ಕಲ್ಲಡ್ಕ: ಹೈದರಾಬಾದ್ನ ಶ್ರೀ ವಿದ್ಯಾರಣ್ಯ ಇಂಟರ್ ನ್ಯಾಷನಲ್ ಸ್ಕೂಲ್ನಲ್ಲಿ ನಡೆದ ವಿದ್ಯಾಭಾರತಿ ಕ್ಷೇತ್ರೀಯ ಮಟ್ಟದ ರೋಲರ್ ಸ್ಕೇಟಿಂಗ್ ಸ್ಪರ್ಧೆಯಲ್ಲಿ ಶ್ರೀರಾಮ ಪದವಿ ಪೂರ್ವ ವಿದ್ಯಾಲಯದ ವಿದ್ಯಾರ್ಥಿಗಳು ಪ್ರಥಮ ಹಾಗೂ ದ್ವಿತೀಯ ಸ್ಥಾನಗಳನ್ನು ಪಡೆದು ಅತ್ಯುತ್ತಮ ಸಾಧನೆ ಮಾಡಿದ್ದಾರೆ.
ವಿದ್ಯಾರ್ಥಿಗಳಾದ ಪ್ರಜ್ವಲ್ 500 ಮೀಟರ್ ಸ್ಕ್ವಾಡ್ ರಿಂಕ್ ಹಾಗೂ 3 ಸಾವಿರ ಮೀಟರ್ ಸ್ಕ್ವಾಡ್ ರೋಡ್ ಸ್ಕೇಟಿಂಗ್ ಸ್ಪರ್ಧೆಗಳಲ್ಲಿ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಗಗನ್ ಒಂದು ಸಾವಿರ ಮೀಟರ್ ಇನ್ಲೈನ್ ರೋಡ್, ಒಂದು ಸಾವಿರ ಮೀಟರ್ ರಿಂಕ್ ಹಾಗೂ 500 ಮೀಟರ್ ರಿಂಕ್ ಸ್ಪರ್ಧೆಗಳಲ್ಲಿ ಪ್ರಥಮ ಸ್ಥಾನ ಗಳಿಸಿದ್ದಾರೆ. ಅಧ್ಯಂತ್ ಒಂದು ಸಾವಿರ ಮೀಟರ್ ಇನ್ಲೈನ್ ರೋಡ್, ಒಂದು ಸಾವಿರ ಮೀಟರ್ ರಿಂಕ್ ಹಾಗೂ 500 ಮೀಟರ್ ರಿಂಕ್ ಸ್ಪರ್ಧೆಗಳಲ್ಲಿ ದ್ವಿತೀಯ ಸ್ಥಾನ ಪಡೆದು ಸಾಧನೆ ಮಾಡಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ವಿದ್ಯಾಲಯದ ಆಡಳಿತ ಮಂಡಳಿ, ಪ್ರಾಂಶುಪಾಲರು ಹಾಗೂ ಅಧ್ಯಾಪಕ ವೃಂದದವರು ಅಭಿನಂದನೆ ಸಲ್ಲಿಸಿದ್ದಾರೆ.