ಮುಂಬೈ ಈಗ ಭಾರತದ ಮೊಟ್ಟಮೊದಲ ‘ಮ್ಯೂಸಿಕಲ್ ರೋಡ್’ (Musical Road) ಪರಿಚಯಿಸಿದೆ. ಜಪಾನ್ ಮತ್ತು ಅಮೆರಿಕಾದಂತಹ ದೇಶಗಳಲ್ಲಿರುವ ಈ ತಂತ್ರಜ್ಞಾನ ಈಗ ಭಾರತಕ್ಕೂ ಕಾಲಿಟ್ಟಿದೆ. ರಸ್ತೆಯ ಮೇಲ್ಮೈಯಲ್ಲಿ ಸಣ್ಣ ಸಣ್ಣ ಚಡಿಗಳನ್ನು (Rumble Strips) ನಿರ್ದಿಷ್ಟ ಅಂತರದಲ್ಲಿ ಕೊರೆಯಲಾಗಿರುತ್ತದೆ. ವಾಹನಗಳು ಈ ರಸ್ತೆಯ ಮೇಲೆ ಚಲಿಸುವಾಗ, ಟೈರ್ಗಳು ಮತ್ತು ಈ ಚಡಿಗಳ ನಡುವಿನ ಘರ್ಷಣೆಯಿಂದ ಶಬ್ದ ಉಂಟಾಗುತ್ತದೆ. ಈ ಕಂಪನಗಳು ವಾಹನ ಚಲಿಸುವ ವೇಗಕ್ಕೆ ಅನುಗುಣವಾಗಿ ಸಂಗೀತವಾಗಿ ಕೇಳಿಸುತ್ತವೆ.
ಮುಂಬೈನ ಈ ರಸ್ತೆಯ ಮೇಲೆ ವಾಹನಗಳು ಸಂಚರಿಸುವಾಗ ಆಸ್ಕರ್ ಪ್ರಶಸ್ತಿ ವಿಜೇತ ‘ಸ್ಲಮ್ಡಾಗ್ ಮಿಲಿಯನೇರ್’ ಚಿತ್ರದ ಪ್ರಸಿದ್ಧ “ಜೈ ಹೋ” ಹಾಡಿನ ರಾಗ ಕೇಳಿಬರುತ್ತದೆ. ಇದು ಪ್ರಯಾಣಿಕರಿಗೆ ಒಂದು ವಿಶಿಷ್ಟ ಅನುಭವವನ್ನು ನೀಡುತ್ತದೆ. ಸಂಗೀತವು ಸರಿಯಾದ ಲಯದಲ್ಲಿ ಕೇಳಿಸಬೇಕಾದರೆ ಚಾಲಕರು ಒಂದು ನಿಗದಿತ ವೇಗದಲ್ಲಿ (ಉದಾಹರಣೆಗೆ 60 ಕಿ.ಮೀ/ಗಂಟೆ) ವಾಹನ ಚಲಾಯಿಸಬೇಕು. ವೇಗ ಹೆಚ್ಚಾದರೂ ಅಥವಾ ಕಡಿಮೆಯಾದರೂ ರಾಗವು ಬದಲಾಗುತ್ತದೆ
ಇದನ್ನೂ ಓದಿ: ತ್ರಿಕೋನ ಪ್ರೇಮ: ಹಳೆ ಗರ್ಲ್ಫ್ರೆಂಡ್ ಜೊತೆ ಸೇರಿ ಪ್ರಿಯತಮೆಯ ಗುಂಡಿಕ್ಕಿ ಕೊಂದ ಲವ್ವರ್
ಇಲ್ಲಿದೆ ನೋಡಿ ವಿಡಿಯೋ:
Mumbai introduces India’s first Musical Road, inspired by Japan and the US.
When vehicles drive at a fixed speed, grooves on the road create the tune of “Jai Ho” from Slumdog Millionaire
The melody is created by rumble strips cut into the road surface🔥 pic.twitter.com/C8WKuN4mPX
— News Algebra (@NewsAlgebraIND) February 11, 2026
ಚಾಲಕರು ಸರಿಯಾದ ಸಂಗೀತವನ್ನು ಕೇಳುವ ಆಸೆಯಿಂದ ನಿಗದಿತ ವೇಗದಲ್ಲೇ ವಾಹನ ಚಲಾಯಿಸುತ್ತಾರೆ. ಇದು ಅತಿವೇಗದ ಚಾಲನೆಯನ್ನು ತಡೆಯಲು ಸಹಕಾರಿ. ರಾತ್ರಿ ಹೊತ್ತು ಚಾಲನೆ ಮಾಡುವಾಗ ಚಾಲಕರು ನಿದ್ರೆಗೆ ಜಾರುವುದು ಅಥವಾ ಗಮನ ಕಳೆದುಕೊಳ್ಳುವುದನ್ನು ಈ ಸಂಗೀತ ತಡೆಯುತ್ತದೆ. ಇದು ನಗರದ ಒಂದು ಪ್ರಮುಖ ಆಕರ್ಷಣೆಯಾಗಿ ಪ್ರವಾಸಿಗರನ್ನು ಸೆಳೆಯುತ್ತದೆ.
ದೇಶದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ