ಬೆಳ್ತಂಗಡಿ : ತುಳುನಾಡಿನ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಪರಂಪರೆಯ ಅವಿಭಾಜ್ಯ ಅಂಗವಾಗಿರುವ ಪವಿತ್ರ ‘ಸಿರಿ ಆಲಡೆ’ ಉತ್ಸವವು ಬೆಳ್ತಂಗಡಿಯ ನಿಡಿಗಲ್ ಶ್ರೀ ಲೋಕನಾಥೇಶ್ವರ ಸಿರಿ ಕ್ಷೇತ್ರದಲ್ಲಿ ಅತ್ಯಂತ ಭಕ್ತಿ ಮತ್ತು ಸಂಭ್ರಮದಿಂದ ಜರುಗಿತು. ಈ ಅಪರೂಪದ ದೈವಿಕ ಆಚರಣೆಯನ್ನು ಕಣ್ತುಂಬಿಕೊಳ್ಳಲು ಸಾವಿರಾರು ಭಕ್ತರು ಸಾಕ್ಷಿಯಾದರು.
ಸಿರಿ, ಸೋಮು, ಅಬ್ಬಗ-ದಾರಗ ಹಾಗೂ ಕುಮಾರ ದೈವಗಳಿಗೆ ವಿಶೇಷ ಪೂಜೆ ಸಲ್ಲಿಸಲಾಯಿತು. ಮಹಿಳೆಯರು ‘ಸಿರಿ’ಯಾಗಿ ದರ್ಶನ ನೀಡಿ ಅಭಯ ನೀಡುವ ದೃಶ್ಯ ಭಕ್ತರಲ್ಲಿ ರೋಮಾಂಚನ ಉಂಟುಮಾಡಿತು. ಸಿರಿಯ ಪುರಾಣವನ್ನು ಹಾಡುವ ‘ಪಾಡ್ದನ’ ಗಾಯನವು ಕ್ಷೇತ್ರದಾದ್ಯಂತ ದೈವಿಕ ಕಂಪನವನ್ನು ಸೃಷ್ಟಿಸಿತು. ನೂರಾರು ಮಂದಿ ಮಹಿಳೆಯರು ಶ್ರದ್ಧಾ ಭಕ್ತಿಯಿಂದ ಈ ಧಾರ್ಮಿಕ ವಿಧಿಯಲ್ಲಿ ಪಾಲ್ಗೊಂಡು ಹರಕೆ ತೀರಿಸಿದರು.
ಇದನ್ನೂ ಓದಿ: ಕೊಡಗಿನ ಬೆಟ್ಟದಲ್ಲಿ ಟ್ರೆಕ್ಕಿಂಗ್‌ಗೆ ತೆರಳಿದ್ದ ಕೇರಳ ಯುವತಿ ನಾಪತ್ತೆ
ಇಲ್ಲಿದೆ ನೋಡಿ ವಿಡಿಯೋ:
#WATCH | Dakshina Kannada, karnataka: Siri Alade festival celebrated at the Lokantheshwara Siri Temple in Nidigalu, Dakshina Kannada. Devotees offered prayers and performed traditional rituals. pic.twitter.com/aYSkwduijs
— ANI (@ANI) April 3, 2026
ನಿಡಿಗಲ್ ಲೋಕನಾಥೇಶ್ವರ ಕ್ಷೇತ್ರವು ಸಿರಿ ಆರಾಧನೆಗೆ ಅತ್ಯಂತ ಶ್ರೇಷ್ಠವಾದುದು ಎಂಬ ನಂಬಿಕೆಯಿದೆ. ಇಲ್ಲಿ ಪ್ರಾರ್ಥಿಸುವುದರಿಂದ ಕುಟುಂಬದ ಏಳಿಗೆ, ಆರೋಗ್ಯ ಮತ್ತು ಸುಖ-ಶಾಂತಿ ಲಭಿಸುತ್ತದೆ ಎಂಬುದು ಭಕ್ತರ ದೃಢ ವಿಶ್ವಾಸ. ಕರಾವಳಿಯ ಮೂಲೆ ಮೂಲೆಗಳಿಂದ ಆಗಮಿಸಿದ ಭಕ್ತರು ಈ ವಿಶಿಷ್ಟ ಸಾಂಸ್ಕೃತಿಕ ಉತ್ಸವದಲ್ಲಿ ಭಾಗಿಯಾಗಿ ಪುನೀತರಾದರು.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್‌ ಮಾಡಿ