ದೆಹಲಿ: ಜಗತ್ತಿನ ಅತ್ಯಂತ ಜನಪ್ರಿಯ ಮೆಸೇಜಿಂಗ್ ಆಪ್ ಆಗಿರುವ ವಾಟ್ಸಾಪ್ (WhatsApp) ಈಗ ಕೇವಲ ಮೆಸೇಜ್ ಕಳುಹಿಸಲು ಅಥವಾ ವಿಡಿಯೋ ಕರೆ ಮಾಡಲು ಮಾತ್ರ ಸೀಮಿತವಾಗಿಲ್ಲ. ಮೆಟಾ (Meta) ಸಂಸ್ಥೆಯು ವಾಟ್ಸಾಪ್ಗೆ ತಾನೇ ಅಭಿವೃದ್ಧಿಪಡಿಸಿದ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವಾದ ‘Meta AI’ ಅನ್ನು ಸೇರ್ಪಡೆಗೊಳಿಸಿದ್ದು, ಇದರಿಂದಾಗಿ ಬಳಕೆದಾರರಿಗೆ ಜಬರ್ದಸ್ತ್ ಹೊಸ ಫೀಚರ್ಗಳು ಲಭ್ಯವಾಗಿವೆ.
ಇನ್ನು ಮುಂದೆ ನೀವು ವಾಟ್ಸಾಪ್ನಲ್ಲೇ ಎಐ (AI) ಸಹಾಯದಿಂದ ಚಿತ್ರಗಳನ್ನು ರಚಿಸಬಹುದು, ಪ್ರಯಾಣದ ಪ್ಲಾನ್ಗಳನ್ನು ಸಿದ್ಧಪಡಿಸಬಹುದು ಹಾಗೂ ಸಂದೇಶಗಳ ಸಾರಾಂಶವನ್ನು ಪಡೆಯಬಹುದು.
ಇದನ್ನೂ ಓದಿ: ನಟಿ ನಿಕಿತಾ ರಾವಲ್ ಗೆ ರೆಡ್ ಕಾರ್ಪೆಟ್ ಮೇಲೆಯೇ ಲಿಪ್-ಕಿಸ್ ಕೊಟ್ಟ ಅಭಿಮಾನಿ: ವಿಡಿಯೋ ವೈರಲ್
ವಾಟ್ಸಾಪ್ನಲ್ಲಿ ಬಳಸಬಹುದಾದ 5 ಪ್ರಮುಖ Meta AI ಫೀಚರ್ಗಳು:
1. ಎಐ ಚಿತ್ರ ಹಾಗೂ ಸ್ಟಿಕ್ಕರ್ ಜನರೇಷನ್ (Generate Images & Custom Stickers):
ಚಾಟ್ಜಿಪಿಟಿ ಮತ್ತು ಜೆಮಿನಿಯಂತೆ, ನೀವು ನೀಡುವ ಸಾಲುಗಳನ್ನು (Prompts) ಆಧರಿಸಿ ಮೆಟಾ ಎಐ ಸುಂದರವಾದ ಚಿತ್ರಗಳನ್ನು ರಚಿಸಿಕೊಡುತ್ತದೆ. ಜೊತೆಗೆ ನಿಮ್ಮ ಮೂಡ್ಗೆ ತಕ್ಕಂತೆ ಸ್ವಂತ ಸ್ಟಿಕ್ಕರ್ಗಳು ಹಾಗೂ ಪ್ರೊಫೈಲ್ ಪಿಕ್ಚರ್ಗಳನ್ನು ಕ್ಷಣಾರ್ಧದಲ್ಲಿ ವಿನ್ಯಾಸಗೊಳಿಸಬಹುದು.
2. ಚಾಟ್ ಸಾರಾಂಶ ಮತ್ತು ಸಹಾಯ (AI for Chats & Summaries):
ವೈಯಕ್ತಿಕ ಹಾಗೂ ಗ್ರೂಪ್ ಚಾಟ್ಗಳಲ್ಲಿ @Meta AI ಎಂದು ಟ್ಯಾಗ್ ಮಾಡಿ ನೀವು ಯಾವುದೇ ಪ್ರಶ್ನೆಗಳನ್ನು ಕೇಳಬಹುದು. ಅದಲ್ಲದೆ, ವಾಟ್ಸಾಪ್ನಲ್ಲಿ ನೂರಾರು ಓದದ (Unread) ಮೆಸೇಜ್ಗಳಿದ್ದರೆ, ಇಡೀ ಚಾಟ್ನ ಮುಖ್ಯ ವಿಷಯವನ್ನು ಎಐ ಸಾರಾಂಶವಾಗಿ (Summarise) ನೀಡುತ್ತದೆ.
3. ಸ್ಮಾರ್ಟ್ ಫೋಟೋ ಎಡಿಟಿಂಗ್ ಹಾಗೂ ಮಾಹಿತಿ (Work Smarter with Photos):
ನೀವು ಭೇಟಿ ನೀಡಿದ ಸ್ಥಳದ ಫೋಟೋವನ್ನು ಅಪ್ಲೋಡ್ ಮಾಡಿ ಅದರ ಬಗ್ಗೆ ವಿವರ ಮಾಹಿತಿ ಪಡೆಯಬಹುದು. ಜೊತೆಗೆ ಫೋಟೋದಿಂದ ಅನಗತ್ಯ ವಸ್ತುಗಳನ್ನು ತೆರವುಗೊಳಿಸಲು (Remove Objects) ಅಥವಾ ಎಡಿಟ್ ಮಾಡಲು ಕೇವಲ ಕಮಾಂಡ್ ನೀಡಿದರೆ ಸಾಕು.
4. ಖಾಸಗಿ ಸಂಭಾಷಣೆ – ಇನ್ಕಾಗ್ನಿಟೋ ಮೋಡ್ (Chat Privately):
ಗೂಗಲ್ ಕ್ರೋಮ್ನ ಇನ್ಕಾಗ್ನಿಟೋ ಮೋಡ್ನಂತೆ, ವಾಟ್ಸಾಪ್ನಲ್ಲಿ ಎಐ ಜೊತೆ ಖಾಸಗಿಯಾಗಿ ಸಂಭಾಷಣೆ ನಡೆಸಲು ‘ಪ್ರೈವೇಟ್ ಪ್ರೊಸೆಸಿಂಗ್’ ತಂತ್ರಜ್ಞಾನ ತರಲಾಗಿದೆ. ಇಲ್ಲಿ ನೀವು ಕಳುಹಿಸುವ ಮೆಸೇಜ್ಗಳು ಎಲ್ಲಿಯೂ ಸೇವ್ ಆಗುವುದಿಲ್ಲ.
5. ಸುರಕ್ಷತೆ ಹಾಗೂ ಬಹು-ಸಾಧನ ಬೆಂಬಲ (End-to-End Encryption & Cross-Platform):
ಈ ಸೌಲಭ್ಯವು ವಾಟ್ಸಾಪ್ ಮೊಬೈಲ್ ಆಪ್, ವಾಟ್ಸಾಪ್ ವೆಬ್ ಹಾಗೂ ಡೆಸ್ಕ್ಟಾಪ್ ಆವೃತ್ತಿಗಳಲ್ಲೂ ಕಾರ್ಯನಿರ್ವಹಿಸುತ್ತದೆ. ಎಂಡ್-ಟು-ಎಂಡ್ ಎನ್ಕ್ರಿಪ್ಷನ್ (End-to-End Encryption) ಭದ್ರತೆ ಇರುವುದರಿಂದ ನಿಮ್ಮ ಖಾಸಗಿ ಡೇಟಾ ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ.