ಸುಳ್ಯ : ಕೋಳಿಕಟ್ಟ ಅಥವಾ ಕೋಳಿ ಅಂಕ ಎನ್ನುವುದು ಕರ್ನಾಟಕದ ಕರಾವಳಿ ಭಾಗಗಳು, ಮಲೆನಾಡು ಹಾಗೂ ಕೆಲವು ದಕ್ಷಿಣ ಭಾರತದ ಗ್ರಾಮೀಣ ಪ್ರದೇಶಗಳಲ್ಲಿ ಹಿಂದೆ ಜನಪ್ರಿಯವಾಗಿದ್ದ ಒಂದು ಪಾರಂಪರಿಕ ಮನರಂಜನಾ ಪದ್ಧತಿ. ಇದರಲ್ಲಿ ಎರಡು ಕೋಳಿಗಳನ್ನು ಪರಸ್ಪರ ಹೋರಾಡಿಸುವ ಮೂಲಕ ಸ್ಪರ್ಧೆ ನಡೆಸಲಾಗುತ್ತಿತ್ತು. ಕೋಳಿ ಅಂಕ ಗ್ರಾಮೀಣ ಜನರಿಗೆ ಒಟ್ಟಾಗಿ ಸೇರುವ ಒಂದು ಸಾಮಾಜಿಕ ವೇದಿಕೆಯಂತಿತ್ತು. ಆದರೆ ಇದರಿಂದ ಜೂಜು, ಹಣವನ್ನು ಇಟ್ಟು ಕೋಳಿ ಬಿಡುವುದು, ಪ್ರಾಣಿಗಳ ಮೇಲೆ ಕ್ರೌರ್ಯ ತೋರಿಸುವುದು ಮುಂತಾದ ದುಷ್ಪರಿಣಾಮಗಳೂ ಉಂಟಾಗುತ್ತಿದ್ದವು.
ಇದನ್ನೂ ಓದಿ :Reliance : ಭಾರತದಲ್ಲಿನ ರಿಲಯನ್ಸ್ ಇಂಡಸ್ಟ್ರೀಸ್ ಬ್ಯಾಟರಿ ಸೆಲ್ ಉತ್ಪಾದನಾ ಯೋಜನೆ ತಾತ್ಕಾಲಿಕ ಸ್ಥಗಿತ
ಕಾನೂನು ಮತ್ತು ನೈತಿಕ ದೃಷ್ಟಿಕೋನ ;
ಇಂದಿನ ಕಾಲದಲ್ಲಿ ಪ್ರಾಣಿಹಿಂಸೆ ತಡೆ ಕಾಯ್ದೆಗಳ ಅಡಿಯಲ್ಲಿ ಕೋಳಿಅಂಕ ಕಾನೂನುಬಾಹಿರವಾಗಿದೆ. ಪ್ರಾಣಿಗಳ ಮೇಲೆ ಹಿಂಸೆಯನ್ನು ತೋರಿಸುವುದು ನೈತಿಕವಾಗಿ ತಪ್ಪು ಎಂಬ ಅರಿವು ಹೆಚ್ಚಾಗಿದೆ. ಆದ್ದರಿಂದ ಸರ್ಕಾರ ಮತ್ತು ಪ್ರಾಣಿ ಹಕ್ಕು ಸಂಘಟನೆಗಳು ಇದನ್ನು ನಿಷೇಧಿಸಲು ಕ್ರಮ ಕೈಗೊಂಡಿದ್ದು. ಹಲವೆಡೆ ಕೋಳಿಅಂಕವನ್ನು ಶಾಶ್ವತವಾಗಿ ನಿಷೇಧಿಸಿರುವುದು ಕಂಡುಬಂದಿದೆ.
ಇದೀಗ, ದ.ಕ.ಜಿಲ್ಲೆಯಲ್ಲಿ ಕಾನೂನು ಸುವ್ಯವಸ್ಥೆ ನೋಡಿಕೊಳ್ಳುತ್ತಿರುವ ಎಸ್.ಪಿ.ಅರುಣ್ ಅವರು ಯಾವುದೇ ಕೋಳಿಅಂಕಕ್ಕೆ ಅನುಮತಿ ನೀಡುತ್ತಿಲ್ಲವಾದ ಹಿನ್ನಲೆಯಲ್ಲಿ ಸುಳ್ಯದಲ್ಲಿ ಕೋಳಿ ಅಂಕ ರದ್ದಾಗಿರುವುದಾಗಿ ತಿಳಿದು ಬಂದಿದೆ. ಪ್ರತಿ ವರ್ಷ ಸುಳ್ಯ ಜಾತ್ರೆಯ ಕೊಡಿ ಇಳಿದ ಬಳಿಕ ಸಂಕ್ರಮಣದ ಮರುದಿನದಿಂದ ಮೂರು ದಿನ ಗದ್ದೆಯಲ್ಲಿ ಕೋಳಿ ಅಂಕ ನಡೆಯುತ್ತಿತ್ತು. ಸಾವಿರಾರು ಮಂದಿ ಈ ಕೋಳಿಅಂಕದಲ್ಲಿ ಭಾಗವಹಿಸುತ್ತಿದ್ದರು. ಆದರೆ, ಈ ಬಾರಿ ಕೋಳಿ ಅಂಕ ನಡೆಯುವುದಿಲ್ಲವೆಂದು ತಿಳಿದು ಬಂದಿದೆ.
ಮತ್ತಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ನಿಮ್ಮ ಆಸುಪಾಸಿನಲ್ಲಿ ನಡೆಯುವಂತಹ ಕಾರ್ಯಕ್ರಮ, ಸಭೆ ಹಾಗೂ ಸಾರ್ವಜನಿಕ ಸಮಸ್ಯೆಗಳ ಬಗ್ಗೆ ಫೋಟೋ ಸಹಿತ G1 News ಗೆ ಮಾಹಿತಿ ಕಳುಹಿಸಿ. ವಾಟ್ಸಪ್: 7353833811, ಇ-ಮೇಲ್- g1newsdpt@gmail.com