ಮುಂಬೈ: ಭಾರತದ ಅತಿದೊಡ್ಡ ಉದ್ಯಮ ಸಂಸ್ಥೆಯಾದ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL), ಟೆಲಿಕಾಂ ಮತ್ತು ತಂತ್ರಜ್ಞಾನ ಜಗತ್ತಿನಲ್ಲಿ ಮತ್ತೊಂದು ಐತಿಹಾಸಿಕ ಹೆಜ್ಜೆಗೆ ಮುನ್ನುಡಿ ಬರೆದಿದೆ. ಮುಕೇಶ್ ಅಂಬಾನಿ ನೇತೃತ್ವದ ಈ ಸಮೂಹವು ಭಾರತದಲ್ಲೇ ಅಭಿವೃದ್ಧಿಪಡಿಸಲಾದ ತನ್ನದೇ ಆದ ಸ್ವದೇಶಿ ಟೆಲಿಕಾಂ ತಂತ್ರಜ್ಞಾನವನ್ನು ಜಾಗತಿಕ ಮಟ್ಟಕ್ಕೆ (Global Market) ಕೊಂಡೊಯ್ಯಲು ಸಜ್ಜಾಗಿದೆ. ಇದರೊಂದಿಗೆ, ಸಾಮಾಜಿಕ ಮಾಧ್ಯಮ ದೈತ್ಯ ‘ಮೆಟಾ’ (Meta) ಸಂಸ್ಥೆಯೊಂದಿಗಿನ ಪಾಲುದಾರಿಕೆಯನ್ನು ಬಳಸಿಕೊಂಡು ಕಾರ್ಪೊರೇಟ್ ವಲಯಕ್ಕಾಗಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (Enterprise AI) ಕೊಡುಗೆಗಳನ್ನು ದೊಡ್ಡ ಮಟ್ಟದಲ್ಲಿ ವಿಸ್ತರಿಸಲು ರಿಲಯನ್ಸ್ ನಿರ್ಧರಿಸಿದೆ.
ವಿದೇಶಿ ಮಾರುಕಟ್ಟೆಗಳಲ್ಲಿ ಜಿಯೋ 5G ಹವಾ!:
ಮೇ 28 ರಂದು ಬಿಡುಗಡೆಯಾದ ರಿಲಯನ್ಸ್ನ 2025-26ರ ವಾರ್ಷಿಕ ವರದಿಯ ಪ್ರಕಾರ, ಜಿಯೋ ತನ್ನದೇ ಆದ ಮಾಲೀಕತ್ವದ 5G ಮತ್ತು ಫಿಕ್ಸ್ಡ್ ವಯರ್ಲೆಸ್ ಆಕ್ಸೆಸ್ (FWA) ತಂತ್ರಜ್ಞಾನವನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಿಗೆ ಪರಿಚಯಿಸಲು ಸಿದ್ಧತೆ ನಡೆಸಿದೆ. ಇದಕ್ಕಾಗಿ ಆಯ್ದ ದೇಶಗಳ ಸ್ಥಳೀಯ ಟೆಲಿಕಾಂ ಆಪರೇಟರ್ಗಳೊಂದಿಗೆ ಜಿಯೋ ಕೈಜೋಡಿಸಲಿದೆ.
ಇದನ್ನೂ ಓದಿ: 11 ದಿನಗಳಲ್ಲಿ 4ನೇ ಬಾರಿ ಪೆಟ್ರೋಲ್, ಡೀಸೆಲ್ ದರ ಭಾರಿ ಏರಿಕೆ
ಭಾರತದ ತಂತ್ರಜ್ಞಾನ ಜಗತ್ತಿಗೆ ರಫ್ತು ಭಾಗ್ಯ:
ಇನ್ಮುಂದೆ ಜಿಯೋ ಕೇವಲ ನೆಟ್ವರ್ಕ್ ಒದಗಿಸುವ ಸಂಸ್ಥೆಯಾಗಿ ಉಳಿಯದೆ, ಅಂತರರಾಷ್ಟ್ರೀಯ ಮಟ್ಟದಲ್ಲಿ ‘ಮ್ಯಾನೇಜ್ಡ್ ಸರ್ವಿಸಸ್ ಪ್ರೊವೈಡರ್’ (Managed Services Provider) ಆಗಿ ಕಾರ್ಯನಿರ್ವಹಿಸಲಿದೆ. ಭಾರತದಲ್ಲಿ ಯಶಸ್ವಿಯಾಗಿ ರೂಪಿಸಲಾದ ಈ ಕೆಳಗಿನ ಅತ್ಯಾಧುನಿಕ ಡಿಜಿಟಲ್ ತಂತ್ರಜ್ಞಾನಗಳನ್ನು ಜಿಯೋ ವಿದೇಶಗಳಿಗೆ ರಫ್ತು ಮಾಡಲಿದೆ:
ಕ್ಲೌಡ್-ನೇಟಿವ್ ರೇಡಿಯೋ ಆಕ್ಸೆಸ್ ನೆಟ್ವರ್ಕ್ (RAN) ಸಿಸ್ಟಮ್ಸ್
5G ಕೋರ್ ಪ್ಲಾಟ್ಫಾರ್ಮ್ಗಳು
ಒಎಸ್ಎಸ್/ಬಿಎಸ್ಎಸ್ (OSS/BSS) ಸಿಸ್ಟಮ್ಸ್
ಎಫ್ಡಬ್ಲ್ಯೂಎ (FWA) ತಂತ್ರಜ್ಞಾನಗಳು ಮತ್ತು ವಿವಿಧ ಡಿಜಿಟಲ್ ಅಪ್ಲಿಕೇಶನ್ಗಳು
ಈ ಮಹತ್ವದ ನಿರ್ಧಾರವು ರಿಲಯನ್ಸ್ ಸಂಸ್ಥೆಯನ್ನು ಕೇವಲ ಭಾರತೀಯ ಟೆಲಿಕಾಂ ಆಪರೇಟರ್ ಸ್ಥಾನದಿಂದ ಜಾಗತಿಕ ಮಟ್ಟದ ಮುಂದಿನ ಪೀಳಿಗೆಯ ಡಿಜಿಟಲ್ ಮತ್ತು ಎಐ (AI) ಮೂಲಸೌಕರ್ಯ ಒದಗಿಸುವ ದೈತ್ಯ ತಂತ್ರಜ್ಞಾನ ಸಂಸ್ಥೆಯಾಗಿ ಪರಿವರ್ತಿಸಲಿದೆ.
ವಾಣಿಜ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
