ಹಿಂದೂ ಧರ್ಮದಲ್ಲಿ ದೇವಸ್ಥಾನಕ್ಕೆ ಹೋಗುವುದು ಕೇವಲ ಒಂದು ವಾಡಿಕೆಯಲ್ಲ, ಅದು ಮನಸ್ಸನ್ನು ಪವಿತ್ರಗೊಳಿಸುವ ಮತ್ತು ಧನಾತ್ಮಕ ಶಕ್ತಿಯನ್ನು (Positive Energy) ಪಡೆಯುವ ಒಂದು ದೈವಿಕ ಪ್ರಕ್ರಿಯೆ. ಆದರೆ ಇತ್ತೀಚಿನ ದಿನಗಳಲ್ಲಿ ಅನೇಕರು ದೇವಸ್ಥಾನಕ್ಕೆ ಹೋಗುವಾಗ ತಿಳಿಯದೋ ಅಥವಾ ನಿರ್ಲಕ್ಷ್ಯದಿಂದಲೋ ಕೆಲವು ತಪ್ಪುಗಳನ್ನು ಮಾಡುತ್ತಾರೆ. ಶಾಸ್ತ್ರಗಳ ಪ್ರಕಾರ, ಈ ತಪ್ಪುಗಳು ನಮಗೆ ಸಿಗಬೇಕಾದ ದೈವಿಕ ಅನುಗ್ರಹವನ್ನು ಕಡಿಮೆ ಮಾಡಬಹುದು. ಹಾಗಾದರೆ ದೇವಸ್ಥಾನಕ್ಕೆ ಹೋಗುವ ಮುನ್ನ ಮತ್ತು ಹೋದಾಗ ಯಾವ ತಪ್ಪುಗಳನ್ನು ಮಾಡಬಾರದು?
ದೇವಸ್ಥಾನಕ್ಕೆ ಹೋಗುವ ಮುನ್ನ ಮಾಡಬಾರದು ತಪ್ಪುಗಳು
ಶೌಚ ಮುಗಿಸದೆ ಅಥವಾ ಸ್ನಾನ ಮಾಡದೆ ಹೋಗುವುದು: ದೇವಸ್ಥಾನಕ್ಕೆ ಹೋಗುವ ಮುನ್ನ ಕಡ್ಡಾಯವಾಗಿ ದೇಹವನ್ನು ಶುದ್ಧಗೊಳಿಸಬೇಕು. ಕೇವಲ ಕೈ-ಕಾಲು ತೊಳೆದುಕೊಂಡು ದೇವಸ್ಥಾನಕ್ಕೆ ಹೋಗುವುದು ತಪ್ಪು. ಸ್ನಾನ ಮಾಡಿ, ಸ್ವಚ್ಛವಾದ ಬಟ್ಟೆ ಧರಿಸಿಯೇ ದೇವರ ದರ್ಶನಕ್ಕೆ ಹೊರಡಬೇಕು.
ಮನೆಯಲ್ಲಿ ಜಗಳವಾಡುವುದು: ದೇವಸ್ಥಾನಕ್ಕೆ ಹೊರಡುವ ಮುನ್ನ ಮನೆಯಲ್ಲಿ ಯಾರೊಂದಿಗೂ ವಾದ-ವಿವಾದ ಅಥವಾ ಜಗಳವಾಡಬಾರದು. ಕೋಪ ಅಥವಾ ಅಸಮಾಧಾನದ ಮನಸ್ಸಿನಿಂದ ದೇವಸ್ಥಾನಕ್ಕೆ ಹೋದರೆ ಅಲ್ಲಿನ ಸಕಾರಾತ್ಮಕ ಶಕ್ತಿ ನಿಮ್ಮ ಮನಸ್ಸನ್ನು ತಲುಪುವುದಿಲ್ಲ.
ಸೂತಕ ಅಥವಾ ಮೈಲಿಗೆಯ ನಿಯಮ ಮೀರುವುದು: ಕುಟುಂಬದಲ್ಲಿ ಯಾರಾದರೂ ಜನಿಸಿದಾಗ ಅಥವಾ ಮರಣ ಹೊಂದಿದಾಗ ಇರುವ ಸೂತಕದ ದಿನಗಳಲ್ಲಿ ದೇವಸ್ಥಾನಕ್ಕೆ ಹೋಗಬಾರದು. ಹಾಗೆಯೇ ಮಹಿಳೆಯರು ಮುಟ್ಟಾದ (Periods) ಸಮಯದಲ್ಲಿ ಕನಿಷ್ಠ 4 ದಿನಗಳ ಕಾಲ ದೇವಸ್ಥಾನಕ್ಕೆ ಹೋಗುವುದನ್ನು ನಿಷೇಧಿಸಲಾಗಿದೆ.
ದೇವಸ್ಥಾನದ ಆವರಣದಲ್ಲಿ ಮಾಡುವ ಸಾಮಾನ್ಯ ತಪ್ಪುಗಳು
ದೇವರ ಕಣ್ಣುಗಳನ್ನು ಮಾತ್ರ ನೋಡುವುದು: ದೇವಸ್ಥಾನಕ್ಕೆ ಹೋದ ತಕ್ಷಣ ನೇರವಾಗಿ ದೇವರ ಕಣ್ಣುಗಳನ್ನು ಮಾತ್ರ ನೋಡುವುದು ಸರಿಯಾದ ಕ್ರಮವಲ್ಲ. ಶಾಸ್ತ್ರಗಳ ಪ್ರಕಾರ, ಮೊದಲು ದೇವರ ಪಾದಗಳನ್ನು ನೋಡಬೇಕು, ನಂತರ ಉದರ (ಹೊಟ್ಟೆ), ಎದೆ ಮತ್ತು ಕೊನೆಯದಾಗಿ ದೇವರ ಮುಖ ಹಾಗೂ ಕಣ್ಣುಗಳನ್ನು ದರ್ಶನ ಮಾಡಬೇಕು.
ಪ್ರದಕ್ಷಿಣೆ ಮಾಡುವಾಗ ತಪ್ಪು ಮಾಡುವುದು: ದೇವಸ್ಥಾನದಲ್ಲಿ ಪ್ರದಕ್ಷಿಣೆ ಮಾಡುವಾಗ ವೇಗವಾಗಿ ಓಡಬಾರದು ಅಥವಾ ಪಕ್ಕದವರ ಜೊತೆ ಮಾತನಾಡಬಾರದು. ಅತ್ಯಂತ ನಿಧಾನವಾಗಿ, ದೇವರ ನಾಮಸ್ಮರಣೆ ಮಾಡುತ್ತಾ ಪ್ರದಕ್ಷಿಣೆ ಮಾಡಬೇಕು. ಅಲ್ಲದೆ, ಶಿವನ ದೇವಸ್ಥಾನದಲ್ಲಿ ಪೂರ್ಣ ಪ್ರದಕ್ಷಿಣೆ ಮಾಡಬಾರದು (ಸೋಮಸೂತ್ರವನ್ನು ದಾಟಬಾರದು).
ದೇವಸ್ಥಾನದ ಒಳಗಡೆ ಬೆನ್ನು ತೋರಿಸುವುದು: ದೇವರ ದರ್ಶನ ಮುಗಿದ ನಂತರ ಗರ್ಭಗುಡಿಯಿಂದ ಹೊರಗೆ ಬರುವಾಗ ದೇವರಿಗೆ ನೇರವಾಗಿ ಬೆನ್ನು ತೋರಿಸಿ ಹೊರಬರಬಾರದು. ಕೆಲವು ಹೆಜ್ಜೆಗಳನ್ನು ಹಿಂದಕ್ಕೆ ಇಟ್ಟು, ನಂತರ ಪಕ್ಕಕ್ಕೆ ತಿರುಗಿ ಬರಬೇಕು.
ಇದನ್ನೂ ಓದಿ: ವಾಸ್ತು ಶಾಸ್ತ್ರದ ಮುನ್ಸೂಚನೆ: ಮನೆಯಲ್ಲಿ ಈ ವಿಶೇಷ ‘ಲಕ್ಷ್ಮೀ’ ಫೋಟೋ ಇಟ್ಟರೆ ಖಂಡಿತವಾಗಿಯೂ ಹರಿದು ಬರಲಿದೆ ಧನ ಲಾಭ!
ಇತರೆ ಪ್ರಮುಖ ನಿಯಮಗಳು
ಪ್ರಸಾದವನ್ನು ತಿರಸ್ಕರಿಸಬೇಡಿ: ದೇವಸ್ಥಾನದಲ್ಲಿ ನೀಡುವ ತೀರ್ಥ ಮತ್ತು ಪ್ರಸಾದವನ್ನು ಎಂದಿಗೂ ಬೇಡ ಎನ್ನಬಾರದು. ತೀರ್ಥವನ್ನು ಕುಡಿದ ನಂತರ ಕೈಯನ್ನು ತಲೆಗೆ ಸವರಿಕೊಳ್ಳಬಾರದು (ಅದನ್ನು ಕಣ್ಣಿಗೆ ಒರೆಸಿಕೊಳ್ಳಬೇಕು ಅಥವಾ ತಲೆಯ ಮೇಲೆ ಪ್ರೋಕ್ಷಿಸಿಕೊಳ್ಳಬೇಕು).
ದರ್ಶನದ ನಂತರ ಸ್ವಲ್ಪ ಸಮಯ ಕುಳಿತುಕೊಳ್ಳಿ: ದೇವರ ದರ್ಶನ ಮುಗಿದ ತಕ್ಷಣ ದೇವಸ್ಥಾನದಿಂದ ಹೊರಗೆ ಓಡಬಾರದು. ದೇವಸ್ಥಾನದ ಜಗಲಿ ಅಥವಾ ಆವರಣದಲ್ಲಿ ಕನಿಷ್ಠ ಎರಡು ನಿಮಿಷಗಳ ಕಾಲ ಪ್ರಶಾಂತವಾಗಿ ಕುಳಿತು ದೇವರನ್ನು ಧ್ಯಾನಿಸಬೇಕು.
ಅಧ್ಯಾತ್ಮಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ