ಕೆಜಿಎಫ್-2 (KGF Chapter 2) ಸಕ್ಸಸ್ ಬಳಿಕ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್’ (Toxic) ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಭರ್ಜರಿ ಬೋಣಿ ಮಾಡಿದೆ. ಆಗಸ್ಟ್ 26, 2026 (ಬುಧವಾರ) ಪ್ರಪಂಚದಾದ್ಯಂತ ಬಿಡುಗಡೆಯಾದ ಈ ಚಿತ್ರವು ಮೊದಲ ದಿನವೇ ಭಾರತದಲ್ಲಿ ₹100 ಕೋಟಿಗೂ ಅಧಿಕ ನೆಟ್ ಕಲೆಕ್ಷನ್ ಮಾಡಿದ್ದು, ಜಾಗತಿಕವಾಗಿ (Worldwide Gross) ಸುಮಾರು ₹140 ಕೋಟಿ ಗಳಿಸಿ ಹೊಸ ದಾಖಲೆ ಬರೆದಿದೆ.
‘ಸ್ಯಾಕ್ನಿಲ್ಕ್’ (Sacnilk) ವರದಿಯ ಪ್ರಕಾರ, ‘ಟಾಕ್ಸಿಕ್’ ಸಿನಿಮಾ ಭಾರತದಲ್ಲೇ ಮೊದಲ ದಿನ ₹101 ಕೋಟಿ ನೆಟ್ (Net Collection) ಹಾಗೂ ₹120 ಕೋಟಿ ಗ್ರಾಸ್ (Gross Collection) ಗಳಿಕೆ ಮಾಡಿದೆ. ಹಿಂದಿಯಲ್ಲಿ 55 ಕೋಟಿ (ಅತಿ ಹೆಚ್ಚು ಕಲೆಕ್ಷನ್ ನೀಡಿದ ಭಾಷೆ). ಕನ್ನಡದಲ್ಲಿ ಸುಮಾರು 23.30 ಕೋಟಿ (ಉತ್ತಮ ಚಿತ್ರಮಂದಿರ ಭರ್ತಿಯೊಂದಿಗೆ). ತೆಲುಗಿನಲ್ಲಿ 16 ಕೋಟಿ. ತಮಿಳಿನಲ್ಲಿ 5.50 ಕೋಟಿ.
ಈ ವರ್ಷ (2026) ಭಾರತದಲ್ಲಿ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಎರಡನೇ ಅತಿದೊಡ್ಡ ಸಿನಿಮಾ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ (ಮೊದಲ ಸ್ಥಾನ: ಧುರಂಧರ್ 2 – ₹103 ಕೋಟಿ). ವಿದೇಶಗಳಲ್ಲಿ ಸಿನಿಮಾಗೆ ಮೊದಲ ದಿನ 2 ಮಿಲಿಯನ್ ಡಾಲರ್ಗೂ ಅಧಿಕ ಗಳಿಕೆ ಬಂದಿದೆ. ಭಾರತೀಯ ಮತ್ತು ವಿದೇಶಿ ಮಾರುಕಟ್ಟೆ ಸೇರಿದಂತೆ ‘ಟಾಕ್ಸಿಕ್’ ಒಟ್ಟು ₹140 ಕೋಟಿ ಕಲೆಕ್ಷನ್ ಮಾಡಿದೆ.
ಮೊದಲ ದಿನದ ಜಾಗತಿಕ ಗಳಿಕೆಯಲ್ಲಿ ‘ಟಾಕ್ಸಿಕ್’ ಸಿನಿಮಾ ಜವಾನ್ (₹129 ಕೋಟಿ), ಅನಿಮಲ್ (₹116 ಕೋಟಿ), ಆದಿಪುರುಷ್ (₹127 ಕೋಟಿ) ಮತ್ತು ಪಠಾಣ್ (₹104 ಕೋಟಿ) ಸಿನಿಮಾಗಳನ್ನು ಹಿಂದಿಕ್ಕಿದೆ. ಕೆಜಿಎಫ್ 2 (₹164 ಕೋಟಿ) ಬಳಿಕ ಕನ್ನಡ ಚಿತ್ರರಂಗದಲ್ಲಿ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ 2ನೇ ಸಿನಿಮಾ ಇದಾಗಿದೆ.
ಇದನ್ನೂ ಓದಿ: ಸಂತೆಯಲ್ಲಿ ತರಕಾರಿ ಮಾರಿದ ತಮಿಳು ನಟ ವಿಮಲ್: ‘ಚೆಕ್ ಬೌನ್ಸ್’ ಕೇಸ್ನಲ್ಲಿ ಶಿಕ್ಷೆಯಾದ ಬೆನ್ನಲ್ಲೇ ವಿಡಿಯೋ ವೈರಲ್
ಗೀತು ಮೋಹನ್ದಾಸ್ ನಿರ್ದೇಶನದ ಈ ಆಕ್ಷನ್ ಥ್ರಿಲ್ಲರ್ ಸಿನಿಮಾದಲ್ಲಿ ಯಶ್ ಜೊತೆಗೆ ನಯನತಾರಾ, ಕಿಯಾರಾ ಅಡ್ವಾಣಿ, ಹುಮಾ ಖುರೇಷಿ, ರುಕ್ಮಿಣಿ ವಸಂತ್ ಮತ್ತು ತಾರಾ ಸುತಾರಿಯಾ ನಟಿಸಿದ್ದಾರೆ. ಬೋಲ್ಡ್ ದೃಶ್ಯಗಳು ಹಾಗೂ ತೀವ್ರವಾದ ಆಕ್ಷನ್ ಸನ್ನಿವೇಶಗಳಿಂದಾಗಿ ಸೆನ್ಸಾರ್ ಮಂಡಳಿ ಈ ಚಿತ್ರಕ್ಕೆ ಯಾವುದೇ ಕಟ್ ಇಲ್ಲದೆ ‘A’ ಸರ್ಟಿಫಿಕೇಟ್ ನೀಡಿತ್ತು. ಮೊದಲ ದಿನ ಬಾಕ್ಸ್ ಆಫೀಸ್ನಲ್ಲಿ ಅಬ್ಬರಿಸಿದ್ದರೂ, ವಿಮರ್ಶಕರಿಂದ ಮತ್ತು ಪ್ರೇಕ್ಷಕರಿಂದ ಮಿಶ್ರ (ನೆಗಟಿವ್) ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಹೀಗಾಗಿ ಮುಂಬರುವ ದಿನಗಳಲ್ಲಿ ವಾರಾಂತ್ಯದ (Weekend) ಕಲೆಕ್ಷನ್ ಹೇಗಿರಲಿದೆ ಎಂಬುದು ಪ್ರೇಕ್ಷಕರ ಪ್ರಚಾರದ (Word of mouth) ಮೇಲೆ ಅವಲಂಬಿತವಾಗಿದೆ.