ದೆಹಲಿ : ಕ್ರಿಕೆಟ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿರುವ 2026-2027ರ ಐಸಿಸಿ ಪುರುಷರ ಏಕದಿನ ವಿಶ್ವಕಪ್ (ICC ODI World Cup 2027) ಪಂದ್ಯಾವಳಿಯ ಅಧಿಕೃತ ವೇಳಾಪಟ್ಟಿಯನ್ನು ಅಕ್ಟೋಬರ್ 1 (ಗುರುವಾರ) ರಂದು ದಕ್ಷಿಣ ಆಫ್ರಿಕಾದ ಕೇಪ್ ಟೌನ್‌ನಲ್ಲಿ ಪ್ರಕಟಿಸಲಾಗುವುದು. ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಹಾಗೂ ಕ್ರಿಕೆಟ್ ಸೌತ್ ಆಫ್ರಿಕಾ (CSA) ಜಂಟಿಯಾಗಿ ಈ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಲಿವೆ.
‘ಕ್ರಿಕ್‌ಬಜ್’ (Cricbuzz) ವರದಿಯ ಪ್ರಕಾರ, ಕ್ರೀಡಾಕೂಟಕ್ಕೆ ಸರಿಯಾಗಿ ಇನ್ನು ಒಂದು ವರ್ಷ ಬಾಕಿ ಇರುವಾಗ ಈ ವೇಳಾಪಟ್ಟಿ ಪ್ರಕಟವಾಗುತ್ತಿದ್ದು, ವಿಶ್ವಕಪ್ ಪಂದ್ಯಗಳು 2027ರ ಅಕ್ಟೋಬರ್ 2 (ಗಾಂಧಿ ಜಯಂತಿ) ರಂದು ಪ್ರಾರಂಭವಾಗಿ ನವೆಂಬರ್ 21 ರವರೆಗೆ ನಡೆಯಲಿವೆ. ವೇಳಾಪಟ್ಟಿ ಬಿಡುಗಡೆಯ ಜೊತೆಗೆ ಐಸಿಸಿ ಅಭಿಮಾನಿಗಳಿಗಾಗಿ ‘ಟಿಕೆಟ್ ಬ್ಯಾಲಟ್’ (Ticket Ballot) ಪ್ರಕ್ರಿಯೆಯನ್ನು ಸಹ ಪ್ರಾರಂಭಿಸಲಿದೆ. ಅಭಿಮಾನಿಗಳು ಅಕ್ಟೋಬರ್ 1 ರಿಂದಲೇ ಟಿಕೆಟ್ ಕಾಯ್ದಿರಿಸಲು ನೋಂದಾಯಿಸಿಕೊಳ್ಳಬಹುದು. ಆದರೆ ತಕ್ಷಣವೇ ಟಿಕೆಟ್ ಮಾರಾಟ ಲಭ್ಯವಿರುವುದಿಲ್ಲ.
ವಿಶ್ವಕಪ್‌ಗೆ ಅರ್ಹತೆ ಪಡೆಯಲಿರುವ 10 ತಂಡಗಳು:
2027ರ ವಿಶ್ವಕಪ್‌ನಲ್ಲಿ ಒಟ್ಟು 14 ತಂಡಗಳು ಭಾಗವಹಿಸಲಿದ್ದು, ಅಕ್ಟೋಬರ್ ವೇಳೆಗೆ 10 ತಂಡಗಳ ಅರ್ಹತೆ ಖಚಿತವಾಗಲಿದೆ. ಆತಿಥೇಯ ದೇಶಗಳು: ದಕ್ಷಿಣ ಆಫ್ರಿಕಾ ಮತ್ತು ಜಿಂಬಾಬ್ವೆ. (ಮತ್ತೊಂದು ಆತಿಥೇಯ ದೇಶ ನಮೀಬಿಯಾಗೆ ಇನ್ನೂ ನೇರ ಅರ್ಹತೆ ಸಿಕ್ಕಿಲ್ಲ).
ಇದನ್ನೂ ಓದಿ; ‘ಪಿ.ಟಿ. ಉಷಾ’ ರೆಕಾರ್ಡ್ ಧೂಳಿಪಟ!: 2026ರ ಏಷ್ಯನ್ ಗೇಮ್ಸ್‌ನಲ್ಲಿ ಕಂಚಿನ ಪದಕದೊಂದಿಗೆ ಇತಿಹಾಸ ಬರೆದ ವಿತ್ಯಾ ರಾಮ್‌ರಾಜ್
ಐಸಿಸಿ ಶ್ರೇಯಾಂಕದ ಆಧಾರದಲ್ಲಿ ನೇರ ಅರ್ಹತೆ ಪಡೆಯಲಿರುವ ತಂಡಗಳು:
ಭಾರತ (ನಂ. 1)
ನ್ಯೂಜಿಲೆಂಡ್ (ನಂ. 2)
ಪಾಕಿಸ್ತಾನ (ನಂ. 4)
ಆಸ್ಟ್ರೇಲಿಯಾ (ನಂ. 5)
ಇಂಗ್ಲೆಂಡ್ (ನಂ. 6)
ಶ್ರೀಲಂಕಾ (ನಂ. 7)
ಅಫ್ಘಾನಿಸ್ತಾನ (ನಂ. 8)
ಬಾಂಗ್ಲಾದೇಶ (ನಂ. 9)
(3ನೇ ಶ್ರೇಯಾಂಕದ ದಕ್ಷಿಣ ಆಫ್ರಿಕಾ ಆತಿಥೇಯವಾಗಿ ನೇರ ಅರ್ಹತೆ ಪಡೆದ ಕಾರಣ ಬಾಂಗ್ಲಾದೇಶಕ್ಕೆ ಅವಕಾಶ ಸಿಕ್ಕಿದೆ).
ಉಳಿದ 4 ಸ್ಥಾನಗಳಿಗಾಗಿ ಮುಂದಿನ ವರ್ಷದ ಆರಂಭದಲ್ಲಿ ‘ಕ್ವಾಲಿಫೈಯರ್’ ಪಂದ್ಯಗಳು ನಡೆಯಲಿದ್ದು, ಮಾಜಿ ಚಾಂಪಿಯನ್ ವೆಸ್ಟ್ ಇಂಡೀಸ್ ಸೇರಿದಂತೆ ಇತರ ತಂಡಗಳು ಇದರ ಮೂಲಕ ವಿಶ್ವಕಪ್‌ಗೆ ಅರ್ಹತೆ ಪಡೆಯಬೇಕಾಗಿದೆ.
ಮತ್ತಷ್ಟು ಓದಲು ಇಲ್ಲಿ ಕ್ಲಿಕ್‌ ಮಾಡಿ