ಸೌಂದರ್ಯ ಸ್ಪರ್ಧೆ : ಟಿಸಿ ಕ್ಯಾನ್ಡ್ಲರ್ ಎಂಬುದು ಜಾಗತಿಕ ಮಟ್ಟದಲ್ಲಿ ಸೌಂದರ್ಯ ಮತ್ತು ಆಕರ್ಷಣೆಯ ಕುರಿತ ವಾರ್ಷಿಕ ಪಟ್ಟಿಗಳಿಗಾಗಿ ಪ್ರಸಿದ್ಧವಾಗಿರುವ ಸ್ವತಂತ್ರ ವಿಮರ್ಶಕರ ಸಂಸ್ಥೆಯಾಗಿದೆ. 1990ರಿಂದ ಆರಂಭಗೊಂಡ ಈ ಸಂಸ್ಥೆ ಪ್ರತಿವರ್ಷ 100 ಅತ್ಯಂತ ಸುಂದರ ಮುಖಗಳು ಮತ್ತು “100 ಅತ್ಯಂತ ಸುಂದರ ಪುರುಷ ಮುಖಗಳು ಎಂಬ ಪಟ್ಟಿಗಳನ್ನು ಪ್ರಕಟಿಸುತ್ತಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆ ;
ಟಿಸಿ ಕ್ಯಾನ್ಡ್ಲರ್ ಸಂಸ್ಥೆ ಕಲಾ, ಸಿನೆಮಾ, ಸಂಗೀತ, ಫ್ಯಾಷನ್ ಹಾಗೂ ಸಾಮಾಜಿಕ ಮಾಧ್ಯಮ ಕ್ಷೇತ್ರಗಳಲ್ಲಿ ಹೆಸರು ಮಾಡಿದ ವ್ಯಕ್ತಿಗಳ ಸೌಂದರ್ಯವನ್ನು ಜಾಗತಿಕ ದೃಷ್ಟಿಕೋನದಿಂದ ಮೌಲ್ಯಮಾಪನ ಮಾಡುವ ಉದ್ದೇಶ ಹೊಂದಿದೆ. ವಿಭಿನ್ನ ದೇಶಗಳು, ಸಂಸ್ಕೃತಿಗಳು ಮತ್ತು ಹಿನ್ನೆಲೆಯ ವ್ಯಕ್ತಿಗಳನ್ನು ಈ ಪಟ್ಟಿಯಲ್ಲಿ ಸೇರಿಸುವ ಮೂಲಕ, ಸೌಂದರ್ಯಕ್ಕೆ ಒಂದೇ ಮಾಪಕ ಇಲ್ಲ ಎಂಬ ಸಂದೇಶವನ್ನು ನೀಡಲು ಸಂಸ್ಥೆ ಪ್ರಯತ್ನಿಸುತ್ತಿದೆ. ಟಿಸಿ ಕ್ಯಾನ್ಡ್ಲರ್ ಪಟ್ಟಿಗಳು ಪ್ರಕಟವಾದ ತಕ್ಷಣವೇ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗುತ್ತವೆ. ಕೆ–ಪಾಪ್ ಕಲಾವಿದರು, ಹಾಲಿವುಡ್ ಮತ್ತು ಏಷ್ಯನ್ ನಟರು, ಮಾಡೆಲ್ಗಳು ಈ ಪಟ್ಟಿಯಲ್ಲಿ ಸ್ಥಾನ ಪಡೆದಾಗ ಅವರ ಅಭಿಮಾನಿಗಳಲ್ಲಿ ಉತ್ಸಾಹ ಹೆಚ್ಚಾಗುತ್ತದೆ. ಈ ಪಟ್ಟಿಗಳು ಕೆಲವರಿಗೆ ಜಾಗತಿಕ ಗುರುತಿನ ವೇದಿಕೆಯಾಗಿ ಪರಿಣಮಿಸಿವೆ.
100 ಅತ್ಯಂತ ಸುಂದರ ಪುರುಷ ಮುಖಗಳು ;
ಸ್ವತಂತ್ರ ವಿಮರ್ಶಕರ ಸಂಸ್ಥೆಯಾದ ಟಿಸಿ ಕ್ಯಾನ್ಡ್ಲರ್ ಡಿಸೆಂಬರ್ 28ರಂದು ಪ್ರಕಟಿಸಿದ ವಾರ್ಷಿಕ “100 ಅತ್ಯಂತ ಸುಂದರ ಮುಖಗಳು” ಪಟ್ಟಿಯಲ್ಲಿ, ವಿಶ್ವಪ್ರಸಿದ್ಧ ಕೆ–ಪಾಪ್ ಗರ್ಲ್ ಗ್ರೂಪ್ ಬ್ಲ್ಯಾಕ್ಪಿಂಕ್ ಸದಸ್ಯೆ ರೋಸ್ (Rose) ಅವರು ಅಗ್ರ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಕಳೆದ ವರ್ಷದ ಪಟ್ಟಿಗಿಂತ ಆರು ಸ್ಥಾನಗಳ ಏರಿಕೆ ಸಾಧಿಸಿರುವ ರೋಸ್, ಈ ಬಾರಿ ಮೊದಲ ಸ್ಥಾನಕ್ಕೆ ಲಗ್ಗೆ ಇಟ್ಟಿದ್ದಾರೆ. ಇನ್ನೊಂದೆಡೆ, “100 ಅತ್ಯಂತ ಸುಂದರ ಪುರುಷ ಮುಖಗಳು” ಪಟ್ಟಿಯಲ್ಲಿ ಸಿಂಗಾಪುರದ ನಟರಾದ ಐಡನ್ ಸ್ನ್ಗ್ ಮತ್ತು ಗ್ಲೆನ್ ಯಾಂಗ್ ಅವರು ಗಮನಾರ್ಹ ಸಾಧನೆ ಮಾಡಿದ್ದಾರೆ. ಈ ಪಟ್ಟಿಯಲ್ಲಿ ಐಡನ್ ಸ್ನ್ಗ್ ಮೂರನೇ ಸ್ಥಾನವನ್ನು ಪಡೆದುಕೊಂಡರೆ, ಗ್ಲೆನ್ ಯಾಂಗ್ ಇಪ್ಪತ್ತನೇ ಸ್ಥಾನಕ್ಕೆ ಸ್ಥಾನ ಪಡೆದಿದ್ದಾರೆ. ಟಿಸಿ ಕ್ಯಾನ್ಡ್ಲರ್ ಸಂಸ್ಥೆ ಪ್ರತಿವರ್ಷ ಜಾಗತಿಕ ಮಟ್ಟದಲ್ಲಿ ಮನರಂಜನಾ ಕ್ಷೇತ್ರದ ಕಲಾವಿದರು, ನಟರು ಹಾಗೂ ಪ್ರಸಿದ್ಧ ವ್ಯಕ್ತಿಗಳನ್ನು ಒಳಗೊಂಡು ಈ ಪಟ್ಟಿಯನ್ನು ಪ್ರಕಟಿಸುತ್ತಿದ್ದು, ಈ ಪಟ್ಟಿಗೆ ವಿಶ್ವದಾದ್ಯಂತ ದೊಡ್ಡ ಮಟ್ಟದ ಗಮನ ಸೆಳೆಯುತ್ತಿದೆ
ಸ್ವತಂತ್ರ ಹಾಗೂ ಜಾಗತಿಕವಾಗಿ ಮಾನ್ಯತೆ ಪಡೆದ ಸೌಂದರ್ಯ ಮಾನದಂಡಗಳನ್ನು ಆಧಾರವಾಗಿಟ್ಟುಕೊಂಡಿರುವ ಟಿಸಿ ಕ್ಯಾನ್ಡ್ಲರ್ ಸಂಸ್ಥೆಯನ್ನು, ವಿಶ್ವದ ಅತ್ಯಂತ ಪ್ರಭಾವಶಾಲಿ ಸೌಂದರ್ಯ ಪಟ್ಟಿಗಳಲ್ಲೊಂದಾಗಿ ಪರಿಗಣಿಸಲಾಗುತ್ತಿದೆ. ಆದರೆ, ಟಿಸಿ ಕ್ಯಾನ್ಡ್ಲರ್ ಸಂಸ್ಥೆ ಟೀಕೆಗಳಿಂದ ದೂರವಿಲ್ಲ. ಆಯ್ಕೆ ಪ್ರಕ್ರಿಯೆಯಲ್ಲಿ ಪಾರದರ್ಶಕತೆ ಕೊರತೆಯಿದೆ ಎಂಬ ಆರೋಪಗಳು ಹಾಗೂ ಸೌಂದರ್ಯ ಎನ್ನುವುದು ಸಹಜವಾಗಿ ವ್ಯಕ್ತಿಗತ ಅಭಿಪ್ರಾಯಕ್ಕೆ ಒಳಪಟ್ಟ ವಿಷಯವಾಗಿರುವುದರಿಂದ, ಈ ಪಟ್ಟಿಗಳ ವಿಶ್ವಾಸಾರ್ಹತೆ ಕುರಿತು ಪ್ರಶ್ನೆಗಳು ಎದ್ದಿವೆ. ಕೆಲವರು ಇದನ್ನು ಕೇವಲ ಜನಪ್ರಿಯತೆಯ ಆಧಾರದ ಮೇಲೆ ರೂಪುಗೊಳ್ಳುವ ಪಟ್ಟಿಯೆಂದೂ ಟೀಕಿಸಿದ್ದಾರೆ. ಇಷ್ಟಾದರೂ, ಟಿಸಿ ಕ್ಯಾನ್ಡ್ಲರ್ ಪ್ರಕಟಿಸುವ ವಾರ್ಷಿಕ ಪಟ್ಟಿಗಳು ಆನ್ಲೈನ್ನಲ್ಲಿ ಭಾರೀ ಗಮನ ಸೆಳೆಯುತ್ತಿವೆ.