ಚನ್ನಪಟ್ಟಣ : ಮನುಷ್ಯ ಮತ್ತು ಪ್ರಾಣಿಗಳ ನಡುವಿನ ಅವಿನಾಭಾವ ಸಂಬಂಧಕ್ಕೆ ಸಾಕ್ಷಿಯಾದ ಘಟನೆಯೊಂದು ಚನ್ನಪಟ್ಟಣ ತಾಲೂಕಿನ ರಾಯರ ದೊಡ್ಡಿಯಲ್ಲಿ ನಡೆದಿದೆ. ತನಗೆ ಪ್ರತಿದಿನ ಅನ್ನ ನೀಡುತ್ತಿದ್ದ ಅಜ್ಜಿಯ ಅಗಲಿಕೆಯಿಂದ ನೊಂದ ಮಂಗವೊಂದು, ಅಜ್ಜಿಯ ಪಾರ್ಥಿವ ಶರೀರವನ್ನು ಅಪ್ಪಿಕೊಂಡು ಅಂತಿಮ ವಿದಾಯ ಹೇಳಿದ ದೃಶ್ಯ ಎಲ್ಲರ ಕಣ್ಣಾಲಿಗಳು ಒದ್ದೆಯಾಗುವಂತೆ ಮಾಡಿದೆ.
ರಾಯರ ದೊಡ್ಡಿ ಗ್ರಾಮದ 85 ವರ್ಷದ ವೃದ್ಧೆಯೊಬ್ಬರು ಕಳೆದ ಹಲವು ವರ್ಷಗಳಿಂದ ಸ್ಥಳೀಯ ಮಂಗಗಳಿಗೆ ಪ್ರತಿದಿನ ಆಹಾರ ನೀಡುತ್ತಿದ್ದರು. ಇವರ ಈ ಪ್ರೀತಿಯಿಂದಾಗಿ ಮಂಗಗಳು ಇವರೊಂದಿಗೆ ಬಹಳ ಆಪ್ತವಾಗಿದ್ದವು. ವಯೋಸಹಜ ಕಾಯಿಲೆಯಿಂದ ಅಜ್ಜಿ ನಿಧನರಾದಾಗ, ಅಂತಿಮ ದರ್ಶನಕ್ಕೆ ಸಾಲು ಸಾಲು ಭಕ್ತರು ಬಂದಂತೆ ಈ ಮಂಗವೂ ಅಲ್ಲಿಗೆ ಬಂದಿದೆ.
ಇದನ್ನೂ ಓದಿ: ಕ್ರೌರ್ಯದ ಪರಾಕಾಷ್ಠೆ: ತಿಂಡಿ ಕದ್ದನೆಂದು 7 ವರ್ಷದ ಬಾಲಕನನ್ನು 5 ಗಂಟೆಗಳ ಕಾಲ ಡೀಪ್ ಫ್ರೀಜರ್ನಲ್ಲಿ ಕೂಡಿಟ್ಟ ಮಾಲೀಕ!
ಅಜ್ಜಿಯ ಪಾರ್ಥಿವ ಶರೀರವನ್ನು ನೋಡಿದ ಮಂಗ, ಮೌನವಾಗಿ ಅಜ್ಜಿಯ ಬಳಿ ಸರಿದು ಅವರ ಮುಖವನ್ನು ಮುಟ್ಟಿದೆ. ಅಷ್ಟೇ ಅಲ್ಲದೆ, ಅಜ್ಜಿಯ ಶರೀರವನ್ನು ಗಟ್ಟಿಯಾಗಿ ಅಪ್ಪಿಕೊಂಡು (Hug) ತನ್ನ ಪ್ರೀತಿಯನ್ನು ವ್ಯಕ್ತಪಡಿಸಿದೆ. ಈ ಭಾವನಾತ್ಮಕ ಕ್ಷಣವನ್ನು ಕಂಡ ಅಲ್ಲಿನ ಗ್ರಾಮಸ್ಥರು ಪ್ರಾಣಿಗಳಿಗೂ ಮನುಷ್ಯರ ಮೇಲಿರುವ ಕೃತಜ್ಞತಾ ಭಾವವನ್ನು ಕಂಡು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
