ಮಂಗಳೂರು: ಕರಾವಳಿಯ ಕಣ್ಣುಕೋರೈಸುವ ‘ಮಂಗಳೂರು ದಸರಾ’ (ಕುದ್ರೋಳಿ ದಸರಾ) ಮಹೋತ್ಸವದ ವೈಭವದ ಶೋಭಾಯಾತ್ರೆಗೆ ಮಂಗಳೂರಿನ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದಲ್ಲಿ ದಿನಾಂಕ ಹಾಗೂ ಸಮಯ ನಿಗದಿಯಾಗಿದೆ. ಕೇಂದ್ರದ ಮಾಜಿ ಹಣಕಾಸು ಸಚಿವ ಬಿ. ಜನಾರ್ದನ ಪೂಜಾರಿ ಅವರ ಮಾರ್ಗದರ್ಶನದಲ್ಲಿ, ಅಕ್ಟೋಬರ್ 21ರಂದು ನಡೆಯಲಿರುವ ಈ ಬೃಹತ್ ಜಲಕಂಠೇಶ್ವರ ಹಾಗೂ ಶ್ರೀ ಶಾರದಾ ಮಾತೆಯ ಶೋಭಾಯಾತ್ರೆಗಾಗಿ ಕ್ಷೇತ್ರ ಸಮಿತಿಯು ಕಟ್ಟುನಿಟ್ಟಿನ ಮಾರ್ಗದರ್ಶಿ ಸೂತ್ರಗಳು ಹಾಗೂ ಪ್ರಮುಖ ಟೈಮ್‌ಲೈನ್ (ಆಗಮನದ ಸಮಯ) ಬಿಡುಗಡೆ ಮಾಡಿದೆ.
ಸಮಯ ಹಾಗೂ ಮೆರವಣಿಗೆಯ ನಿಯಮಗಳು:
ಸರಿಯಾಗಿ ಸಂಜೆ 4ಕ್ಕೆ ಚಾಲನೆ: ಶೋಭಾಯಾತ್ರೆಯು ನಿಗದಿತ ಸಮಯದಂತೆ ಸರಿಯಾಗಿ ಸಂಜೆ 4:00 ಗಂಟೆಗೆ ಕುದ್ರೋಳಿ ಮಂದಿರದ ಅಂಗಳದಿಂದ ಆರಂಭವಾಗಲಿದೆ.
ಶಿಸ್ತಿನ ಕ್ರಮಕ್ಕೆ ಸೂಚನೆ: ಮೆರವಣಿಗೆಯಲ್ಲಿ ಭಾಗವಹಿಸುವ ಎಲ್ಲಾ ಸ್ತಬ್ಧಚಿತ್ರಗಳು (Tableaux) ಹಾಗೂ ವೇಷಭೂಷಣ ಕಲಾತಂಡಗಳು ತಮಗೆ ನೀಡಲಾಗಿರುವ ಅನುಕ್ರಮ ಸಂಖ್ಯೆಯ ಪ್ರಕಾರ ನಿಗದಿತ ಸ್ಥಳಗಳಲ್ಲಿ ಮುಂಚಿತವಾಗಿಯೇ ಸಿದ್ಧವಾಗಿರಬೇಕು. ಮೆರವಣಿಗೆಯುದ್ದಕ್ಕೂ ಶಿಸ್ತು ಕಾಪಾಡಲು ಪ್ರತಿಯೊಂದು ಸ್ತಬ್ಧಚಿತ್ರಗಳ ನಡುವೆ ಗರಿಷ್ಠ 20 ಮೀಟರ್ ಅಂತರವನ್ನು ಕಡ್ಡಾಯವಾಗಿ ಕಾಯ್ದುಕೊಳ್ಳಲು ಸೂಚಿಸಲಾಗಿದೆ.
ಸಹಕಾರಕ್ಕೆ ಮನವಿ: ಮೆರವಣಿಗೆಯ ಹಾದಿಯಲ್ಲಿ ಕರ್ತವ್ಯದಲ್ಲಿರುವ ಪೊಲೀಸರು, ಕ್ಷೇತ್ರ ಸಿಬ್ಬಂದಿ ಹಾಗೂ ಮೆರವಣಿಗೆ ಮೇಲ್ವಿಚಾರಕರ ಸೂಚನೆಗಳನ್ನು ಚಾಚೂ ತಪ್ಪದೆ ಪಾಲಿಸಬೇಕು. “ನಮ್ಮ ದಸರಾ – ನಮ್ಮ ಹೆಮ್ಮೆ” ಎಂಬ ಭಾವನೆಯೊಂದಿಗೆ ಸಂಭ್ರಮದ ಶೋಭಾಯಾತ್ರೆಯನ್ನು ಯಶಸ್ವಿಗೊಳಿಸಲು ಸಾರ್ವಜನಿಕರು ಹಾಗೂ ಭಾಗವಹಿಸುವವರು ಸಹಕರಿಸಬೇಕಾಗಿ ಕ್ಷೇತ್ರ ಸಮಿತಿ ವಿನಂತಿಸಿದೆ.
ಇದನ್ನೂ ಓದಿ: ಮಂಗಳೂರು ಶಾರದೆ ಶೋಭಾಯಾತ್ರೆ ಹಿನ್ನೆಲೆಯಲ್ಲಿ ಮದ್ಯ ಮಾರಾಟ ನಿಷೇಧಿಸಿ ಜಿಲ್ಲಾಧಿಕಾರಿ ಆದೇಶ
ಶಾರದಾ ಮಾತೆಯ ಶೋಭಾಯಾತ್ರೆಯ ಮಾರ್ಗ ಹಾಗೂ ಟೈಮ್‌ಲೈನ್:
ಕ್ಷೇತ್ರ ಸಮಿತಿಯು ಶಾರದಾ ಮಾತೆಯ ಮೆರವಣಿಗೆಯ ಪ್ರಮುಖ ಸ್ಥಳಗಳನ್ನು ತಲುಪುವ ಸಮಯದ ಯೋಜನೆಯನ್ನು ಪ್ರಕಟಿಸಿದೆ:
ರಾತ್ರಿ 9:00 ಗಂಟೆ: ನಾರಾಯಣ ಗುರು ವೃತ್ತ (Ladyhill / Narayana Guru Circle)
ರಾತ್ರಿ 10:00 ಗಂಟೆ: ಸೈಬೀನ್ ಕಾಂಪ್ಲೆಕ್ಸ್ (Saibeen Complex)
ರಾತ್ರಿ 11:00 ಗಂಟೆ: ಪಿ.ವಿ.ಎಸ್ ಜಂಕ್ಷನ್ (PVS Junction)
ಮಧ್ಯರಾತ್ರಿ 12:00 ಗಂಟೆ: ಹಂಪನಕಟ್ಟೆ (Hampankatta)
ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ