ಬೆಂಗಳೂರು: ಭಾರತೀಯ ಆಟೋಮೊಬೈಲ್ ಮಾರುಕಟ್ಟೆಯಲ್ಲಿ ಗಟ್ಟಿಮುಟ್ಟಾದ ಬೈಕ್ಗಳ ಮೂಲಕವೇ ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ರಾಯಲ್ ಎನ್ಫೀಲ್ಡ್ (Royal Enfield) ಕಂಪನಿಯು ಎಲೆಕ್ಟ್ರಿಕ್ ವಾಹನ ವಲಯಕ್ಕೆ ಭರ್ಜರಿಯಾಗಿ ಲಗ್ಗೆ ಇಟ್ಟಿದೆ. ಕಂಪನಿಯ ಬಹುನಿರೀಕ್ಷಿತ ಮೊದಲ ಎಲೆಕ್ಟ್ರಿಕ್ ಮೋಟಾರ್ ಬೈಕ್ ‘ಫ್ಲೈಯಿಂಗ್ ಫ್ಲಿಯಾ C6’ (Flying Flea C6) ವಿತರಣಾ ಪ್ರಕ್ರಿಯೆಯು ಬೆಂಗಳೂರು ನಗರದ ಮೂಲಕವೇ ಅಧಿಕೃತವಾಗಿ ಆರಂಭವಾಗಿದೆ. ಮಧ್ಯಮ ವರ್ಗದ ಜನಸಾಮಾನ್ಯರ ಎನ್ಫೀಲ್ಡ್ ಬೈಕ್ ಕನಸನ್ನು ನನಸು ಮಾಡಲು ಕಂಪನಿಯು ಆಕರ್ಷಕ ಬೆಲೆಯಲ್ಲಿ ಈ ಇ-ಬೈಕನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.
ಬ್ಯಾಟರಿ ಆಫರ್: ಕೇವಲ 1.99 ಲಕ್ಷಕ್ಕೆ ಲಭ್ಯ!
ರಾಯಲ್ ಎನ್ಫೀಲ್ಡ್ ತನ್ನ ಪ್ರೀಮಿಯಂ ಎಲೆಕ್ಟ್ರಿಕ್ ಬೈಕ್ ಅನ್ನು ಜನಸಾಮಾನ್ಯರಿಗೆ ತಲುಪಿಸಲು ‘ಬ್ಯಾಟರಿ-ಆಸ್-ಎ-ಸರ್ವಿಸ್’ (BaaS) ಎಂಬ ವಿಶೇಷ ಯೋಜನೆಯನ್ನು ತಂದಿದೆ.
ಸಂಪೂರ್ಣ ಬೈಕ್ ಖರೀದಿಸಿದರೆ: ಬ್ಯಾಟರಿ ಸೇರಿದಂತೆ ಇಡೀ ಬೈಕ್ನ ಎಕ್ಸ್-ಶೋರೂಂ ಬೆಲೆ 2.79 ಲಕ್ಷ ರೂ. ಆಗಿರುತ್ತದೆ.
BaaS ಯೋಜನೆಯಡಿ: ಬ್ಯಾಟರಿಯ ವೆಚ್ಚವನ್ನು ಹೊರತುಪಡಿಸಿ ಈ ಬೈಕನ್ನು ಕೇವಲ 1.99 ಲಕ್ಷ ರೂ.ಗಳಿಗೆ ಸ್ವಂತವಾಗಿಸಿಕೊಳ್ಳಬಹುದು.
ಬೆಂಗಳೂರಿನ ಆನ್ರೋಡ್ ಬೆಲೆ ಮತ್ತು ಇಎಂಐ (EMI) ಲೆಕ್ಕಾಚಾರ:
ಬೆಂಗಳೂರಿನಲ್ಲಿ ಫ್ಲೈಯಿಂಗ್ ಫ್ಲಿಯಾ C6 ಖರೀದಿಸಲು ಬಯಸುವ ಗ್ರಾಹಕರಿಗೆ ಆನ್ರೋಡ್ ಬೆಲೆಯ ಸಂಪೂರ್ಣ ವಿವರ ಇಲ್ಲಿದೆ:
ಪಿಎಂ ಇ-ಡ್ರೈವ್ ಸಬ್ಸಿಡಿ: ₹5,000 (ಕಡಿತ)
ಆರ್ಟಿಒ (RTO) ವೆಚ್ಚ: ₹1,500
ವಿಮೆ (Insurance): ₹12,913
ಬೆಂಗಳೂರು ಆನ್ರೋಡ್ ಬೆಲೆ: ₹2,88,413
ಡೌನ್ ಪೇಮೆಂಟ್ (ಮಂಗಡ ಹಣ): ₹14,420
ಬಡ್ಡಿ ದರ ಹಾಗೂ ಅವಧಿ: 10% ಬಡ್ಡಿದರದಲ್ಲಿ 3 ವರ್ಷಗಳ ಅವಧಿಗೆ ಸಾಲ ಪಡೆದರೆ, ಗ್ರಾಹಕರು ಪ್ರತಿ ತಿಂಗಳು ₹9,894 ಇಎಂಐ ಪಾವತಿಸಬೇಕಾಗುತ್ತದೆ.
ಹಗುರ ತೂಕ, ಸೂಪರ್ ಪವರ್ ಮತ್ತು ಮೈಲೇಜ್:
ರಾಯಲ್ ಎನ್ಫೀಲ್ಡ್ನ ಸಾಂಪ್ರದಾಯಿಕ ಹೆವಿ ಲುಕ್ಗಿಂತ ಸಂಪೂರ್ಣವಾಗಿ ಭಿನ್ನವಾಗಿರುವ ಈ ಇ-ಬೈಕ್ ಕೇವಲ 124 ಕೆಜಿ ತೂಕ ಹೊಂದಿದ್ದು, ಅತ್ಯಂತ ಸ್ಲಿಮ್ ಆಗಿದೆ.
ರೇಂಜ್ (ಮೈಲೇಜ್): ಇದರಲ್ಲಿರುವ 3.91kWh ಬ್ಯಾಟರಿ ಪ್ಯಾಕ್ ಒಮ್ಮೆ ಫುಲ್ ಚಾರ್ಜ್ ಮಾಡಿದರೆ ಸುಮಾರು 154 ಕಿ.ಮೀ ಚಲಿಸುತ್ತದೆ.
ವೇಗ ಮತ್ತು ಪವರ್: ಇದರ ಮೋಟಾರ್ 15.4kW ಪವರ್ ಹಾಗೂ 60Nm ಟಾರ್ಕ್ ಉತ್ಪಾದಿಸುತ್ತದೆ. ಕೇವಲ 3.7 ಸೆಕೆಂಡುಗಳಲ್ಲಿ 0 ರಿಂದ 60 ಕಿಮೀ ವೇಗ ಪಡೆದುಕೊಳ್ಳುವ ಈ ಬೈಕ್ನ ಗರಿಷ್ಠ ವೇಗ ಗಂಟೆಗೆ 115 ಕಿಮೀ ಆಗಿದೆ.
ವೈಶಿಷ್ಟ್ಯಗಳು: 19 ಇಂಚಿನ ದೊಡ್ಡ ಚಕ್ರಗಳು, 3.5 ಇಂಚಿನ ವೃತ್ತಾಕಾರದ ಕಲರ್ TFT ಡಿಸ್ಪ್ಲೇ, ಐದು ರೈಡಿಂಗ್ ಮೋಡ್ಗಳು, ಟ್ರಾಕ್ಷನ್ ಕಂಟ್ರೋಲ್ ಮತ್ತು ಡ್ಯುಯಲ್-ಚಾನೆಲ್ ಎಬಿಎಸ್ (ABS) ತಂತ್ರಜ್ಞಾನವನ್ನು ಇದು ಒಳಗೊಂಡಿದೆ.
ಇದನ್ನೂ ಓದಿ: ಮಧ್ಯಮ ವರ್ಗದವರ ಕನಸಿನ ಕಾರು ಮಾರುತಿ ಸೆಲೆರಿಯೊ ಸಿಎನ್ಜಿ
ಬೆಂಗಳೂರಿನಲ್ಲೇ ಇದೆ ಮುಖ್ಯ ಸರ್ವೀಸ್ ಹಬ್:
ಬೆಂಗಳೂರಿನ ಬಿಟಿಎಂ ಲೇಔಟ್ನಲ್ಲಿ (BTM Layout) ರಾಯಲ್ ಎನ್ಫೀಲ್ಡ್ ತನ್ನ ಎಲೆಕ್ಟ್ರಿಕ್ ಬೈಕ್ಗಳಿಗಾಗಿಯೇ ವಿಶೇಷವಾದ ಮುಖ್ಯ ಸೇವಾ ಕೇಂದ್ರವನ್ನು ಸ್ಥಾಪಿಸಿದೆ. ಅಸ್ತಿತ್ವದಲ್ಲಿರುವ ಶೋರೂಮ್ಗಳಲ್ಲೇ ‘ಶಾಪ್-ಇನ್-ಶಾಪ್’ ಮಾದರಿಯಲ್ಲಿ ಈ ಬೈಕ್ ಮಾರಾಟ ಹಾಗೂ ಸರ್ವೀಸ್ ನಡೆಯುತ್ತಿದ್ದು, ಗ್ರಾಹಕರಿಗೆ 24×7 ರಸ್ತೆಬದಿಯ ಸಹಾಯದ (Roadside Assistance) ಸೌಲಭ್ಯವೂ ಸಿಗಲಿದೆ. ಸದ್ಯ ಬೆಂಗಳೂರಿನಲ್ಲಿ ಆರಂಭವಾಗಿರುವ ಈ ವಿತರಣೆಯು ಶೀಘ್ರದಲ್ಲೇ ದೇಶದ ಇತರ ಪ್ರಮುಖ ಮೆಟ್ರೋ ನಗರಗಳಿಗೂ ವಿಸ್ತರಣೆಯಾಗಲಿದೆ ಎಂದು ಕಂಪನಿ ತಿಳಿಸಿದೆ.
ಆಟೋ ಮೊಬೈಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ