ಹರಾರೆ: ಜಿಂಬಾಬ್ವೆ ವಿರುದ್ಧದ ಮೊದಲ ಟಿ೨೦ ಪಂದ್ಯದಲ್ಲಿ ಟಾಸ್ ಗೆಲ್ಲುವ ಮೂಲಕ ಭಾರತ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಹೊಸ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ. ಟಾಸ್ನಲ್ಲಿ ತಮ್ಮ ಅದ್ಭುತ ಅದೃಷ್ಟವನ್ನು ಮುಂದುವರಿಸಿರುವ ಅಯ್ಯರ್, ಟೀಮ್ ಇಂಡಿಯಾದ ಮಾಜಿ ನಾಯಕ ಎಂ.ಎಸ್. ಧೋನಿ ಅವರ ಸುದೀರ್ಘ ಸತತ ಟಾಸ್ ಗೆಲುವಿನ ದಾಖಲೆಯನ್ನು ಧೂಳೀಪಟ ಮಾಡಿದ್ದಾರೆ. ಜಿಂಬಾಬ್ವೆ ವಿರುದ್ಧದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ನಾಯಕ ಶ್ರೇಯಸ್ ಅಯ್ಯರ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದರು.
ಪೂರ್ಣಾವಧಿ ಟಿ20 ನಾಯಕನಾಗಿ ಅಧಿಕಾರ ವಹಿಸಿಕೊಂಡ ನಂತರ ಶ್ರೇಯಸ್ ಅಯ್ಯರ್ ಅವರಿಗೆ ನಾಯಕನಾಗಿ ಇದು 8ನೇ ಅಂತರರಾಷ್ಟ್ರೀಯ ಪಂದ್ಯವಾಗಿದೆ. ವಿಶೇಷವೆಂದರೆ ಆಡಿದ ಎಂಟೂ ಪಂದ್ಯಗಳಲ್ಲೂ ಶ್ರೇಯಸ್ ಟಾಸ್ ಗೆದ್ದಿದ್ದಾರೆ.
ಐರ್ಲೆಂಡ್ ಮತ್ತು ಇಂಗ್ಲೆಂಡ್ ಸರಣಿಯಿಂದ ಆರಂಭವಾದ ಈ ‘ಟಾಸ್ ಮ್ಯಾಜಿಕ್’ ಜಿಂಬಾಬ್ವೆ ಪ್ರವಾಸದಲ್ಲೂ ಮುಂದುವರಿದಿದೆ. ಸತತ ೮ ಟಾಸ್ ಗೆಲ್ಲುವ ಮೂಲಕ ಅವರು ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲೇ ಹೊಸ ಮೈಲಿಗಲ್ಲು ಸ್ಥಾಪಿಸಿದ್ದಾರೆ.
ಇದನ್ನೂ ಓದಿ: 15ರ ಹರೆಯದಲ್ಲೇ ವಿಶ್ವದಾಖಲೆ ಬರೆದ ವೈಭವ್ ಸೂರ್ಯವಂಶಿ, ಸಚಿನ್ ತೆಂಡೂಲ್ಕರ್ ದಾಖಲೆಯೂ ಬ್ರೇಕ್
ಭಾರತದ ಪರ ಸತತ ಟಾಸ್ ಗೆದ್ದ ನಾಯಕರ ಪಟ್ಟಿ:
ಶ್ರೇಯಸ್ ಅಯ್ಯರ್: 8 ಗೆಲುವುಗಳು (2026)
ಎಂ.ಎಸ್. ಧೋನಿ: 7 ಗೆಲುವುಗಳು (2010-2012)
ವಿರಾಟ್ ಕೊಹ್ಲಿ: 6 ಗೆಲುವುಗಳು (2019)
ರೋಹಿತ್ ಶರ್ಮಾ: 5 ಗೆಲುವುಗಳು (2020-2022)
ಈ ಪಂದ್ಯದ ಮೂಲಕ ಯುವ ವೇಗದ ಬೌಲರ್ ಅಶೋಕ್ ಶರ್ಮಾ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ಚೊಚ್ಚಲ ಪಾದಾರ್ಪಣೆ ಮಾಡಿದ್ದಾರೆ.