♈ ಮೇಷ ರಾಶಿ: ನಿಮ್ಮಲ್ಲಿರುವ ಅಗಾಧ ಉತ್ಸಾಹವೇ ಸವಾಲುಗಳಿಗೆ ಪರಿಹಾರ ನೀಡಲಿದೆ. ಸ್ವಂತ ಉದ್ಯೋಗದಲ್ಲಿ ಗಮನ ಬೇರೆಡೆಗೆ ಹರೆದು ನಷ್ಟವಾಗದಂತೆ ಎಚ್ಚರವಹಿಸಿ. ಮಾನಸಿಕ ಹಾಗೂ ಶಾರೀರಿಕ ಬಲ ಉತ್ತಮವಾಗಿರುತ್ತದೆ. ಅಪರೂಪದ ಸ್ನೇಹಿತರನ್ನು ಮನೆಗೆ ಕರೆದು ಸಂತೋಷ ಪಡುವಿರಿ. ಯಾರೋ ಕೆಲವರಿಗಾಗಿ ನಿಮ್ಮ ವ್ಯಕ್ತಿತ್ವ ಬದಲಾಯಿಸಿಕೊಳ್ಳಬೇಡಿ.
♉ ವೃಷಭ ರಾಶಿ: ಎಷ್ಟೇ ಒತ್ತಡವಿದ್ದರೂ ಚಾಣಾಕ್ಷತನದಿಂದ ನಿಭಾಯಿಸುವಿರಿ. ವಹಿಸಿದ ಕೆಲಸ ಬಿಟ್ಟು ಬೇರೆ ಕಾರ್ಯಗಳಲ್ಲಿ ಮಗ್ನರಾಗುವ ಸಾಧ್ಯತೆ ಇದೆ. ದೀರ್ಘಕಾಲದ ಸ್ನೇಹ ಮತ್ತೆ ಚಿಗುರಲಿದೆ. ಅನಗತ್ಯ ಸ್ವೇಚ್ಛಾಚಾರದ ವರ್ತನೆ ಹಾಗೂ ಮಾತಿನಲ್ಲಿ ಮೌನ ಕಾಯ್ದುಕೊಳ್ಳುವುದು ಇಂದಿನ ಅಗತ್ಯ.
♊ ಮಿಥುನ ರಾಶಿ: ಪರಿಚಯವಿಲ್ಲದ ಕಾರ್ಯಗಳನ್ನು ಆತುರದಿಂದ ಒಪ್ಪಿಕೊಳ್ಳಬೇಡಿ. ಕಚೇರಿಯಲ್ಲಿ ಇಂದು ಕಾರ್ಯಸ್ವಾತಂತ್ರ್ಯ ಸಿಗಲಿದೆ. ಮಕ್ಕಳ ಅಗತ್ಯಗಳಿಗಾಗಿ ಧನವ್ಯಯವಾಗಲಿದೆ. ಆತುರದ ನಿರ್ಧಾರಗಳು ಇತರರ ಹಾಸ್ಯಕ್ಕೆ ಈಡಾಗದಂತೆ ನೋಡಿಕೊಳ್ಳಿ.
♋ ಕರ್ಕಾಟಕ ರಾಶಿ: ವ್ಯಾಪಾರ ಸ್ಥಳದಲ್ಲಿ ತಾಳ್ಮೆ ಇರಲಿ; ಮಾತಿನಿಂದ ಯಾರ ಮನಸ್ಸಿಗೂ ನೋವುಂಟು ಮಾಡಬೇಡಿ. ವಿವಾಹಕ್ಕೆ ಬರುವ ಉತ್ತಮ ಸಂಬಂಧಗಳನ್ನು ಸರಿಯಾಗಿ ಪರಿಶೀಲಿಸಿ ಮುಂದುವರಿಯಿರಿ. ನಿಮ್ಮ ಸ್ಥಾನಮಾನ ಉಳಿಸಿಕೊಳ್ಳಲು ಶ್ರಮ ಅಗತ್ಯ.
♌ ಸಿಂಹ ರಾಶಿ: ಕೆಲಸದ ಯೋಜನೆಗಳು ನಿರೀಕ್ಷಿತ ಫಲ ನೀಡದಿದ್ದರೆ ನಿರಾಶರಾಗಬೇಡಿ. ದೈಹಿಕ ಅಸ್ವಾಸ್ಥ್ಯವನ್ನು ಯೋಗ ಹಾಗೂ ವ್ಯಾಯಾಮದ ಮೂಲಕ ಸರಿಪಡಿಸಿಕೊಳ್ಳಿ. ಮನೆಗಾಗಿ ಹೊಸ ವಸ್ತುಗಳನ್ನು ಖರೀದಿಸುವಿರಿ. ನಿಮ್ಮ ಕಷ್ಟಗಳಿಗೆ ನೀವೇ ದಾರಿ ಹುಡುಕಿಕೊಳ್ಳುವುದು ಒಳಿತು.
♍ ಕನ್ಯಾ ರಾಶಿ: ಬದ್ಧತೆಯಿಂದ ಮಾಡುವ ಕೆಲಸಗಳಿಗೆ ಅರ್ಹ ಶ್ರೇಯಸ್ಸು ಸಿಗಲಿದೆ. ಸರ್ಕಾರಿ ಉದ್ಯೋಗಾಕಾಂಕ್ಷಿಗಳಿಗೆ ಶುಭ ಸುದ್ದಿ ಕಾಯುತ್ತಿದೆ. ಆಕಸ್ಮಿಕ ಶುಭ ಸುದ್ದಿಯಿಂದ ಮನಸ್ಸಿಗೆ ಸಂತೋಷ. ದಂಪತಿಗಳು ಪುಣ್ಯಕ್ಷೇತ್ರಗಳಿಗೆ ಭೇಟಿ ನೀಡುವ ಯೋಗವಿದೆ.
♎ ತುಲಾ ರಾಶಿ: ನಿಮ್ಮ ಶ್ರಮಕ್ಕೆ ತಕ್ಕ ಗೌರವ ಸಿಗಲು ಕೊಂಚ ವಿಳಂಬವಾಗಬಹುದು. ವಿದೇಶ ಪ್ರವಾಸದ ಕನಸು ಕಾಣುತ್ತಿರುವವರಿಗೆ ಶುಭ ಯೋಗವಿದೆ. ಪ್ರಭಾವಿ ವ್ಯಕ್ತಿಗಳ ಜೊತೆ ಅನಗತ್ಯ ಘರ್ಷಣೆ ಬೇಡ. ನಕಾರಾತ್ಮಕ ಆಲೋಚನೆಗಳನ್ನು ತಡೆದು ಸಕಾರಾತ್ಮಕವಾಗಿ ಯೋಚಿಸಿ.
♏ ವೃಶ್ಚಿಕ ರಾಶಿ: ನ್ಯಾಯಾಲಯಕ್ಕೆ ಸಂಬಂಧಿಸಿದ ಕಾರ್ಯಗಳು ನಿಧಾನಗತಿಯಲ್ಲಿ ಸಾಗಲಿವೆ. ಹಿಂದೆ ಮಾಡಿದ ಉಪಕಾರ ಇಂದು ನಿಮಗೆ ಪ್ರತ್ಯುಪಕಾರವಾಗಿ ಒದಗಿಬರಲಿದೆ. ಬಂಧುಗಳ ವರ್ತನೆಯಿಂದ ಸಣ್ಣಪುಟ್ಟ ಬೇಸರವಾದರೂ ತಾಳ್ಮೆಯಿಂದಿರಿ. ಯಾವುದನ್ನೂ ಮೇಲ್ನೋಟಕ್ಕೆ ತೀರ್ಮಾನಿಸಬೇಡಿ.
🏹 ಧನು ರಾಶಿ: ನಿಮ್ಮ ಎಚ್ಚರಿಕೆಯ ನಡವಳಿಕೆಯಿಂದ ತಪ್ಪುಗಳನ್ನು ತಡೆದು ಎಲ್ಲರಿಂದ ಸೈ ಎನಿಸಿಕೊಳ್ಳುವಿರಿ. ಕೆಲಸಗಳಲ್ಲಿ ಹೊಂದಾಣಿಕೆ ಅಗತ್ಯ. ನಂಬಿದವರಿಂದ ಅಥವಾ ಸ್ನೇಹಿತರಿಂದ ವಂಚನೆಯಾಗದಂತೆ ಎಚ್ಚರವಿರಲಿ. ಶತ್ರುಗಳ ತಂತ್ರಕ್ಕೆ ಆಸ್ಪದ ನೀಡಬೇಡಿ.
♑ ಮಕರ ರಾಶಿ: ಉದ್ಯೋಗಕ್ಕೆ ಸಂಬಂಧಿಸಿದಂತೆ ಇದ್ದ ಅಡಚಣೆಗಳು ನಿಧಾನವಾಗಿ ಬಗೆಹರಿಯಲಿವೆ. ಕಳೆದುಹೋದ ಮುಖ್ಯ ವಸ್ತುವೊಂದು ಮರಳಿ ಸಿಗುವ ಸಾಧ್ಯತೆ ಇದೆ. ಆಪ್ತರ ಮೇಲೆ ಅತಿಯಾದ ಅನುಮಾನ ಬೇಡ. ನಿಮ್ಮ ಹಿತೈಷಿಗಳು ನಿಮ್ಮನ್ನು ದುರುಪಯೋಗದಿಂದ ರಕ್ಷಿಸುವರು.
♒ ಕುಂಭ ರಾಶಿ: ಸದ್ಯಕ್ಕೆ ಹೊಸ ಉದ್ಯೋಗ ಅನ್ವೇಷಣೆ ಮಾಡುವುದನ್ನು ಮುಂದೂಡುವುದು ಒಳಿತು. ಬೇರೆಯವರಿಗೆ ಸಹಾಯ ಮಾಡಲು ಹೋಗಿ ಸಂಕಷ್ಟಕ್ಕೆ ಸಿಲುಕಬೇಡಿ. ಯಾರ ಮೇಲೆಯೂ ಆತುರದಿಂದ ಅಪವಾದ ಹೊರಿಸಬೇಡಿ. ಪರಿಚಿತರ ಮೂಲಕ ಹೊಸ ಅವಕಾಶಗಳು ದೊರೆಯಲಿವೆ.
♓ ಮೀನ ರಾಶಿ: ಮಕ್ಕಳೊಂದಿಗೆ ಉತ್ತಮ ಸಮಯ ಕಳೆಯುವಿರಿ. ಆಕಸ್ಮಿಕ ಭೇಟಿಯೊಂದು ಹೊಸ ಸಂಬಂಧಕ್ಕೆ ದಾರಿ ಮಾಡಿಕೊಡಬಹುದು. ಹೊರಗಿನ ಆಹಾರ ಸೇವನೆಯಲ್ಲಿ ಮಿತಿಯಿರಲಿ. ಇತರರ ಮಾತು ಕೇಳಿ ಮನೆಯವರ ಮೇಲೆ ಅನುಮಾನ ಪಡುವುದು ಬೇಡ.