ಕಾಸರಗೋಡು: ಕೇರಳದ ಕಾಸರಗೋಡಿನಲ್ಲಿ ಭೀಕರ ಹಾಗೂ ತಲ್ಲಣಗೊಳಿಸುವ ರಸ್ತೆ ಅಪಘಾತವೊಂದು ಸಂಭವಿಸಿದ್ದು, ರಸ್ತೆಯ ಎಡಭಾಗದಲ್ಲಿ ಬರುತ್ತಿದ್ದ ವಾಹನವನ್ನು ಗಮನಿಸದೇ ದಿಢೀರ್ ಬಲಕ್ಕೆ ತಿರುಗಿದ ಮಾರುತಿ ಜಿಪ್ಸಿಗೆ ಅತಿ ವೇಗದಲ್ಲಿ ಬಂದ ಬೈಕ್ ಡಿಕ್ಕಿಯಾದ ಪರಿಣಾಮ ಜಿಪ್ಸಿ ವಾಹನ ರಸ್ತೆಯಲ್ಲೇ ಪಲ್ಟಿಯಾದ ಘಟನೆ ನಡೆದಿದೆ. ರೋಚಕ ಹಾಗೂ ಭೀಕರ ಅಪಘಾತದ ದೃಶ್ಯಾವಳಿಗಳು ಸಿಸಿಟಿವಿ (CCTV) ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿವೆ.
ರಸ್ತೆಯಲ್ಲಿ ಚಲಿಸುತ್ತಿದ್ದ ಮಾರುತಿ ಜಿಪ್ಸಿ ಚಾಲಕನು ತಮ್ಮ ಎಡಭಾಗದಲ್ಲಿ ಯಾವುದೇ ವಾಹನ ಬರುತ್ತಿದೆಯೇ ಎಂಬುದನ್ನು ಸರಿಯಾಗಿ ಗಮನಿಸದೇ ಇದ್ದಕ್ಕಿದ್ದಂತೆ ಬಲಕ್ಕೆ ತಿರುಗಿಸಲು ಯತ್ನಿಸಿದ್ದಾನೆ. ಇದೇ ಸಮಯದಲ್ಲಿ ಪೂರ್ಣ ವೇಗದಲ್ಲಿ ಬಂದ ಬೈಕ್ ಸವಾರನಿಗೆ ವಾಹನವನ್ನು ನಿಯಂತ್ರಿಸಲು ಸಾಧ್ಯವಾಗದೆ, ಜಿಪ್ಸಿಯ ಹಿಂಭಾಗಕ್ಕೆ ರಭಸವಾಗಿ ಡಿಕ್ಕಿ ಹೊಡೆದಿದ್ದಾನೆ.
ಇದನ್ನೂ ಓದಿ: ಅಕ್ಟೋಬರ್ 1ರಿಂದ ಸಬ್ಸಿಡಿ LPGಗೆ ಆಧಾರ್ ಬಯೋಮೆಟ್ರಿಕ್ ಕಡ್ಡಾಯ; ಗ್ರಾಹಕರಿಗೆ ಮಹತ್ವದ ಸೂಚನೆ
ಇಲ್ಲಿದೆ ನೋಡಿ ಸ್ಟೋರಿ:
Kerala, Kasaragod 🚨⚠️
Disturbing Visuals🚨
Maruti Gypsy w/o checking what’s on the left, took right turn + Motorcycle Full Throttle, rammed Gypsy, Gypsy toppled. Check Gypsys left rear wheel!@DriveSmart_IN
VC @AbhishekJalan26 https://t.co/d0eV8WMEJS— Dave (Road Safety: City & Highways) (@motordave2) September 20, 2026
ಬೈಕ್ ಸವಾರ ಸೀದಾ ಬಂದು ಜಿಪ್ಸಿಯ ಎಡಭಾಗದ ಹಿಂಬದಿಯ ಚಕ್ರಕ್ಕೆ ಅತ್ಯಂತ ತೀವ್ರವಾಗಿ ಡಿಕ್ಕಿ ಹೊಡೆದಿದ್ದಾನೆ. ಡಿಕ್ಕಿಯ ರಭಸಕ್ಕೆ ಜಿಪ್ಸಿಯ ಸಮತೋಲನ ತಪ್ಪಿ ರಸ್ತೆಯಲ್ಲೇ ಜಿಪ್ಸಿ ತಲೆಕೆಳಗಾಗಿ ಪಲ್ಟಿಯಾಗಿದೆ.