ವಾಷಿಂಗ್ಟನ್: ಅಮೆರಿಕ ಮತ್ತು ಇರಾನ್ ನಡುವಿನ ಸಂಘರ್ಷವು ದಿನದಿಂದ ದಿನಕ್ಕೆ ಭೀಕರ ಸ್ವರೂಪ ಪಡೆಯುತ್ತಿದ್ದು, ಇದರ ಆರ್ಥಿಕ ಹೊರೆ ಅಮೆರಿಕದ ಮೇಲೆ ಅತೀವವಾಗಿ ಬೀಳುತ್ತಿದೆ. ಯುದ್ಧ ಆರಂಭವಾದ ಕೇವಲ ಒಂದು ವಾರದಲ್ಲೇ ಅಮೆರಿಕ ಸುಮಾರು 50,000 ಕೋಟಿ ರೂಪಾಯಿ ($6 ಬಿಲಿಯನ್) ಹಣವನ್ನು ಖರ್ಚು ಮಾಡಿದೆ ಎಂದು ಪೆಂಟಗನ್ ದೃಢಪಡಿಸಿದೆ.
ಯುದ್ಧಕ್ಕಾಗಿ ಅಮೆರಿಕ ಪ್ರತಿ ದಿನ ಸರಾಸರಿ $891.4 ಮಿಲಿಯನ್ (ಅಂದಾಜು ₹7,400 ಕೋಟಿ) ವ್ಯಯಿಸುತ್ತಿದೆ. ಮೊದಲ ವಾರದ ಒಟ್ಟು ವೆಚ್ಚದಲ್ಲಿ $4 ಬಿಲಿಯನ್ ಹಣವನ್ನು ಕೇವಲ ಇರಾನ್ ಮಿಸೈಲ್ಗಳನ್ನು ತಡೆಯುವ ಇಂಟರ್ಸೆಪ್ಟರ್ಗಳಿಗಾಗಿ ಬಳಸಲಾಗಿದೆ.ಕಳೆದ ವರ್ಷದ ‘ಆಪರೇಷನ್ ಮಿಡ್ನೈಟ್ ಹ್ಯಾಮರ್’ಗೆ ತಗುಲಿದ ವೆಚ್ಚಕ್ಕಿಂತ, ಈಗಿನ ಸಂಘರ್ಷದ ಮೊದಲ 100 ಗಂಟೆಗಳ ವೆಚ್ಚವು ಮೂರು ಪಟ್ಟು ಹೆಚ್ಚಾಗಿದೆ.
ಸೇನಾ ಕಾರ್ಯಾಚರಣೆಯ ದಿನದ ಲೆಕ್ಕಾಚಾರ:
ವಾಯುಪಡೆ: ದಿನಕ್ಕೆ $30 ಮಿಲಿಯನ್
ನೌಕಾಪಡೆ: ದಿನಕ್ಕೆ $15 ಮಿಲಿಯನ್
ಭೂಪಡೆ: ದಿನಕ್ಕೆ $1.6 ಮಿಲಿಯನ್
ಈ ಕಾರ್ಯಾಚರಣೆಗಾಗಿ ಮಧ್ಯಪ್ರಾಚ್ಯದಲ್ಲಿ 50,000 ಸೈನಿಕರು, 2 ವಿಮಾನವಾಹಕ ನೌಕೆಗಳು ಮತ್ತು 12 ಯುದ್ಧ ನೌಕೆಗಳನ್ನು ನಿಯೋಜಿಸಲಾಗಿದೆ.
ಇದನ್ನೂ ಓದಿ: LPG ಬೆಲೆ ಏರಿಕೆ ಶಾಕ್: ಇಂದಿನಿಂದಲೇ ಹೊಸ ದರ ಜಾರಿ!
ಜಾಗತಿಕ ಇಂಧನ ಬಿಕ್ಕಟ್ಟು ಮತ್ತು ಆರ್ಥಿಕತೆ:
ಯುದ್ಧದ ಕಿಚ್ಚು ಜಾಗತಿಕ ತೈಲ ಮಾರುಕಟ್ಟೆಯನ್ನು ಸುಡುತ್ತಿದೆ:
ಕಚ್ಚಾ ತೈಲ: ಬ್ರೆಂಟ್ ಕಚ್ಚಾ ತೈಲದ ಬೆಲೆ $119.50 ತಲುಪಿದೆ.
ಜೆಟ್ ಇಂಧನ: ಏಷ್ಯಾದಲ್ಲಿ ವಿಮಾನ ಇಂಧನದ ಬೆಲೆ 200% ಏರಿಕೆ ಕಂಡಿದೆ.
ಹಾರ್ಮುಜ್ ಜಲಸಂಧಿ ಬಂದ್: ಇರಾನ್ ಡ್ರೋನ್ ದಾಳಿಗಳ ಭೀತಿಯಿಂದ ತೈಲ ಟ್ಯಾಂಕರ್ ಸಂಚಾರ ಸ್ಥಗಿತಗೊಂಡಿದ್ದು, ಜಾಗತಿಕ ಇಂಧನ ಸರಬರಾಜಿಗೆ ಸಂಚಕಾರ ಬಂದಿದೆ.
ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್ ಶರಣಾಗತಿಗೆ ಪಟ್ಟು ಹಿಡಿದಿದ್ದರೆ, ಇತ್ತ ಡೆಮಾಕ್ರಾಟ್ ನಾಯಕರು ಅಮೆರಿಕದ ತೆರಿಗೆದಾರರ ಹಣವನ್ನು ಅನಗತ್ಯ ಯುದ್ಧಕ್ಕೆ ವ್ಯಯಿಸಲಾಗುತ್ತಿದೆ ಎಂದು ತೀವ್ರವಾಗಿ ಟೀಕಿಸುತ್ತಿದ್ದಾರೆ.
ದೇಶದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ