ಆಚಾರ್ಯ ಚಾಣಕ್ಯರ ಪ್ರಕಾರ, ಒಂದು ಮನೆಯ ಶಾಂತಿ ಆ ಮನೆಯ ಪುರುಷನ ವಿವೇಕದ ಮೇಲೆ ಅವಲಂಬಿತವಾಗಿರುತ್ತದೆ. ಅಮ್ಮ ಮತ್ತು ಹೆಂಡತಿಯ ನಡುವೆ ಸಂಘರ್ಷ ಉಂಟಾದಾಗ ಪುರುಷನು ಅನುಸರಿಸಬೇಕಾದ ಪ್ರಮುಖ ನಿಯಮಗಳು ಇಲ್ಲಿವೆ:
ಪಕ್ಷಪಾತ ಮಾಡಬೇಡಿ (ಸಮಾನ ಗೌರವ)
ಚಾಣಕ್ಯರ ಪ್ರಕಾರ, ಅಮ್ಮ ಜನ್ಮ ನೀಡಿದ ದೈವವಾದರೆ, ಹೆಂಡತಿ ಜೀವನದ ಅರ್ಧಾಂಗಿ. ಇಬ್ಬರಿಗೂ ಅವರದ್ದೇ ಆದ ಸ್ಥಾನಮಾನವಿದೆ. ಒಬ್ಬರ ಮುಂದೆ ಇನ್ನೊಬ್ಬರನ್ನು ಕೀಳಾಗಿ ಕಾಣುವುದು ಅಥವಾ ಒಬ್ಬರ ಪರವಾಗಿ ಅತಿಯಾಗಿ ವಕಾಲತ್ತು ವಹಿಸುವುದು ಸಂಬಂಧವನ್ನು ಹಾಳು ಮಾಡುತ್ತದೆ. ಇಬ್ಬರನ್ನೂ ಸಮಾನವಾಗಿ ಗೌರವಿಸುವುದು ಪುರುಷನ ಕರ್ತವ್ಯ.
ಮಾತುಗಳನ್ನು ಫಿಲ್ಟರ್ ಮಾಡಿ (ಧೃತರಾಷ್ಟ್ರನಾಗಬೇಡಿ)
ಹೆಂಡತಿ ಅಮ್ಮನ ಬಗ್ಗೆ ಹೇಳಿದ ದೂರುಗಳನ್ನು ನೇರವಾಗಿ ಅಮ್ಮನಿಗೆ ಅಥವಾ ಅಮ್ಮ ಹೆಂಡತಿಯ ಬಗ್ಗೆ ಹೇಳಿದ್ದನ್ನು ನೇರವಾಗಿ ಹೆಂಡತಿಗೆ ಹೇಳಬೇಡಿ. ಚಾಣಕ್ಯರ ಪ್ರಕಾರ, ಅನಗತ್ಯ ಮಾತುಗಳು ಕಿಚ್ಚು ಹಚ್ಚುತ್ತವೆ. ಒಬ್ಬರ ಬಗ್ಗೆ ಇನ್ನೊಬ್ಬರಿಗೆ ಇರುವ ಒಳ್ಳೆಯ ವಿಚಾರಗಳನ್ನು ಮಾತ್ರ ಹಂಚಿಕೊಳ್ಳಿ, ದೂರುಗಳನ್ನು ನೀವೇ ವಿವೇಚನೆಯಿಂದ ಬಗೆಹರಿಸಿಕೊಳ್ಳಿ.
ನಿರ್ಧಾರಗಳಲ್ಲಿ ಇಬ್ಬರನ್ನೂ ಒಳಗೊಳ್ಳಿ
ಮನೆಯ ಯಾವುದಾದರೂ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವಾಗ ಅಮ್ಮನ ಅನುಭವಕ್ಕೆ ಮನ್ನಣೆ ನೀಡಿ ಮತ್ತು ಹೆಂಡತಿಯ ಆಲೋಚನೆಗೆ ಗೌರವ ಕೊಡಿ. ಇಬ್ಬರ ಸಲಹೆಗಳನ್ನು ಕೇಳಿ ನಂತರ ನಿರ್ಧಾರ ತೆಗೆದುಕೊಂಡರೆ, ಇಬ್ಬರಿಗೂ ತಾವು ಈ ಮನೆಯ ಪ್ರಮುಖ ಭಾಗ ಎಂಬ ಭಾವನೆ ಮೂಡುತ್ತದೆ.
ಇದನ್ನೂ ಓದಿ: ಮದುವೆಗೆ ಸರಿಯಾದ ವಯಸ್ಸು ಯಾವುದು? ಚಾಣಕ್ಯ ನೀತಿ ಹೇಳುವುದೇನು? ಯುವಜನತೆ ಓದಲೇಬೇಕಾದ ಮಾಹಿತಿ!
ಖಾಸಗಿತನಕ್ಕೆ ಗೌರವ ನೀಡಿ (Privacy)
ಹೆಂಡತಿಯೊಂದಿಗೆ ನೀವು ಕಳೆದ ಕ್ಷಣಗಳನ್ನು ಅಥವಾ ನಿಮ್ಮಿಬ್ಬರ ನಡುವಿನ ಖಾಸಗಿ ಮಾತುಗಳನ್ನು ಅಮ್ಮನ ಮುಂದೆ ಹಂಚಿಕೊಳ್ಳಬೇಡಿ. ಹಾಗೆಯೇ ತಾಯಿಯ ವೈಯಕ್ತಿಕ ವಿಚಾರಗಳನ್ನು ಹೆಂಡತಿಯ ಮುಂದೆ ಲೇವಡಿ ಮಾಡಬೇಡಿ. ಪ್ರತಿಯೊಂದು ಸಂಬಂಧಕ್ಕೂ ತನ್ನದೇ ಆದ ಗಡಿ ಇರಬೇಕು ಎನ್ನುತ್ತಾರೆ ಚಾಣಕ್ಯರು.
ಸಮಸ್ಯೆಗಳನ್ನು ರಹಸ್ಯವಾಗಿ ಬಗೆಹರಿಸಿ
ಯಾರದ್ದೇ ತಪ್ಪಿದ್ದರೂ ಅದನ್ನು ಎಲ್ಲರ ಮುಂದೆ ಹೇಳಿ ಅವಮಾನಿಸಬೇಡಿ. ಅಮ್ಮನಿಗೆ ಹೇಳಬೇಕಾದದ್ದನ್ನು ಪ್ರೀತಿಯಿಂದ ಏಕಾಂತದಲ್ಲಿ ಹೇಳಿ. ಹೆಂಡತಿಗೆ ತಿಳಿ ಹೇಳಬೇಕಾದದ್ದನ್ನು ಪ್ರತ್ಯೇಕವಾಗಿ ಹೇಳಿ. ನಾಲ್ಕು ಜನರ ಮುಂದೆ ಒಬ್ಬರನ್ನು ಸರಿಪಡಿಸಲು ಹೋದರೆ ಅದು ಅಹಂಕಾರದ ಹೋರಾಟವಾಗಿ ಬದಲಾಗುತ್ತದೆ.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ