ಕೇರಳ : ಕೇರಳದಲ್ಲಿ ಜನಿಸಿದ 96 ವರ್ಷದ ವೃದ್ಧೆ ಕರ್ಥ್ಯಾಯಿನಿ ಅಮ್ಮ ಅವರ ಜೀವನ ಕಥೆ ಇಂದು ದೇಶದಾದ್ಯಂತ ಪ್ರೇರಣೆಯಾಗಿ ಪರಿಣಮಿಸಿದೆ. ಬಾಲ್ಯದಲ್ಲಿ ಶಾಲೆಗೆ ಹೋಗುವ ಅವಕಾಶ ಸಿಗದೆ ಉಳಿದಿದ್ದ ಅವರು, ವಯಸ್ಸಿನ ಅಡ್ಡಿಯನ್ನು ಮೀರಿ ಮತ್ತೆ ವಿದ್ಯಾಭ್ಯಾಸ ಆರಂಭಿಸಿ ಅಚ್ಚರಿ ಮೂಡಿಸಿದ್ದಾರೆ.
ಚಿಕ್ಕ ವಯಸ್ಸಿನಲ್ಲಿ ದಾರಿದ್ರ್ಯ ಮತ್ತು ಕುಟುಂಬದ ಹೊಣೆಗಾರಿಕೆಗಳಿಂದಾಗಿ ಅವರು ಶಾಲೆಯನ್ನು ಬಿಟ್ಟುಬಿಡಬೇಕಾಯಿತು. ನಂತರ ಜೀವನವಿಡೀ ಗೃಹಕಾರ್ಯ ಮತ್ತು ಕೂಲಿ ಕೆಲಸಗಳಲ್ಲಿ ತೊಡಗಿಸಿಕೊಂಡು ಕುಟುಂಬವನ್ನು ಸಾಗಿಸಿದರು. ಓದು-ಬರಹ ಎಂಬುದು ಅವರ ಜೀವನದಲ್ಲಿ ದೂರದ ಕನಸಾಗಿಯೇ ಉಳಿಯಿತು.
ಇದನ್ನೂ ಓದಿ ಎಲ್ಪಿಜಿ ಅಭಾವದ ಹೊಡೆತ: ಮಂಗಳೂರಿನಲ್ಲಿ ಊಟದ ದರ ಗಗನಕ್ಕೆ
ಆದರೆ ಅವರ ಜೀವನದಲ್ಲಿ ಮಹತ್ವದ ತಿರುವು ತಂದದ್ದು ಅವರದೇ ಮಗಳು. 60ನೇ ವಯಸ್ಸಿನಲ್ಲಿ ಮಗಳು ಶಿಕ್ಷಣ ಪಡೆದು ಪರೀಕ್ಷೆಯಲ್ಲಿ ಉತ್ತೀರ್ಣಳಾದಾಗ, ಕರ್ಥ್ಯಾಯಿನಿ ಅಮ್ಮ ಅವರಿಗೆ ಮತ್ತೆ ಓದಲು ಪ್ರೇರಣೆ ದೊರೆಯಿತು. ಅದರಿಂದ ಅವರು ಕೇರಳದ ಸಾಕ್ಷರತಾ ಅಭಿಯಾನಕ್ಕೆ ಸೇರ್ಪಡೆಯಾಗಿ ಅಕ್ಷರ ಜ್ಞಾನ ಕಲಿಯಲು ಆರಂಭಿಸಿದರು.
ಕುಟುಂಬದ ಸದಸ್ಯರು, ವಿಶೇಷವಾಗಿ ಮೊಮ್ಮಕ್ಕಳು, ಅವರಿಗೆ ಓದು ಬರಹ ಕಲಿಸಲು ಸಹಾಯ ಮಾಡಿದರು. ಹೀಗಾಗಿ ನಿಧಾನವಾಗಿ ಅಕ್ಷರಗಳನ್ನು ಅರಿತುಕೊಂಡ ಅವರು ಮೊದಲ ಬಾರಿಗೆ ಪರೀಕ್ಷೆಗೆ ಹಾಜರಾದರು.
ಅಚ್ಚರಿಯ ಸಂಗತಿಯೆಂದರೆ, 96ನೇ ವಯಸ್ಸಿನಲ್ಲಿ ಓದು, ಬರಹ, ಗಣಿತ ವಿಷಯಗಳಲ್ಲಿ ಮೊದಲ ಪರೀಕ್ಷೆ ಬರೆದ ಅವರು 100ರಲ್ಲಿ 98 ಅಂಕಗಳನ್ನು ಪಡೆದು ಎಲ್ಲರನ್ನು ಬೆರಗುಗೊಳಿಸಿದರು. ಈ ಸಾಧನೆ ಅವರ ದೃಢಸಂಕಲ್ಪ ಮತ್ತು ಶಿಕ್ಷಣದ ಮಹತ್ವವನ್ನು ಪ್ರತಿಬಿಂಬಿಸುತ್ತದೆ.
ತನ್ನ ಮಗಳು 60ನೇ ವರ್ಷಕ್ಕೆ ಸಾಕ್ಷರತಾ ತರಗತಿಗೆ ಸೇರಿ ಪರೀಕ್ಷೆಯಲ್ಲಿ ಯತ್ತೀರ್ಣರಾಗಿರುವುದನ್ನು ನೋಡಿ ನನಗೇಕೇ ಸಾಧ್ಯವಿಲ್ಲ ಎಂದು ಕಾತ್ಯಾಯಿನಿ ಯೋಚಿಸಿದರು. ಅದರಂತೆ ಕೇರಳ ರಾಜ್ಯ ಸಾಕ್ಷರತಾ ಮಿಷನ್ ಪ್ರಾಧಿಕಾರವು ಆಯೋಜಿಸಿದ ಕೇರಳ ಅಕ್ಷರಲಕ್ಷಂ ಸಾಕ್ಷರತಾ ಕಾರ್ಯಕ್ರಮದಲ್ಲಿ ಭಾಗಿಯಾದರು.
ಇದನ್ನೂ ಓದಿ ಪಾದಚಾರಿ ಮಾರ್ಗ ಅತಿಕ್ರಮಣಕಾರರ ವಿರುದ್ಧ ಕ್ರಮಕ್ಕೆ ಸೂಚನೆ, ಬೀಳಲಿದೆ ದಂಡ, ನಡೆಯಲಿದೆ ತೆರವು ಕಾರ್ಯಾಚರಣೆ
ಔಪಚಾರಿಕ ಶಾಲಾ ಶಿಕ್ಷಣವನ್ನು ಪಡೆಯಲು ಅವಕಾಶವಿಲ್ಲದ ವಯಸ್ಕರಿಗೆ ಓದುವುದು, ಬರೆಯುವುದು ಮತ್ತು ಮೂಲಭೂತ ಗಣಿತದಲ್ಲಿ ಕೌಶಲ್ಯಗಳನ್ನು ಪಡೆಯಲು ಸಹಾಯ ಮಾಡುವ ಉದ್ದೇಶದಿಂದ ಈ ಕಾರ್ಯಕ್ರಮವನ್ನು ನಡೆಸಲಾಗುತ್ತಿದೆ. ಈ ಕಾರ್ಯಕ್ರಮದಡಿ ಓದುವುದು, ಬರೆಯುವುದು ಹಾಗೂ ಗಣಿತ ಪರೀಕ್ಷೆಗಳನ್ನ ನಡೆಸಲಾಗುತ್ತದೆ.
ಮನೆಯಲ್ಲಿ ಅವರ ಮೊಮ್ಮಕ್ಕಳು ಮತ್ತು ಮರಿಮೊಮ್ಮಕ್ಕಳು ಅಕ್ಷರಗಳು, ಪದಗಳು ಮತ್ತು ಸಂಖ್ಯೆಗಳನ್ನು ಹೇಳಿಕೊಟ್ಟರು. ನಿರಂತರ ಅಭ್ಯಾಸದಿಂದ ಕಾತ್ಯಾಯಿನಿ ಮೂರೂ ವಿಚಾರಗಳಲ್ಲಿ ಹಿಡಿತ ಸಾಧಿಸಿದರು.
ಅದರಂತೆ, ಕೇರಳದಾದ್ಯಂತ ನಡೆದ ಪರೀಕ್ಷೆಯಲ್ಲಿ 40,000 ಕ್ಕೂ ಹೆಚ್ಚು ಅಭ್ಯರ್ಥಿಗಳು ಪಾಲ್ಗೊಂಡಿದ್ದರು. ಈ ಪೈಕಿ ಒಬ್ಬರಾಗಿರುವ ಕಾತ್ಯಾಯಿನಿ ಸಾಕ್ಷರತಾ ಪರೀಕ್ಷೆ ಬರೆಯುತ್ತಿರುವವರಲ್ಲಿ ಅತ್ಯಂತ ಹಿರಿಯ ಅಭ್ಯರ್ಥಿಯಾಗಿದ್ದರು. ಬಹುನಿರೀಕ್ಷಿತ ಫಲಿತಾಂಶಗಳು ಅಂತಿಮವಾಗಿ ಬಹಿರಂಗಗೊಂಡಾಗ, ಅವರು 100 ರಲ್ಲಿ 98 ಅಂಕಗಳನ್ನು ಗಳಿಸಿ ಅಚ್ಚರಿ ಮೂಡಿಸಿದರು.
ಕರ್ಥ್ಯಾಯಿನಿ ಅಮ್ಮ ಅವರ ಕಥೆ ವಯಸ್ಸು ಶಿಕ್ಷಣಕ್ಕೆ ಅಡ್ಡಿಯಲ್ಲ ಎಂಬ ಸಂದೇಶವನ್ನು ನೀಡುತ್ತದೆ. ಜೀವನದಲ್ಲಿ ಯಾವುದೇ ಹಂತದಲ್ಲಾದರೂ ಕಲಿಯುವ ಉತ್ಸಾಹ ಇದ್ದರೆ ಯಶಸ್ಸು ಸಾಧ್ಯ ಎಂಬುದಕ್ಕೆ ಇದು ಉತ್ತಮ ಉದಾಹರಣೆ.ಕರ್ಥ್ಯಾಯಿನಿ ಅಮ್ಮ ಅವರು ತೋರಿಸಿದ ದಾರಿ – “ಎಷ್ಟು ವಯಸ್ಸಾದರೂ ಕಲಿಯಲು ತಡವಿಲ್ಲ” ಎಂಬ ಸಂದೇಶವನ್ನು ಸಮಾಜಕ್ಕೆ ಸಾರುತ್ತದೆ.
ಹೆಚ್ಚಿನ ಸುದ್ದಿ ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ