಸಹ್ಯಕರ ಬೇಡಿಕೆ ಇಟ್ಟಿದ್ದಕ್ಕಾಗಿ ನಿನಗೆ ನಾಚಿಕೆಯಾಗಬೇಕು” ಎಂದು ಸ್ಥಳದಲ್ಲೇ ತರಾಟೆಗೆ ತೆಗೆದುಕೊಂಡಿದ್ದರು. ಅಷ್ಟೇ ಅಲ್ಲದೆ, ಆ ಸಿನಿಮಾದಿಂದ ತಾವೇ ಹೊರಬಂದು ತಮ್ಮ ಸ್ವಾಭಿಮಾನ ಎತ್ತಿ ಹಿಡಿದಿದ್ದರು.
ಇದನ್ನೂ ಓದಿ: ಮೊನಾಲಿಸಾ ಮದುವೆ ವಿವಾದಕ್ಕೆ ಬಿಗ್ ಟ್ವಿಸ್ಟ್: ಗಂಡ ಫರ್ಮಾನ್ ಖಾನ್ ವಿರುದ್ಧ ಪೋಕ್ಸೋ ಕೇಸ್ ದಾಖಲು!
ಈ ಘಟನೆಯನ್ನು ಆಲಪ್ಪಿ ಅಶ್ರಫ್ ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಹಂಚಿಕೊಂಡಿದ್ದು, ಚಿತ್ರರಂಗದ ಅಂದಿನ ಕರಾಳ ಮುಖ ಮತ್ತು ನಟಿಯೊಬ್ಬರ ಅಪ್ರತಿಮ ಧೈರ್ಯ ಈಗ ಮತ್ತೆ ಚರ್ಚೆಗೆ ಗ್ರಾಸವಾಗಿದೆ.
ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
