ಇಂದಿನ ದ್ವಾದಶ ರಾಶಿಗಳ ಫಲ; ನಿಮ್ಮ ರಾಶಿಯ ಅದೃಷ್ಟ ಸಂಖ್ಯೆ, ಬಣ್ಣ ಹಾಗೂ ಪರಿಹಾರ ಇಲ್ಲಿದೆ

ಇಂದಿನ ಗ್ರಹಗತಿಗಳು ಹಾಗೂ ನಕ್ಷತ್ರ ಸಂಚಾರದ ಆಧಾರದ ಮೇಲೆ ಮೇಷದಿಂದ ಮೀನ ರಾಶಿಯವರೆಗಿನ ದ್ವಾದಶ ರಾಶಿಗಳ ಜಾತಕ ಫಲಗಳು ಹೇಗಿರಲಿವೆ? ಯಾವ ರಾಶಿಯವರಿಗೆ ಆಕಸ್ಮಿಕ ಧನಯೋಗ, ಉದ್ಯೋಗದಲ್ಲಿ ಪ್ರಗತಿ ಸಿಗಲಿದೆ ಮತ್ತು ಯಾರು ಎಚ್ಚರಿಕೆಯಿಂದ ಇರಬೇಕು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

♈ ಮೇಷ ರಾಶಿ (Aries)
ರಾಶ್ಯಾಧಿಪತಿ ಕುಜ ಕರ್ಕ ರಾಶಿಯಲ್ಲಿ ಸಂಚರಿಸಲಿದ್ದಾನೆ. ಮಾನಸಿಕ ತೃಪ್ತಿ ಹಾಗೂ ಸಾಧನೆಯ ಸಂಕಲ್ಪವಿರುತ್ತದೆ. ಹಳೆ ಬಾಕಿ ವಸೂಲಿಯಾಗಲಿದ್ದು, ಕ್ರಯ-ವಿಕ್ರಯ ವ್ಯಾಪಾರಗಳಲ್ಲಿ ಯಶಸ್ಸು ಸಿಗಲಿದೆ. ಮನೆ ಅಥವಾ ಸೈಟ್ ಸಂಬಂಧಿತ ಗೊಂದಲಗಳು ನಿವಾರಣೆಯಾಗಲಿವೆ. ಮಕ್ಕಳ ವಿಷಯದಲ್ಲಿ ಸಣ್ಣಪುಟ್ಟ ಚಿಂತೆ ಕಾಡಬಹುದು. ಆಕಸ್ಮಿಕ ಧನಯೋಗ ಹಾಗೂ ಕಾರ್ಯಸಿದ್ಧಿಯಿದೆ. ತಂದೆ, ಸಹೋದರರ ಆರೋಗ್ಯ/ವಿಚಾರದ ಬಗ್ಗೆ ಕಾಳಜಿ ವಹಿಸಿ. ಉದ್ಯೋಗಿಗಳಿಗೆ, ರೈತರಿಗೆ ಹಾಗೂ ಸರ್ಕಾರಿ ನೌಕರರಿಗೆ ಉತ್ತಮ ದಿನ. ಸಂಧ್ಯಾಕಾಲದಲ್ಲಿ ಶುಭ ಸುದ್ದಿ ಬರಲಿದೆ.

ಅದೃಷ್ಟ ಬಣ್ಣ: ನೇರಳೆ | ಅದೃಷ್ಟ ದಿಕ್ಕು: ಉತ್ತರ | ಅದೃಷ್ಟ ಸಂಖ್ಯೆ: 5

ಪರಿಹಾರ: ‘ಓಂ ಶ್ರೀಧರಾಯ ನಮಃ’ ಜಪಿಸಿ.

♉ ವೃಷಭ ರಾಶಿ (Taurus)
ರಾಶ್ಯಾಧಿಪತಿ ಶುಕ್ರನು ತುಲಾ ರಾಶಿಯಲ್ಲಿ ಬುಧನೊಡನೆ ಸಂಚರಿಸುತ್ತಿದ್ದಾನೆ. ನಿಮ್ಮ ಭಾವನೆಗಳಿಗೆ ತಕ್ಕ ಉತ್ತಮ ಫಲಗಳು ದೊರೆಯಲಿವೆ. ಉದ್ಯೋಗದಲ್ಲಿ ಅಧಿಕಾರಿಗಳೊಂದಿಗೆ ನಿಕಟ ಬಾಂಧವ್ಯ ವೃದ್ಧಿಸಲಿದ್ದು, ಅನುಮಾನಗಳು-ಅಪವಾದಗಳು ದೂರವಾಗಲಿವೆ. ಒಳ್ಳೆಯ ಸ್ನೇಹಿತರ ಪರಿಚಯವಾಗಲಿದ್ದು, ಸಾಲ ತೀರಿಸಲು ಮಾಡುವ ಪ್ರಯತ್ನ ಯಶಸ್ವಿಯಾಗಲಿದೆ. ವಿವಾಹ ಹಾಗೂ ಮಕ್ಕಳ ವಿಷಯದಲ್ಲಿ ಶುಭ ಸುದ್ದಿ ಸಿಗಲಿದೆ. ಸಂಗೀತಗಾರರು, ಪತ್ರಕರ್ತರು ಹಾಗೂ ಕಲಾವಿದರಿಗೆ ಸೂಕ್ತ ಮನ್ನಣೆ ಸಿಗಲಿದೆ. ಶತ್ರುಗಳು ಮಿತ್ರರಾಗಲಿದ್ದಾರೆ.

ಅದೃಷ್ಟ ಬಣ್ಣ: ಕೆಂಪು | ಅದೃಷ್ಟ ಸಂಖ್ಯೆ: 7

ಪರಿಹಾರ: ‘ಓಂ ಶ್ರೀನಿವಾಸಾಯ ನಮಃ’ ಜಪಿಸಿ.

♊ ಮಿಥುನ ರಾಶಿ (Gemini)
ಆರ್ಥಿಕವಾಗಿ ಬಲವಾದ ದಿನವಾಗಿದ್ದು, ಆದಾಯದ ಮೂಲಗಳು ಹೆಚ್ಚಲಿವೆ. ಆದರೆ ದುರಾಸೆ ಹಾಗೂ ಅತಿಯಾದ ಕೋಪದಿಂದ ಕೆಲಸ ಕೈತಪ್ಪುವ ಸಾಧ್ಯತೆಯಿದೆ. ವಿವಾಹ, ವ್ಯಾಪಾರ ಹಾಗೂ ಪಾಲುದಾರಿಕೆ ವ್ಯವಹಾರಗಳಲ್ಲಿ ಪ್ರಗತಿ ಕಂಡುಬರಲಿದೆ. ಸರ್ಕಾರಿ ನೌಕರರಿಗೆ ಅನಿರೀಕ್ಷಿತ ತಿರುವು ಅಥವಾ ಅಧಿಕಾರಿಗಳೊಂದಿಗೆ ಸಣ್ಣ ಸಂಘರ್ಷ ಎದುರಾಗಬಹುದು. ಕಾಗದಪತ್ರಗಳು ಹಾಗೂ ಅಕೌಂಟ್ಸ್ ವಿಚಾರದಲ್ಲಿ ಎಚ್ಚರ ವಹಿಸಿ. ನ್ಯಾಯಾಂಗ ಮತ್ತು ವಿದ್ಯಾಸಂಸ್ಥೆ ನಡೆಸುವವರಿಗೆ ಶುಭ. ವಾಹನ ಚಾಲನೆಯಲ್ಲಿ ಜಾಗ್ರತೆ ಅಗತ್ಯ.

ಅದೃಷ್ಟ ಬಣ್ಣ: ಹಳದಿ | ಅದೃಷ್ಟ ದಿಕ್ಕು: ಉತ್ತರ | ಅದೃಷ್ಟ ಸಂಖ್ಯೆ: 3

ಪರಿಹಾರ: ‘ಓಂ ನಾರಾಯಣಾಯ ನಮಃ’ ಜಪಿಸಿ.

♋ ಕರ್ಕಾಟಕ ರಾಶಿ (Cancer)
ರಾಶ್ಯಾಧಿಪತಿ ಚಂದ್ರ ಭರಣಿ ನಕ್ಷತ್ರದಲ್ಲಿ ಸಂಚರಿಸುತ್ತಿದ್ದಾನೆ. ಹಳೆಯ ಹೂಡಿಕೆಗಳಿಂದ ಉತ್ತಮ ಲಾಭ ಸಿಗಲಿದೆ. ಮಕ್ಕಳಿಂದ ಶುಭ ಸಮಾಚಾರ ಬರಲಿದ್ದು, ಆಸ್ತಿ ವಿಚಾರದಲ್ಲಿ ಪ್ರಗತಿಯಿದೆ. ಬೆನ್ನು ನೋವಿನಂತಹ ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳು ಕಾಡಬಹುದು. ಕೆಲಸ-ಕಾರ್ಯಗಳಲ್ಲಿ ಶುಭ ಫಲಗಳು ದೊರೆಯಲಿದ್ದು, ಸಾಲಮುಕ್ತರಾಗುವ ಯೋಗವಿದೆ. ಸರ್ಕಾರಿ ನೌಕರರು ಹಾಗೂ ರೈತರಿಗೆ ಲಾಭದಾಯಕ ದಿನ. ರಾಜಕೀಯ ವ್ಯಕ್ತಿಗಳಿಗೆ ಇಂದು ಅಷ್ಟೇನೂ ಅನುಕೂಲಕರವಲ್ಲ.

ಅದೃಷ್ಟ ಬಣ್ಣ: ತಿಳಿ ನೀಲಿ | ಅದೃಷ್ಟ ದಿಕ್ಕು: ಪಶ್ಚಿಮ | ಅದೃಷ್ಟ ಸಂಖ್ಯೆ: 2

ಪರಿಹಾರ: ‘ಓಂ ಜನಾರ್ದನಾಯ ನಮಃ’ ಜಪಿಸಿ.

♌ ಸಿಂಹ ರಾಶಿ (Leo)
ಆಕಸ್ಮಿಕ ಧನಲಾಭ ಹಾಗೂ ಕಾರ್ಯಸಿದ್ಧಿಯ ಯೋಗವಿದೆ. ದೈವಬಲ ಚೆನ್ನಾಗಿದ್ದು, ವ್ಯಾಪಾರ-ವ್ಯವಹಾರಗಳು ಸುಸೂತ್ರವಾಗಿ ನಡೆಯಲಿವೆ. ಖಾಸಗಿ ಕೆಲಸಗಳಿಗಾಗಿ ದೂರದ ಪ್ರಯಾಣ ಸಾಧ್ಯತೆ. ರಿಯಲ್ ಎಸ್ಟೇಟ್, ಸಿನಿಮಾ ರಂಗ, ವಿದ್ಯಾಸಂಸ್ಥೆ ಹಾಗೂ ರಾಜಕೀಯ ರಂಗದಲ್ಲಿರುವವರಿಗೆ ಅಧಿಕಾರ ಮತ್ತು ಗೌರವ ಪ್ರಾಪ್ತಿಯಾಗಲಿದೆ. ಇಷ್ಟಪಟ್ಟವರ ಭೇಟಿ ಹಾಗೂ ಪ್ರೇಮ ವ್ಯವಹಾರಗಳಿಗೆ ಸಮ್ಮತಿ ಸಿಗಲಿದೆ. ಆಸ್ತಿ ಖರೀದಿ ವಿಚಾರದಲ್ಲಿ ಶುಭ ಸುದ್ದಿ ಕೇಳಲಿದ್ದೀರಿ.

ಅದೃಷ್ಟ ಬಣ್ಣ: ಹಸಿರು | ಅದೃಷ್ಟ ದಿಕ್ಕು: ಪೂರ್ವ | ಅದೃಷ್ಟ ಸಂಖ್ಯೆ: 7

ಪರಿಹಾರ: ‘ಓಂ ವಿನಾಯಕಾಯ ನಮಃ’ ಜಪಿಸಿ.

♍ ಕನ್ಯಾ ರಾಶಿ (Virgo)
ದ್ವಿತೀಯದಲ್ಲಿ ಬುಧನಿದ್ದು, ನಿಮ್ಮ ಕರ್ತವ್ಯಗಳನ್ನು ಅತ್ಯಂತ ಶ್ರದ್ಧೆಯಿಂದ ನಿರ್ವಹಿಸುವಿರಿ. ಹಿರಿಯರ ಮಾರ್ಗದರ್ಶನ ಅನುಕೂಲ ತರಲಿದೆ. ವಿದ್ಯಾರ್ಥಿಗಳಿಗೆ ಶೈಕ್ಷಣಿಕವಾಗಿ ಉತ್ತಮ ಫಲಿತಾಂಶ ಸಿಗಲಿದೆ. ಐಟಿ ಉದ್ಯೋಗಿಗಳು, ಸಿವಿಲ್ ಇಂಜಿನಿಯರ್‌‌ಗಳು ಹಾಗೂ ರೈತರಿಗೆ ಶುಭ ದಿನ. ಪಾಲುದಾರಿಕೆ ವ್ಯವಹಾರದಲ್ಲಿ ಲಾಭದಾಯಕ ವಾತಾವರಣವಿರಲಿದೆ. ಹಳೆಯ ಬಾಕಿ ವಸೂಲಿಯಾಗಿ ಮಾನಸಿಕ ಒತ್ತಡ ಕಡಿಮೆಯಾಗಲಿದೆ. ಮಕ್ಕಳ ಆರೋಗ್ಯದ ಬಗ್ಗೆ ಸಣ್ಣ ಮಟ್ಟದ ಜಾಗ್ರತೆ ವಹಿಸಿ.

ಅದೃಷ್ಟ ಬಣ್ಣ: ಗುಲಾಬಿ | ಅದೃಷ್ಟ ದಿಕ್ಕು: ಪೂರ್ವ | ಅದೃಷ್ಟ ಸಂಖ್ಯೆ: 2

ಪರಿಹಾರ: ‘ಓಂ ವೈಕುಂಠಪತಯೇ ನಮಃ’ ಜಪಿಸಿ.

♎ ತುಲಾ ರಾಶಿ (Libra)
ರಾಶ್ಯಾಧಿಪತಿ ಶುಕ್ರನು ಜನ್ಮ ರಾಶಿಯಲ್ಲೇ ಬುಧನೊಡನೆ ಸಂಚರಿಸುತ್ತಿದ್ದಾನೆ. ಆದಾಯದಲ್ಲಿ ಏರಿಕೆಯಾಗಲಿದ್ದು, ಆರೋಗ್ಯ ಸುಧಾರಿಸಲಿದೆ. ಹೊಸ ಹೂಡಿಕೆಗೆ ಹಾಗೂ ಮನೆ/ಸೈಟ್ ಖರೀದಿಸಲು ಇದು ಅತ್ಯಂತ ಶುಭ ಕಾಲ. ಸರ್ಕಾರಿ ನೌಕರರು, ಕಲಾವಿದರು ಹಾಗೂ ರೈತರಿಗೆ ಉತ್ತಮ ಯೋಗವಿದೆ. ಆತ್ಮೀಯರ ಅಗಲಿಕೆ ಅಥವಾ ದೂರವಾಗುವಿಕೆ ಮನಸ್ಸಿಗೆ ಕೊಂಚ ನೋವುಂಟು ಮಾಡಬಹುದು. ಧಾರ್ಮಿಕ ಕ್ಷೇತ್ರ ದರ್ಶನ ಯೋಗವಿದೆ. ಅತಿಯಾದ ಪ್ರದರ್ಶನ ಮನೋಭಾವದಿಂದ ದೂರವಿರಿ.

ಅದೃಷ್ಟ ಬಣ್ಣ: ಬಿಳಿ | ಅದೃಷ್ಟ ದಿಕ್ಕು: ಪಶ್ಚಿಮ | ಅದೃಷ್ಟ ಸಂಖ್ಯೆ: 1

ಪರಿಹಾರ: ‘ಓಂ ಕಾಲಭೈರವಾಯ ನಮಃ’ ಜಪಿಸಿ.

♏ ವೃಶ್ಚಿಕ ರಾಶಿ (Scorpio)
ಕುಟುಂಬದಲ್ಲಿ ಸಣ್ಣಪುಟ್ಟ ಅನಗತ್ಯ ಚರ್ಚೆಗಳು ನಡೆಯಬಹುದು, ತಾಳ್ಮೆ ಇರಲಿ. ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಬ್ಯಾಂಕಿಂಗ್, ರಿಯಲ್ ಎಸ್ಟೇಟ್, ಹಾರ್ಡ್‌ವೇರ್, ಸಿಮೆಂಟ್ ಹಾಗೂ ಎಲೆಕ್ಟ್ರಾನಿಕ್ ವ್ಯಾಪಾರಿಗಳಿಗೆ ಭಾರಿ ಲಾಭ ಸಿಗಲಿದೆ. ಆನ್‌ಲೈನ್ ಬಿಸಿನೆಸ್ ಹಾಗೂ ಮಾರ್ಕೆಟಿಂಗ್‌ನಲ್ಲಿದ್ದವರಿಗೆ ಅನುಕೂಲಕರ ದಿನ. ಮಕ್ಕಳಿಂದ ಶುಭ ವಾರ್ತೆ ಸಿಗಲಿದ್ದು, ಮನೆಯಲ್ಲಿ ಹೆಣ್ಣುಮಕ್ಕಳಿಂದ ಕೀರ್ತಿ ಹೆಚ್ಚಲಿದೆ. ಉದ್ಯೋಗದಲ್ಲಿ ಶುಭ ಫಲಗಳು ಕಾಯುತ್ತಿವೆ.

ಅದೃಷ್ಟ ಬಣ್ಣ: ಕಡು ಕೆಂಪು | ಅದೃಷ್ಟ ದಿಕ್ಕು: ಉತ್ತರ | ಅದೃಷ್ಟ ಸಂಖ್ಯೆ: 2

ಪರಿಹಾರ: ‘ಓಂ ಮಧುಸೂದನಾಯ ನಮಃ’ ಜಪಿಸಿ.

♐ ಧನುಸ್ಸು ರಾಶಿ (Sagittarius)
ಆತ್ಮವಿಶ್ವಾಸ ಹೆಚ್ಚಿರಲಿದೆ. ಸಹೋದರರೊಂದಿಗೆ ಬಾಂಧವ್ಯ ಗಟ್ಟಿಯಾಗಲಿದ್ದು, ಕುಟುಂಬದ ವಿಚಾರಗಳಲ್ಲಿ ಹೆಚ್ಚು ಆಸಕ್ತಿ ವಹಿಸುವಿರಿ. ಉದ್ಯೋಗ ಕ್ಷೇತ್ರದಲ್ಲಿ ಸಣ್ಣ ಕಿರಿಕಿರಿಗಳು ಎದುರಾಗಬಹುದು. ಆಸ್ತಿ ವಿವಾದಗಳು ಇತ್ಯರ್ಥವಾಗುವ ಲಕ್ಷಣಗಳಿವೆ. ಮನೆ ನವೀಕರಣ (Renovation) ಮಾಡುವ ಯೋಗವಿದೆ. ಖಾಸಗಿ ವಲಯದ ಉದ್ಯೋಗಿಗಳಿಗೆ ಹಾಗೂ ವ್ಯಾಪಾರಿಗಳಿಗೆ ಅನುಕೂಲಕರ ವಾತಾವರಣ ಇರಲಿದೆ.

ಅದೃಷ್ಟ ಬಣ್ಣ: ತಿಳಿ ಹಳದಿ | ಅದೃಷ್ಟ ದಿಕ್ಕು: ದಕ್ಷಿಣ | ಅದೃಷ್ಟ ಸಂಖ್ಯೆ: 8

ಪರಿಹಾರ: ‘ಓಂ ಹರಿವಲ್ಲಭಾಯ ನಮಃ’ ಜಪಿಸಿ.

♑ ಮಕರ ರಾಶಿ (Capricorn)
ಹೊಸ ಆಲೋಚನೆಗಳು ಯಶಸ್ಸು ತರಲಿವೆ. ಅನಿರೀಕ್ಷಿತ ಪ್ರಯಾಣ ಯೋಗವಿದೆ. ಕೋಪ ನಿಯಂತ್ರಣದಲ್ಲಿರಲಿ ಹಾಗೂ ಅನಗತ್ಯವಾಗಿ ಬೇರೆಯವರ ವಿಷಯಗಳಲ್ಲಿ ಮಧ್ಯಪ್ರವೇಶಿಸಬೇಡಿ. ಕೆಟ್ಟ ಜನರ ಸಲಹೆಗಳನ್ನು ಸಂಪೂರ್ಣವಾಗಿ ನಿರ್ಲಕ್ಷಿಸಿ. ಕೆಲಸ ಹುಡುಕುತ್ತಿರುವವರಿಗೆ ಹೊಸ ಉದ್ಯೋಗಾವಕಾಶ ಸಿಗಲಿದೆ. ರಾಜಕೀಯ ವ್ಯಕ್ತಿಗಳು, ರೈತರು ಹಾಗೂ ಸರ್ಕಾರಿ ನೌಕರರಿಗೆ ಒತ್ತಡಗಳು ಕಡಿಮೆಯಾಗಿ ಶುಭ ತರಲಿದೆ. ನಿಮ್ಮ ಯೋಜನೆಗಳನ್ನು ತಕ್ಷಣವೇ ಯಾರ ಬಳಿಯೂ ಹಂಚಿಕೊಳ್ಳಬೇಡಿ.

ಅದೃಷ್ಟ ಬಣ್ಣ: ಆರೆಂಜ್ (ಕಿತ್ತಳೆ) | ಅದೃಷ್ಟ ದಿಕ್ಕು: ದಕ್ಷಿಣ | ಅದೃಷ್ಟ ಸಂಖ್ಯೆ: 5

ಪರಿಹಾರ: ‘ಓಂ ಗೋಪೀಶ್ವರಾಯ ನಮಃ’ ಜಪಿಸಿ.

♒ ಕುಂಭ ರಾಶಿ (Aquarium/Aquarius)
ಅನಗತ್ಯವಾಗಿ ನಿಮ್ಮನ್ನು ಬೇರೆಯವರೊಂದಿಗೆ ಹೋಲಿಕೆ ಮಾಡಿಕೊಳ್ಳಬೇಡಿ. ಖರ್ಚುಗಳು ಹೆಚ್ಚಾಗುವ ಸಾಧ್ಯತೆಯಿದೆ. ಕೋರ್ಟ್ ವ್ಯವಹಾರಗಳಲ್ಲಿ ಶುಭ ಸುದ್ದಿ ಸಿಗಲಿದೆ ಹಾಗೂ ಕಳೆದುಕೊಂಡಿದ್ದನ್ನು ಮರಳಿ ಪಡೆಯುವ ಯೋಗವಿದೆ. ಕಚೇರಿಯಲ್ಲಿ ಅಧಿಕಾರಿಗಳು ಅಥವಾ ಕೆಳಗಿನ ಹಂತದ ಸಿಬ್ಬಂದಿಯನ್ನು ಅತಿಯಾಗಿ ನಂಬಬೇಡಿ ಮತ್ತು ಅವಸರದ ಭರವಸೆಗಳನ್ನು ನೀಡಬೇಡಿ. ವಾಹನ ಯೋಗ ಉತ್ತಮವಾಗಿದೆ. ಸಹೋದರ-ಸಹೋದರಿಯರ ವಿಚಾರದಲ್ಲಿ ಕೊಂಚ ಚಿಂತೆ ಕಾಡಬಹುದು.

ಅದೃಷ್ಟ ಬಣ್ಣ: ಕಪ್ಪು | ಅದೃಷ್ಟ ದಿಕ್ಕು: ಉತ್ತರ | ಅದೃಷ್ಟ ಸಂಖ್ಯೆ: 6

ಪರಿಹಾರ: ‘ಓಂ ಗೋವಿಂದಾಯ ನಮಃ’ ಜಪಿಸಿ.

♓ ಮೀನ ರಾಶಿ (Pisces)
ಮಾತಿನಿಂದಲೇ ಕಾರ್ಯಸಾಧನೆ ಮಾಡುವಿರಿ. ಆರ್ಥಿಕ ಸ್ಥಿತಿ ಉತ್ತಮವಾಗಲಿದ್ದು, ಹಳೆಯ ಬಾಕಿ ವಸೂಲಿಯಾಗಲಿದೆ. ವಿದ್ಯಾರ್ಥಿಗಳು, ರೈತರು, ನಿವೃತ್ತ ನೌಕರರು ಹಾಗೂ ಕಂಪ್ಯೂಟರ್ ಇಂಜಿನಿಯರ್‌ಗಳಿಗೆ ಉತ್ತಮ ದಿನ. ರಾಜಕೀಯ ಹಾಗೂ ಶಿಕ್ಷಣ ಕ್ಷೇತ್ರದಲ್ಲಿರುವವರಿಗೆ ಯಶಸ್ಸು ಸಿಗಲಿದೆ. ವಿವಾಹ ಆಕಾಂಕ್ಷಿಗಳಿಗೆ ಶುಭ ಯೋಗವಿದೆ. ಆದರೆ ಆಸ್ತಿ ವಿಚಾರದಲ್ಲಿ ಹೊಸ ಕಿರಿಕಿರಿಗಳು ಉಂಟಾಗದಂತೆ ಎಚ್ಚರವಹಿಸಿ.

ಅದೃಷ್ಟ ಬಣ್ಣ: ಹಳದಿ | ಅದೃಷ್ಟ ದಿಕ್ಕು: ದಕ್ಷಿಣ | ಅದೃಷ್ಟ ಸಂಖ್ಯೆ: 8

ಪರಿಹಾರ: ‘ಓಂ ಜಾನಕೀವಲ್ಲಭಾಯ ನಮಃ’ ಜಪಿಸಿ.