ಇವಿ ಮಾರುಕಟ್ಟೆಯಲ್ಲಿ ಪೇಟೆಂಟ್ ವಾರ್!; ಆನ್‌ಲೈನ್‌ನಲ್ಲಿ ಲೀಕ್ ಆಯ್ತು ಅಥರ್ ಮತ್ತು ಸಿಂಪಲ್ ಎನರ್ಜಿಯ ಹೊಸ ಫ್ಯಾಮಿಲಿ ಸ್ಕೂಟರ್‌ಗಳ ಲುಕ್

ಬೆಂಗಳೂರು: ಭಾರತೀಯ ಎಲೆಕ್ಟ್ರಿಕ್ ವಾಹನ (EV) ಮಾರುಕಟ್ಟೆ ದಿನದಿಂದ ದಿನಕ್ಕೆ ಜನಪ್ರಿಯತೆಯ ಉತ್ತುಂಗಕ್ಕೇರುತ್ತಿದೆ. ವಿಶೇಷವಾಗಿ ಮಧ್ಯಮ ವರ್ಗದ ಗ್ರಾಹಕರು ಹಾಗೂ ಜನಸಾಮಾನ್ಯರು ಕೌಟುಂಬಿಕ ಬಳಕೆಯ ಇವಿ ಸ್ಕೂಟರ್‌ಗಳ ಕಡೆಗೆ ಹೆಚ್ಚಿನ ಆಸಕ್ತಿ ತೋರಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ, ಪ್ರೀಮಿಯಂ ಸ್ಕೂಟರ್‌ಗಳಿಗೆ ಹೆಸರಾಗಿರುವ ಅಥರ್ ಎನರ್ಜಿ (Ather Energy) ಮತ್ತು ದೀರ್ಘ ಶ್ರೇಣಿಯ (Long Range) ಸ್ಕೂಟರ್ ತಯಾರಕ ಕಂಪನಿಯಾದ ಸಿಂಪಲ್ ಎನರ್ಜಿ (Simple Energy) ಕಂಪನಿಗಳ ಮುಂಬರುವ ಅತ್ಯಂತ ಅಗ್ಗದ ಫ್ಯಾಮಿಲಿ ಎಲೆಕ್ಟ್ರಿಕ್ ಸ್ಕೂಟರ್‌ಗಳ ವಿನ್ಯಾಸ ಪೇಟೆಂಟ್‌ಗಳು (Design Patents) ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿದ್ದು, ಆಟೋಮೊಬೈಲ್ ವಲಯದಲ್ಲಿ ಭಾರಿ ಚರ್ಚೆ ಹುಟ್ಟುಹಾಕಿದೆ.

ಮುಂಬರುವ ಹಬ್ಬದ ಸೀಸನ್ ವೇಳೆಗೆ ಮಾರುಕಟ್ಟೆಗೆ ಅಪ್ಪಳಿಸಲಿರುವ ಈ ಎರಡೂ ಮಾಡೆಲ್‌ಗಳು ಟಿವಿಎಸ್ ಐಕ್ಯೂಬ್ ಬಜಾಜ್ ಚೇತಕ್ ಮತ್ತು ಓಲಾ ಎಸ್‌1 ಎಕ್ಸ್‌ಗೆ ನೇರ ಪೈಪೋಟಿ ನೀಡಲು ಸಜ್ಜಾಗಿವೆ.

ಸ್ಪೋರ್ಟಿ ಲುಕ್‌ನ 450 ಸರಣಿ ಹಾಗೂ ಇತ್ತೀಚಿನ ‘ರಿಜ್ಟಾ’ ಯಶಸ್ಸಿನ ಬಳಿಕ ಅಥರ್ ಕಂಪನಿಯು ತನ್ನ ಸಂಪೂರ್ಣ ಹೊಸ ಸಾಫ್ಟ್‌ವೇರ್ ಮತ್ತು ಕಡಿಮೆ ವೆಚ್ಚದ ‘EL ಮೊಡ್ಯುಲರ್ ಪ್ಲಾಟ್‌ಫಾರ್ಮ್’ ಆಧಾರಿತ ಮೊದಲ ಸ್ಕೂಟರ್ Ather EL01 ಅನ್ನು ಸಿದ್ಧಪಡಿಸುತ್ತಿದೆ.

ಸೋರಿಕೆಯಾಗಿರುವ ಪೇಟೆಂಟ್ ಪ್ರಕಾರ, ಇದು ಕ್ಲೀನ್ ಮತ್ತು ಮಿನಿಮಲಿಸ್ಟ್ ಫ್ಯಾಮಿಲಿ ವಿನ್ಯಾಸವನ್ನು ಹೊಂದಿದೆ. ಮುಂಭಾಗದ ಆಪ್ರನ್‌ನಲ್ಲಿ ದೊಡ್ಡ LED DRL ಮತ್ತು ಹಿಂಭಾಗದಲ್ಲಿ ಆಕರ್ಷಕ LED ಟೇಲ್ ಲ್ಯಾಂಪ್ ಇರಲಿದೆ. ಇದು 14-ಇಂಚಿನ ಮುಂಭಾಗದ ಮತ್ತು 12-ಇಂಚಿನ ಹಿಂಭಾಗದ ಅಲಾಯ್ ವೀಲ್‌ಗಳನ್ನು ಹೊಂದಿರಲಿದೆ.ಅಥರ್‌ಸ್ಟ್ಯಾಕ್ (AtherStack) ತಂತ್ರಜ್ಞಾನದ 7-ಇಂಚಿನ ಟಿಎಫ್‌ಟಿ (TFT) ಡಿಸ್ಪ್ಲೇ, ವಾಯ್ಸ್ ಕಂಟ್ರೋಲ್, ನ್ಯಾವಿಗೇಷನ್ ಮತ್ತು ಒಟಿಎ ಅಪ್ಡೇಟ್‌ಗಳು ಇರಲಿವೆ.

ಇದರ ಅಂದಾಜು ಬೆಲೆ 90,000 ರೂಪಾಯಿ ದಿಂದ 99,000 ರೂಪಾಯಿ (Ex-Showroom) ಇರಲಿದ್ದು, ಸಿಂಗಲ್ ಚಾರ್ಜ್‌ನಲ್ಲಿ ಸುಮಾರು 100 ಕಿ.ಮೀ ನಿಂದ 123 ಕಿ.ಮೀ ವರೆಗೆ ಮೈಲೇಜ್ ನೀಡುವ ಸಾಧ್ಯತೆ ಇದೆ. ಇರಲಿದ್ದು, ಸಿಂಗಲ್ ಚಾರ್ಜ್‌ನಲ್ಲಿ ಸುಮಾರು 100 ಕಿ.ಮೀ ನಿಂದ 123 ಕಿ.ಮೀ ವರೆಗೆ ಮೈಲೇಜ್ ನೀಡುವ ಸಾಧ್ಯತೆ ಇದೆ.

ಇದನ್ನೂ ಓದಿ:ಆಟೋಮೊಬೈಲ್ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ!: ದೇಶದ ಮೊದಲ 100% ಎಥನಾಲ್ ಚಾಲಿತ ಮಾರುತಿ ವ್ಯಾಗನ್ಆರ್ ಫ್ಲೆಕ್ಸ್-ಫ್ಯುಯೆಲ್ ಕಾರು ಬಿಡುಗಡೆ

ಸಿಂಪಲ್ ಎನರ್ಜಿ ಫ್ಯಾಮಿಲಿ ಸ್ಕೂಟರ್ : ಪ್ರ್ಯಾಕ್ಟಿಕಲ್ ವಿನ್ಯಾಸದ ಬಲ

ಸ್ಪೋರ್ಟಿ ಲುಕ್‌ನ ‘ಸಿಂಪಲ್ ಒನ್’ ಬಳಿಕ ಸಿಂಪಲ್ ಎನರ್ಜಿ ಮೊದಲ ಬಾರಿಗೆ ಕೌಟುಂಬಿಕ ಗ್ರಾಹಕರನ್ನು ಸೆಳೆಯಲು ದೊಡ್ಡ ಗಾತ್ರದ ಸ್ಕೂಟರ್ ವಿನ್ಯಾಸಗೊಳಿಸಿದೆ. ಇದು ಅತ್ಯಂತ ಉದ್ದವಾದ ಮತ್ತು ಅಗಲವಾದ ಫ್ಲಾಟ್ ಸೀಟ್  ಹೊಂದಿದ್ದು, ಹಿಂಬpriority ಸವಾರರಿಗೆ ಸಣ್ಣ ಬ್ಯಾಕ್‌ರೆಸ್ಟ್ (Pillion Backrest) ಅಳವಡಿಸಲಾಗಿದೆ. ದೊಡ್ಡದಾದ ಫ್ಲಾಟ್ ಫ್ಲೋರ್‌ಬೋರ್ಡ್, ಯುಎಸ್‌ಬಿ ಚಾರ್ಜಿಂಗ್ ಪೋರ್ಟ್ ಮತ್ತು ಸ್ಟಾರ್-ಪ್ಯಾಟರ್ನ್ ಅಲಾಯ್ ವೀಲ್‌ಗಳು ಇದರ ಹೈಲೈಟ್ಸ್.ಇದು ಸಿಂಪಲ್ ಒನ್ ಕಂಪನಿಯ 3.7 kWh ಸ್ಥಿರ (Fixed) ಬ್ಯಾಟರಿ ಪ್ಯಾಕ್‌ನೊಂದಿಗೆ ಬರುವ ಸಾಧ್ಯತೆ ಇದ್ದು, ಬರೋಬ್ಬರಿ 150 ಕಿ.ಮೀ ಗಿಂತ ಹೆಚ್ಚು ಮೈಲೇಜ್ ನೀಡುವ ನಿರೀಕ್ಷೆ ಇದೆ. ಇದರ ಬೆಲೆಯೂ ಕೂಡ ₹1 ಲಕ್ಷದ ಆಸುಪಾಸಿನಲ್ಲಿರಲಿದೆ.

ಆಟೋಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ