ಅಟ್ಲಾಂಟಾ: ಹಾಲಿ ಚಾಂಪಿಯನ್ ಅರ್ಜೆಂಟೀನಾ ತಂಡವು ಫಿಫಾ ವಿಶ್ವಕಪ್ 2026ರ ಹೈ-ವೋಲ್ಟೇಜ್ ಸೆಮಿಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ 2-1 ಗೋಲುಗಳ ರೋಚಕ ಜಯ ದಾಖಲಿಸಿದೆ. ಈ ಐತಿಹಾಸಿಕ ಗೆಲುವಿನೊಂದಿಗೆ ಲಿಯೋನೆಲ್ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ತಂಡವು ಭಾನುವಾರ ನಡೆಯಲಿರುವ ಮೆಗಾ ಫೈನಲ್ ಪಂದ್ಯದಲ್ಲಿ ಸ್ಪೇನ್ ತಂಡವನ್ನು ಎದುರಿಸಲು ಸಜ್ಜಾಗಿದೆ.
ಅಟ್ಲಾಂಟಾದ ಮರ್ಸಿಡಿಸ್-ಬೆಂಜ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದರೂ, ಕೊನೆಯ ಕ್ಷಣಗಳಲ್ಲಿ ಅರ್ಜೆಂಟೀನಾ ತೋರಿದ ಅಪ್ರತಿಮ ಹೋರಾಟ ಇಡೀ ವಿಶ್ವದ ಫುಟ್ಬಾಲ್ ಪ್ರೇಮಿಗಳನ್ನು ರೋಮಾಂಚನಗೊಳಿಸಿತು.
ಪಂದ್ಯದ ಮೊದಲಾರ್ಧದಲ್ಲಿ ಉಭಯ ತಂಡಗಳು ರಕ್ಷಣಾತ್ಮಕ ಆಟಕ್ಕೆ ಒತ್ತು ನೀಡಿದ್ದರಿಂದ ಯಾವುದೇ ಗೋಲು ದಾಖಲಾಗಲಿಲ್ಲ. ಆದರೆ ದ್ವಿತೀಯಾರ್ಧದಲ್ಲಿ ಆಟದ ವೇಗ ಹೆಚ್ಚಾಯಿತು. ಪಂದ್ಯದ 55ನೇ ನಿಮಿಷದಲ್ಲಿ ಇಂಗ್ಲೆಂಡ್ನ ಮಾರ್ಗನ್ ರೋಜರ್ಸ್ ನೀಡಿದ ಅದ್ಭುತ ಕ್ರಾಸ್ ಪಾಸ್ ಅನ್ನು ಬಳಸಿಕೊಂಡ ಆಂಥೋನಿ ಗಾರ್ಡನ್, ಗೋಲು ಬಾರಿಸಿ ಇಂಗ್ಲೆಂಡ್ ತಂಡಕ್ಕೆ 1-0 ಮುನ್ನಡೆ ತಂದುಕೊಟ್ಟರು.
ಗೋಲು ಅನುಭವಿಸಿದ ನಂತರ ಇಂಗ್ಲೆಂಡ್ ರಕ್ಷಣಾ ಕೋಟೆಯನ್ನು ಮತ್ತಷ್ಟು ಬಲಪಡಿಸಿತು, ಇದರಿಂದಾಗಿ ಅರ್ಜೆಂಟೀನಾ ಸಮಬಲ ಸಾಧಿಸಲು ಭಾರಿ ಕಸರತ್ತು ನಡೆಸಬೇಕಾಯಿತು. ಅರ್ಜೆಂಟೀನಾ ಪಂದ್ಯ ಕೈಬಿಟ್ಟಿತು ಎನ್ನುವಷ್ಟರಲ್ಲಿ ನಾಯಕ ಲಿಯೋನೆಲ್ ಮೆಸ್ಸಿ ತಮ್ಮ ವಿಶ್ವದರ್ಜೆಯ ಆಟದ ಮೂಲಕ ಪಂದ್ಯದ ಚಿತ್ರಣವನ್ನೇ ಬದಲಾಯಿಸಿದರು. ಅವರು ಪಂದ್ಯದ ಎರಡೂ ಗೋಲುಗಳಿಗೆ ಅದ್ಭುತ ಅಸಿಸ್ಟ್ (ನೆರವು) ನೀಡಿದರು.
85ನೇ ನಿಮಿಷದಲ್ಲಿ ಮೆಸ್ಸಿ ನೀಡಿದ ಪಾಸ್ ಅನ್ನು ಪಡೆದ ಎಂಜೋ ಫೆರ್ನಾಂಡಿಸ್, ಡಿ-ಬಾಕ್ಸ್ನ ಹೊರಗಿನಿಂದ ಬಾರಿಸಿದ ಭೀಕರ ಲಾಂಗ್ ಆನ್ ಸ್ಟ್ರೈಕ್ ನೇರವಾಗಿ ಇಂಗ್ಲೆಂಡ್ ಗೋಲ್ ಪೋಸ್ಟ್ ಸೇರಿತು. ಇದರೊಂದಿಗೆ ಪಂದ್ಯ 1-1 ಸಮಬಲಕ್ಕೆ ತಲುಪಿತು.ಪಂದ್ಯದ ಇಂಜುರಿ ಟೈಮ್ನಲ್ಲಿ (Stoppage Time) ಅಂದರೆ 92ನೇ ನಿಮಿಷದಲ್ಲಿ ಮೆಸ್ಸಿ ಬಲಗಾಲಿನಿಂದ ನೀಡಿದ ನಿಖರವಾದ ಕ್ರಾಸ್ ಅನ್ನು ಬಳಸಿಕೊಂಡ ಬದಲಿ ಆಟಗಾರ ಲೌಟಾರೊ ಮಾರ್ಟಿನೆಸ್, ಹೆಡರ್ ಮೂಲಕ ಚೆಂಡನ್ನು ನೆಟ್ಗೆ ತಳ್ಳುವಲ್ಲಿ ಯಶಸ್ವಿಯಾದರು. ಈ ಗೋಲು ಇಡೀ ಕ್ರೀಡಾಂಗಣದಲ್ಲಿದ್ದ ಅರ್ಜೆಂಟೀನಾ ಅಭಿಮಾನಿಗಳನ್ನು ಸಂಭ್ರಮದ ಕಡಲಿನಲ್ಲಿ ತೇಲಿಸಿತು.
ಹಿಸ್ಟರಿ ಕ್ರಿಯೇಟ್ ಮಾಡಲು ಅರ್ಜೆಂಟೀನಾಗೆ ಗೋಲ್ಡನ್ ಚಾನ್ಸ್:
ಈ ಭೀಕರ ಸೋಲಿನೊಂದಿಗೆ 1966ರ ನಂತರ ಮೊದಲ ಬಾರಿಗೆ ವಿಶ್ವಕಪ್ ಫೈನಲ್ ತಲುಪಬೇಕೆಂಬ ಇಂಗ್ಲೆಂಡ್ ತಂಡದ ದಶಕಗಳ ಕನಸು ಮತ್ತೊಮ್ಮೆ ನುಚ್ಚುನೂರಾಗಿದೆ. ಇಂಗ್ಲೆಂಡ್ ತಂಡ ಶನಿವಾರ ಮಿಯಾಮಿಯಲ್ಲಿ ನಡೆಯಲಿರುವ 3ನೇ ಸ್ಥಾನಕ್ಕಾಗಿ ಬಲಿಷ್ಠ ಫ್ರಾನ್ಸ್ ತಂಡದ ವಿರುದ್ಧ ಸೆಣಸಾಡಲಿದೆ.
ಮತ್ತೊಂದೆಡೆ, ಅರ್ಜೆಂಟೀನಾ ತಂಡವು 1962ರಲ್ಲಿ ಬ್ರೆಜಿಲ್ ಮಾಡಿದ ಸಾಧನೆಯ ನಂತರ ವಿಶ್ವಕಪ್ ಇತಿಹಾಸದಲ್ಲೇ ಸತತವಾಗಿ ಎರಡನೇ ಬಾರಿಗೆ ವಿಶ್ವ ಚಾಂಪಿಯನ್ ಪಟ್ಟವನ್ನು ಉಳಿಸಿಕೊಂಡ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲು ಕೇವಲ ಒಂದು ಹೆಜ್ಜೆ ದೂರದಲ್ಲಿದೆ.
ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ