ವಾಷಿಂಗ್ಟನ್ : ಅಮೆರಿಕದ ರಾಜಕೀಯ ಅಂಗಳದಲ್ಲಿ ಭಾರಿ ಸಂಚಲನ ಸೃಷ್ಟಿಯಾಗಿದೆ. ಅಮೆರಿಕದ ಪ್ರಮುಖ ಮಧ್ಯಂತರ ಚುನಾವಣೆಯ (US Midterm Elections) ಫಲಿತಾಂಶಗಳು ಹೊರಬಿದ್ದಿದ್ದು, ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನೇತೃತ್ವದ ರಿಪಬ್ಲಿಕನ್ ಪಕ್ಷಕ್ಕೆ ಸಂಸತ್ತಿನ ಮೇಲ್ಮನೆಯಾದ ‘ಸೆನೆಟ್’ನಲ್ಲಿ (US Senate) ಮುಖಭಂಗವಾಗಿದೆ.
ವಿಪಕ್ಷವಾದ ‘ಡೆಮಾಕ್ರಟಿಕ್ ಪಾರ್ಟಿ’ (Democratic Party) ಸೆನೆಟ್‌ನಲ್ಲಿ ಐತಿಹಾಸಿಕ ಜಯ ಸಾಧಿಸಿ ಸ್ಪಷ್ಟ ಬಹುಮತವನ್ನು ತನ್ನದಾಗಿಸಿಕೊಂಡಿದೆ. ಒಟ್ಟು 100 ಸದಸ್ಯ ಬಲ ಹೊಂದಿರುವ ಅಮೆರಿಕದ ಸೆನೆಟ್‌ನಲ್ಲಿ ಬಹುಮತಕ್ಕೆ 51 ಸ್ಥಾನಗಳ ಅಗತ್ಯವಿತ್ತು. ವಿಪಕ್ಷ ಡೆಮಾಕ್ರಟಿಕ್ ಪಾರ್ಟಿ ಬರೋಬ್ಬರಿ 52 ಸ್ಥಾನಗಳನ್ನು ಗೆಲ್ಲುವ ಮೂಲಕ ಮೇಲ್ಮನೆಯಲ್ಲಿ ಪೂರ್ಣ ನಿಯಂತ್ರಣ ಸಾಧಿಸಿದೆ.
ಆಡಳಿತಾರೂಢ ರಿಪಬ್ಲಿಕನ್ ಪಾರ್ಟಿ (Republican Party) ಕೇವಲ 41 ಸ್ಥಾನಗಳನ್ನು ಮಾತ್ರ ಪಡೆಯಲು ಸಾಧ್ಯವಾಗಿದ್ದು, ಹೀನಾಯ ಮುಖಭಂಗ ಅನುಭವಿಸಿದೆ.
ಇದನ್ನೂ ಓದಿ: ಅದಾನಿ ವಿರುದ್ಧ SEC ಪ್ರಕರಣ: ಅಮೆರಿಕಾ ನ್ಯಾಯಾಲಯ ವಿಚಾರಣೆಗೆ ಹಸಿರು ನಿಶಾನೆ –
ಜ್ಅಮೆರಿಕ ರಾಜಕೀಯದ ಮೇಲೆ ಬೀರುವ ಪರಿಣಾಮ:
ಅಮೆರಿಕದ ಶಾಸಕಾಂಗ ವ್ಯವಸ್ಥೆಯಲ್ಲಿ ಸೆನೆಟ್ ಅತ್ಯಂತ ಪ್ರಭಾವಶಾಲಿ ಸ್ಥಾನವನ್ನು ಹೊಂದಿದೆ. ಅಧ್ಯಕ್ಷೀಯ ನೀತಿ ನಿರ್ಧಾರಗಳು, ಪ್ರಮುಖ ಮಸೂದೆಗಳ ಅಂಗೀಕಾರ ಹಾಗೂ ಸುಪ್ರೀಂ ಕೋರ್ಟ್ ನ್ಯಾಯಾಧೀಶರ ನೇಮಕದಲ್ಲಿ ಸೆನೆಟ್ ಬಹುಮತ ನಿರ್ಣಾಯಕವಾಗಿದೆ.
ಇದೀಗ ಡೆಮಾಕ್ರಟಿಕ್ ಪಾರ್ಟಿ 52 ಸ್ಥಾನಗಳನ್ನು ಗೆದ್ದು ಬಹುಮತ ಸಾಧಿಸಿರುವುದರಿಂದ, ರಿಪಬ್ಲಿಕನ್ ಪಕ್ಷದ ಶಾಸಕಾಂಗ ತಂತ್ರಗಳಿಗೆ ಹಾಗೂ ಭವಿಷ್ಯದ ರಾಜಕೀಯ ನಡೆಗೆ ಭಾರಿ ಹಿನ್ನಡೆಯಾಗಿದೆ. ಈ ಸರಣಿ ಜಯವು ಅಮೆರಿಕದಲ್ಲಿ ಡೆಮಾಕ್ರಟಿಕ್ ಪಾರ್ಟಿಯ ಬಲವನ್ನು ಮತ್ತಷ್ಟು ವೃದ್ಧಿಸಿದೆ.
ರಾಜಕೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ