ಶಾಲಿವಾಹನ ಶಕವರ್ಷ 1949ರ ಉತ್ತರಾಯಣ, ಗ್ರೀಷ್ಮ ಋತುವಿನ ಅಧಿಕ ಜ್ಯೇಷ್ಠ ಮಾಸದ ಕೃಷ್ಣ ಪಕ್ಷದ ದ್ವಾದಶೀ ತಿಥಿಯ ಶುಕ್ರವಾರದಂದು ದ್ವಾದಶ ರಾಶಿಗಳ ಫಲ ಹೇಗಿರಲಿದೆ? ಯಾರಿಗೆ ಪರರ ಬಗ್ಗೆ ಅತಿಯಾದ ಶಂಕೆ ಕಾಡಲಿದೆ, ಯಾರಿಗೆ ಕೌಟುಂಬಿಕ ಚಿಂತೆ ಎದುರಾಗಲಿದೆ ಮತ್ತು ಯಾರಿಗೆ ಅದೃಷ್ಟ ಒಲಿಯಲಿದೆ ಎಂಬ ಇಂದಿನ ಸಂಪೂರ್ಣ ದಿನದ ಭವಿಷ್ಯ ಇಲ್ಲಿದೆ.
ಮೇಷ ರಾಶಿ: ನಿಮ್ಮ ಬುದ್ಧಿವಂತಿಕೆಯನ್ನು ಯಾರಾದರೂ ಸ್ವಾರ್ಥಕ್ಕೆ ಬಳಸಿ ಕೈಬಿಡುವ ಸಾಧ್ಯತೆ ಇದೆ, ಜಾಗರೂಕರಾಗಿರಿ. ಮಂಗಳ ಕಾರ್ಯಗಳಿಗೆ ಹಣ ವಿನಿಯೋಗಿಸುವಿರಿ. ಪ್ರಚೋದನೆಗಳಿಗೆ ಒಳಗಾಗಬೇಡಿ, ತಾತ್ಕಾಲಿಕವಾಗಿ ಕೋಪ ಉಪಶಮನವಾಗಲಿದೆ. ದುಡಿಮೆಗೆ ತಕ್ಕ ಫಲ ಸಿಗಲಿದ್ದು, ವಿದ್ಯಾಭ್ಯಾಸದ ಬಗ್ಗೆ ಅತಿಯಾದ ಚಿಂತೆ ಬೇಡ. ಆರೋಗ್ಯದ ಕಡೆ ಗಮನವಿರಲಿ.
ವೃಷಭ ರಾಶಿ: ಆದಾಯವನ್ನು ಭೂಮಿ ಖರೀದಿಗೆ ಹೂಡಿಕೆ ಮಾಡುವ ಯೋಜನೆ ಮೂಡಲಿದೆ. ಎಲ್ಲ ಕಡೆ ನಿಮ್ಮನ್ನು ನಿರ್ಲಕ್ಷಿಸುತ್ತಿದ್ದಾರೆ ಎಂಬ ಭಾವನೆ ಕಾಡಬಹುದು, ಅದನ್ನು ಮನಸ್ಸಿನಿಂದ ದೂರವಿಡಿ. ನಿಮ್ಮ ಸೌಂದರ್ಯಪ್ರಜ್ಞೆ ನಿಮಗೆ ವರದಾನವಾಗಲಿದೆ. ಶತ್ರುಗಳು ನಿಮ್ಮ ಮೇಲೆ ಕಣ್ಣಿಟ್ಟಿರುವ ಸಾಧ್ಯತೆ ಇರುವುದರಿಂದ ಅತಿಯಾದ ನಿರ್ಲಕ್ಷ್ಯ ಬೇಡ.
ಮಿಥುನ ರಾಶಿ: ಇಂದು ಸ್ವಂತ ವಾಹನದಲ್ಲಿ ಪ್ರಯಾಣ ಮಾಡುವುದು ಅನಿವಾರ್ಯವಾಗಬಹುದು, ಆದರೆ ಸಾಧ್ಯವಾದಷ್ಟು ಸುದೀರ್ಘ ಪ್ರಯಾಣವನ್ನು ಮುಂದೂಡುವುದು ಒಳಿತು. ಸಮಾಜದಲ್ಲಿ ಅಥವಾ ವೃತ್ತಿಕ್ಷೇತ್ರದಲ್ಲಿ ಮುಖ್ಯ ಸ್ಥಾನ ದೊರೆಯಲಿದೆ. ಹಣಕಾಸು ಹೂಡಿಕೆಗೆ ಸಕಾಲ. ಕುಟುಂಬದಲ್ಲಿ ಸಂತೋಷ ಇರಲಿದ್ದು, ದೀರ್ಘಕಾಲದ ನಂತರ ಸ್ನೇಹಿತರ ಭೇಟಿಯಾಗಲಿದೆ.
ಕರ್ಕಾಟಕ ರಾಶಿ: ಕೆಲವು ಕೊರತೆಗಳ ಕಾರಣದಿಂದ ಆಧ್ಯಾತ್ಮದ ಕಡೆಗೆ ಒಲವು ಹೆಚ್ಚಾಗಲಿದೆ. ಗೌರವ ಸಿಗದ ಜಾಗದಲ್ಲಿ ಹೆಚ್ಚು ಕಾಲ ಇರಲು ಇಷ್ಟಪಡುವುದಿಲ್ಲ. ಮಕ್ಕಳಿಂದ ಸಂತೋಷ ವಾರ್ತೆ ಸಿಗಲಿದೆ. ಸಂಜೆಯ ವೇಳೆಗೆ ಸಮಸ್ಯೆಗಳು ಸ್ವಲ್ಪ ಹೆಚ್ಚಾಗಬಹುದು. ಅಪಕ್ವ ವ್ಯಕ್ತಿಗಳ ಜೊತೆಗಿನ ಮಾತುಕತೆಯಿಂದ ಅಪಮಾನವಾಗುವ ಭೀತಿ ಇದೆ, ಮೌನವಾಗಿರಿ.
ಸಿಂಹ ರಾಶಿ: ಕೆಲಸದ ಸ್ಥಳದಲ್ಲಿ ಸವಾಲುಗಳು ಎದುರಾಗಲಿದ್ದು, ಸಹೋದ್ಯೋಗಿಗಳ ಸಹಕಾರದ ಅಗತ್ಯವಿದೆ. ಸಣ್ಣ ಶ್ರಮದಿಂದ ಹಣಕಾಸಿನ ಲಾಭ ಸಾಧ್ಯವಿದೆ. ಸ್ನೇಹಿತರಿಂದ ಶುಭ ಸುದ್ದಿ ಕೇಳುವಿರಿ. ಮನಸ್ಸನ್ನು ಶಾಂತವಾಗಿರಿಸಿಕೊಳ್ಳಿ. ಅನಿರೀಕ್ಷಿತವಾಗಿ ಬಂಧುಗಳ ಭೇಟಿಯಾಗಲಿದ್ದರೂ, ನಿಮ್ಮ ಯೋಜಿತ ಕಾರ್ಯಗಳು ಯಾವುದೇ ಅಡೆತಡೆಯಿಲ್ಲದೆ ಸಾಗಲಿವೆ.
ಕನ್ಯಾ ರಾಶಿ: ಯಾರ ಒತ್ತಡಕ್ಕೂ ತಲೆಬಾಗದಿದ್ದರೆ ನಿಮ್ಮನ್ನು ಇತರರು ಭಿನ್ನವಾಗಿ ನೋಡಬಹುದು. ಉದ್ಯೋಗದಲ್ಲಿ ವರ್ಗಾವಣೆಗಾಗಿ ಕಾಯುತ್ತಿದ್ದವರಿಗೆ ಗುಡ್ ನ್ಯೂಸ್ ಸಿಗಲಿದೆ. ವಿದೇಶಿ ಅವಕಾಶಗಳು ಒದಗಿಬರಲಿವೆ. ವಾಗ್ವಾದಗಳಾಗುವ ಭಯ ಕಾಡಬಹುದು, ಅಹಂಕಾರಕ್ಕೆ ಪೆಟ್ಟು ಬೀಳುವ ಸಾಧ್ಯತೆ ಇರುವುದರಿಂದ ಯಾವುದೇ ಅನಗತ್ಯ ವಿವರಗಳನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ.
ತುಲಾ ರಾಶಿ: ಇಂದು ನೀವು ಏನೂ ತಿಳಿಯದವರಂತೆ ವರ್ತಿಸಿ ಮುಂಬರುವ ದೊಡ್ಡ ಸಂಕಟದಿಂದ ಪಾರಾಗುವಿರಿ. ಕಠಿಣ ನಿರ್ಧಾರಗಳ ಮೇಲೆ ಸ್ಥಿರವಾಗಿರುವುದು ಯಶಸ್ಸು ತರಲಿದೆ. ಹಣಕಾಸಿನ ಸ್ಥಿತಿ ಸುಧಾರಿಸಲಿದೆ. ಪರರ ಆಸ್ತಿ ಅಥವಾ ಸಂಪತ್ತಿನ ಮೇಲೆ ಆಸೆ ಬೇಡ. ಕುಟುಂಬದಲ್ಲಿ ಆಸ್ತಿ ವಿಚಾರವಾಗಿ ಸುದೀರ್ಘ ಚರ್ಚೆ ನಡೆಯಲಿದೆ. ಸಮಯ ವ್ಯರ್ಥ ಮಾಡಬೇಡಿ.
ವೃಶ್ಚಿಕ ರಾಶಿ: ಸ್ನೇಹಿತರ ಮೂಲಕ ಉತ್ತಮ ಕೆಲಸ ಮತ್ತು ಒಳ್ಳೆಯ ಸಂಬಳದ ಆಫರ್ ಸಿಗಲಿದೆ. ಯಾರದೇ ಮೇಲೆಯೂ ಅತಿಯಾದ ನಿರೀಕ್ಷೆ ಇಟ್ಟುಕೊಳ್ಳಬೇಡಿ, ನಿರಾಶೆಯಾಗಬಹುದು. ನಿರ್ಧಾರಗಳನ್ನು ತಾಳ್ಮೆಯಿಂದ ತೆಗೆದುಕೊಳ್ಳಿ. ಅಪರಿಚಿತರೊಂದಿಗೆ ವ್ಯವಹರಿಸುವಾಗ ಎಷ್ಟೇ ಜಾಣ್ಮೆಯಿದ್ದರೂ ಸಾಲದು. ಅನಿವಾರ್ಯದ ಪ್ರಯಾಣ ಎದುರಾಗಲಿದೆ.
ಧನು ರಾಶಿ: ಕುಟುಂಬದ ಸದಸ್ಯರೊಂದಿಗೆ ಭಾವನಾತ್ಮಕ ಮಾತುಕತೆಗಳು ಜರುಗಲಿವೆ. ಎಂತಹ ಕಠಿಣ ಪರಿಸ್ಥಿತಿಯಲ್ಲೂ ಶಾಂತಿ ಮತ್ತು ತಾಳ್ಮೆಯನ್ನು ಕಳೆದುಕೊಳ್ಳಬೇಡಿ. ಹಣಕಾಸಿನ ಸ್ಥಿತಿ ಸ್ಥಿರವಾಗಿರುತ್ತದೆ. ಉದ್ವೇಗದ ಮಾತುಗಳು ನಿಮ್ಮ ಮಾನಸಿಕ ನೆಮ್ಮದಿಯನ್ನು ಕೆಡಿಸಬಹುದು. ಕುಟುಂಬದವರಿಗೆ ಸ್ವಲ್ಪ ಸಮಯ ನೀಡಿ, ಹಣ ಉಳಿತಾಯದ ಕಡೆ ಗಮನಹರಿಸಿ.
ಮಕರ ರಾಶಿ: ನಿಮ್ಮನ್ನು ಅತಿಯಾಗಿ ಇಷ್ಟಪಡುವವರಿಗೆ ಇಂದು ನಿಮ್ಮ ನಡವಳಿಕೆಯಿಂದ ಅಸಮಾಧಾನವಾಗಬಹುದು. ನಿಮ್ಮ ಮಾತುಗಳೇ ನಿಮಗೆ ಶ್ರೀರಕ್ಷೆ, ಸಾಮಾಜಿಕ ವಲಯದಲ್ಲಿ ಮನ್ನಣೆ ಸಿಗಲಿದೆ. ಉದ್ಯೋಗದಲ್ಲಿ ಬಡ್ತಿಯ ಸೂಚನೆಗಳಿವೆ. ಹಣದ ವಿಚಾರದಲ್ಲಿ ದಿಟ್ಟ ನಿರ್ಧಾರಗಳನ್ನು ಕೈಗೊಳ್ಳಿ. ಕೃಷಿ ಕ್ಷೇತ್ರದಲ್ಲಿ ಲಾಭ ಗಳಿಸಲು ನಾನಾ ಪ್ರಯತ್ನ ನಡೆಸುವಿರಿ.
ಕುಂಭ ರಾಶಿ: ಕಠಿಣ ಪರಿಸ್ಥಿತಿಯಲ್ಲಿ ಕುಟುಂಬದವರ ಸಹಾಯ ಅನಿವಾರ್ಯವಾಗಿ ಸಿಗಲಿದೆ. ಅನಿರೀಕ್ಷಿತ ಲಾಭದಿಂದ ದಾರಿ ತಪ್ಪುವ ಸಾಧ್ಯತೆ ಇದೆ, ಎಚ್ಚರ. ಆತ್ಮೀಯರ ಸಹಾಯದಿಂದ ಹಳೆಯ ಸಮಸ್ಯೆಗಳು ಬಗೆಹರಿಯಲಿವೆ. ವಿದೇಶದಿಂದ ಉದ್ಯೋಗದ ಕರೆ ಬರಬಹುದು. ಬಂದದ್ದನ್ನು ಬಂದಂತೆ ಸ್ವೀಕರಿಸುವ ನಿಮ್ಮ ಸ್ವಭಾವ ಇಂದು ಕೈಹಿಡಿಯಲಿದೆ.
ಮೀನ ರಾಶಿ: ಯೋಗ ಹಾಗೂ ಧ್ಯಾನ ಮಾಡುವುದರಿಂದ ದೈಹಿಕ ಮತ್ತು ಮಾನಸಿಕ ಶ್ರಮದ ಪರಿಹಾರವಾಗಲಿದೆ. ಆರ್ಥಿಕವಾಗಿ ಸ್ವಲ್ಪ ನಷ್ಟ ಎದುರಾಗಬಹುದು. ಕುಟುಂಬದೊಂದಿಗೆ ಸಮಯ ಕಳೆಯುವುದರಿಂದ ಮನಸ್ಸಿಗೆ ಶಾಂತಿ ಸಿಗಲಿದೆ. ದೂರದ ಗೆಳೆಯರಿಂದ ಶುಭ ಸುದ್ದಿ ಬರಲಿದೆ. ಸ್ನೇಹಿತರ ಪ್ರಚೋದನೆಯಿಂದ ವಿದೇಶಕ್ಕೆ ಹೋಗುವ ಆಸೆ ಹೆಚ್ಚಾಗಬಹುದು.
