ಭಾರತದ ಪ್ರಮುಖ ವಾಹನ ತಯಾರಿಕಾ ಸಂಸ್ಥೆಯಾದ ಟಾಟಾ ಮೋಟಾರ್ಸ್ (Tata Motors), ತನ್ನ ಬಹುನಿರೀಕ್ಷಿತ ‘ಏರಿಸ್’ (Aeris) ಸೆಡಾನ್ ಕಾರನ್ನು ಅಧಿಕೃತವಾಗಿ ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ. ಇತ್ತೀಚೆಗೆ ಬಿಡುಗಡೆಯಾದ ಹೊಸ ಟೀಸರ್‌ನಲ್ಲಿ ಈ ಕಾರಿನ ಇಂಟೀರಿಯರ್ ಹಾಗೂ ವೈಶಿಷ್ಟ್ಯಗಳ ಕುರಿತು ಪ್ರಮುಖ ವಿವರಗಳನ್ನು ಕಂಪನಿ ಬಹಿರಂಗಪಡಿಸಿದೆ. ಏರಿಸ್’ ಕಾರು ಮೂಲತಃ ಟಾಟಾ ಟಿಗೋರ್ (Tigor) ಕಾರಿನ ಹೊಸ ರೂಪಾಂತರವಾಗಿದ್ದು, ಟಿಯಾಗೋ (Tiago) ಮಾದರಿಯಿಂದ ಹಲವು ವಿನ್ಯಾಸ ಹಾಗೂ ಸೌಲಭ್ಯಗಳನ್ನು ಅಳವಡಿಸಿಕೊಂಡಿದೆ.
ಇಂಟೀರಿಯರ್ ಮತ್ತು ಹೈ-ಟೆಕ್ ಫೀಚರ್ಸ್‌
360-ಡಿಗ್ರಿ ಕ್ಯಾಮೆರಾ & ವೈರ್‌ಲೆಸ್ ಚಾರ್ಜಿಂಗ್: ಚಾಲಕರಿಗೆ ಸುಲಭ ಪಾರ್ಕಿಂಗ್ ಮತ್ತು ಸುರಕ್ಷತೆಗಾಗಿ 360-ಡಿಗ್ರಿ ಕ್ಯಾಮೆರಾ ಸಿಸ್ಟಮ್ ಹಾಗೂ ಸ್ಮಾರ್ಟ್‌ಫೋನ್ ಚಾರ್ಜ್ ಮಾಡಲು ವೈರ್‌ಲೆಸ್ ಚಾರ್ಜಿಂಗ್ ಪ್ಯಾಡ್ ನೀಡಲಾಗಿದೆ.
ನೂತನ ಸ್ಟೀರಿಂಗ್ ವೀಲ್: ಮರು-ವಿನ್ಯಾಸಗೊಳಿಸಲಾದ ನೂತನ ಸ್ಟೀರಿಂಗ್ ವೀಲ್ ಕಾರಿಗೆ ಪ್ರೀಮಿಯಂ ಲುಕ್ ನೀಡುತ್ತದೆ.
ಆಟೋಮ್ಯಾಟಿಕ್ ಗೇರ್‌ಬಾಕ್ಸ್: ರೋಟರಿ ಡ್ರೈವ್ ಸೆಲೆಕ್ಟರ್ ಮತ್ತು ಸ್ಟೀರಿಂಗ್ ವೀಲ್ ಹಿಂಭಾಗದಲ್ಲಿ ‘ಪ್ಯಾಡಲ್ ಶಿಫ್ಟರ್ಸ್’ (Paddle Shifters) ಇರಲಿದ್ದು, ಇದು ಆಟೋಮ್ಯಾಟಿಕ್ ಮಾದರಿಯಾಗಿರಲಿದೆ ಎಂಬುದನ್ನು ಸೂಚಿಸುತ್ತದೆ.
ಇನ್ಫೋಟೈನ್‌ಮೆಂಟ್ ಡಿಸ್‌ಪ್ಲೇ: ಡ್ಯಾಶ್‌ಬೋರ್ಡ್‌ನಲ್ಲಿ ಟಿಯಾಗೋ ಶೈಲಿಯ 10.25-ಇಂಚಿನ ಫ್ಲೋಟಿಂಗ್ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಹಾಗೂ ಡಿಜಿಟಲ್ ಇನ್‌ಸ್ಟ್ರುಮೆಂಟ್ ಕ್ಲಸ್ಟರ್ ಇರಲಿದೆ.
ಬೇಜ್ ಬಣ್ಣದ ಥೀಮ್: ಡ್ಯಾಶ್‌ಬೋರ್ಡ್, ಡೋರ್ ಪ್ಯಾನೆಲ್ ಮತ್ತು ಸೀಟ್‌ಗಳಲ್ಲಿ ಪ್ರೀಮಿಯಂ ‘ಬೇಜ್’ (Beige) ಬಣ್ಣದ ಥೀಮ್ ನೀಡಲಾಗಿದ್ದು, ಡ್ಯಾಶ್‌ಬೋರ್ಡ್‌ಗೆ ಫ್ಯಾಬ್ರಿಕ್ ಇನ್ಸರ್ಟ್‌ಗಳನ್ನು ನೀಡಲಾಗಿದೆ.
ಎಕ್ಸ್‌ಟೀರಿಯರ್ ವಿನ್ಯಾಸ ಮತ್ತು ಇಂಜಿನ್ ಸಾಮರ್ಥ್ಯ:
ಆಕರ್ಷಕ ಮುಂಭಾಗ: ಪ್ರಸ್ತುತ ಮಾರುಕಟ್ಟೆಯಲ್ಲಿರುವ ಟಿಗೋರ್‌ಗಿಂತಲೂ ಶಾರ್ಪ್ ಆದ ಫ್ರಂಟ್ ಲುಕ್ ಇದ್ದು, ಸ್ಲಿಮ್ ಎಲ್‌ಇಡಿ ಹೆಡ್‌ಲ್ಯಾಂಪ್ ಹಾಗೂ ಎಲ್‌ಇಡಿ ಡಿಆರ್‌ಎಲ್‌ (DRL) ಪಟ್ಟಿಗಳನ್ನು ಹೊಂದಿದೆ. ಜೊತೆಗೆ ಎಲ್‌ಇಡಿ ಫಾಗ್ ಲ್ಯಾಂಪ್‌ಗಳನ್ನು ನೀಡಲಾಗಿದೆ.
ಹೊಸ ಹಿಂಭಾಗ & ಬಣ್ಣ: ಮರು-ವಿನ್ಯಾಸಗೊಳಿಸಲಾದ ಎಲ್‌ಇಡಿ ಟೇಲ್-ಲ್ಯಾಂಪ್ಸ್ ಹಾಗೂ ಹೊಸ ‘ಪರ್ಪಲ್’ (Purple) ಬಣ್ಣದ ಆಯ್ಕೆ ಲಭ್ಯವಿರಲಿದೆ.ಇಂಜಿನ್ ಆಯ್ಕೆಗಳು: ಪ್ರಸ್ತುತ ಟಿಗೋರ್‌ನಲ್ಲಿರುವ 1.2-ಲೀಟರ್ ಪೆಟ್ರೋಲ್ (86hp, 113Nm) ಮತ್ತು ಪೆಟ್ರೋಲ್-ಸಿಎನ್‌ಜಿ (76hp, 97Nm) ಇಂಜಿನ್ ಆಯ್ಕೆಗಳೇ ಮುಂದುವರಿಯಲಿವೆ. ಇವುಗಳಲ್ಲಿ 5-ಸ್ಪೀಡ್ ಮ್ಯಾನುಯಲ್ ಹಾಗೂ 5-ಸ್ಪೀಡ್ ಎಎಮ್‌ಟಿ (AMT) ಗೇರ್‌ಬಾಕ್ಸ್ ಆಯ್ಕೆ ಸಿಗಲಿದೆ.
ನಿರೀಕ್ಷಿತ ಬೆಲೆ
ಹಾಲಿ ಮಾರುಕಟ್ಟೆಯಲ್ಲಿರುವ ಟಾಟಾ ಟಿಗೋರ್ ಕಾರಿನ ಎಕ್ಸ್-ಶೋರೂಂ ಬೆಲೆ ₹5.55 ಲಕ್ಷದಿಂದ ₹8.84 ಲಕ್ಷದವರೆಗಿದೆ. ಹೊಸ ಫೇಸ್‌ಲಿಫ್ಟ್ ‘ಏರಿಸ್’ ಕಾರು ಹಲವು ಸುಧಾರಿತ ಹೈ-ಟೆಕ್ ಫೀಚರ್‌ಗಳನ್ನು ಹೊಂದಿರುವುದರಿಂದ ಪ್ರಸ್ತುತ ಬೆಲೆಗಿಂತ ಕೊಂಚ ಹೆಚ್ಚಿರಲಿದೆ ಎಂದು ಅಂದಾಜಿಸಲಾಗಿದೆ.