ಕರಾವಳಿ ಕರ್ನಾಟಕದಲ್ಲಿ (ಮಂಗಳೂರು, ಉಡುಪಿ, ಮತ್ತು ಭಟ್ಕಳ ಸೇರಿದಂತೆ) ಇಂದು ಅಂದರೆ ಮಾರ್ಚ್ 20, 2026ರ ಶುಕ್ರವಾರ ರಂಜಾನ್ (ಈದ್-ಉಲ್-ಫಿತರ್) ಹಬ್ಬವನ್ನು ಆಚರಿಸಲಾಗುತ್ತಿದೆ. ಇದಕ್ಕೆ ಪ್ರಮುಖ ಕಾರಣಗಳು ಇಲ್ಲಿವೆ ಇಸ್ಲಾಮಿಕ್ ಕ್ಯಾಲೆಂಡರ್ ಚಂದ್ರನ ಚಲನೆಯನ್ನು ಅವಲಂಬಿಸಿದೆ. ಕರಾವಳಿ ಜಿಲ್ಲೆಗಳ ಖಾಜಿಗಳು ಮತ್ತು ಚಂದ್ರ ದರ್ಶನ ಸಮಿತಿಗಳು ಗುರುವಾರ ಸಂಜೆ (ಮಾರ್ಚ್ 19) ಚಂದ್ರ ದರ್ಶನವನ್ನು ಖಚಿತಪಡಿಸಿವೆ. ಹೀಗಾಗಿ ಶವ್ವಾಲ್ ಮಾಸದ ಮೊದಲ ದಿನವಾದ ಇಂದು ಹಬ್ಬವನ್ನು ಘೋಷಿಸಲಾಗಿದೆ.
ಸಾಮಾನ್ಯವಾಗಿ ಕರಾವಳಿ ಕರ್ನಾಟಕದ ಮುಸ್ಲಿಂ ಸಮುದಾಯವು ಸೌದಿ ಅರೇಬಿಯಾ ಮತ್ತು ಇತರ ಗಲ್ಫ್ ರಾಷ್ಟ್ರಗಳಲ್ಲಿ ಚಂದ್ರ ದರ್ಶನವಾದ ದಿನವೇ ಹಬ್ಬವನ್ನು ಆಚರಿಸುವ ಸಂಪ್ರದಾಯವನ್ನು ಹೊಂದಿದೆ. ಈ ವರ್ಷ ಸೌದಿ ಅರೇಬಿಯಾದಲ್ಲಿ ಮಾರ್ಚ್ 20ರಂದು ಈದ್ ಘೋಷಣೆಯಾಗಿರುವುದರಿಂದ ಕರಾವಳಿಯಲ್ಲೂ ಅಂದೇ ಆಚರಿಸಲಾಗುತ್ತಿದೆ.
ಇದನ್ನೂ ಓದಿ: ಮಂಗಳೂರು–ಸುಬ್ರಹ್ಮಣ್ಯ ರೈಲು ಸೇವೆ 35 ದಿನ ರದ್ದು! ಯಶವಂತಪುರ-ಕಾರವಾರ-ಮಂಗಳೂರು ರೈಲು ಸೇವೆಗಳಲ್ಲಿಯೂ ವ್ಯತ್ಯಯ
ದಕ್ಷಿಣ ಕನ್ನಡ ಜಿಲ್ಲಾ ಖಾಜಿಗಳಾದ ಅಲ್-ಹಾಜ್ ತ್ವಾಖಾ ಅಹ್ಮದ್ ಮುಸ್ಲಿಯಾರ್ ಮತ್ತು ಉಡುಪಿ ಜಿಲ್ಲಾ ಖಾಜಿಗಳು ಗುರುವಾರ ರಾತ್ರಿಯೇ ಅಧಿಕೃತವಾಗಿ ಇಂದು ಹಬ್ಬವೆಂದು ಘೋಷಿಸಿದ್ದಾರೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ