ವಾಷಿಂಗ್ಟನ್: ಆನ್ಲೈನ್ ದೈತ್ಯ ಅಮೆಜಾನ್ ತನ್ನ ಪ್ರೈಮ್ ಸಬ್ಸ್ಕ್ರಿಪ್ಶನ್ ಪ್ರಕ್ರಿಯೆಯಲ್ಲಿ ಗ್ರಾಹಕರನ್ನು ವಂಚಿಸಿದೆ ಎಂಬ ಆರೋಪದ ಮೇಲೆ $2.5 ಬಿಲಿಯನ್ (ಸುಮಾರು ₹21,000 ಕೋಟಿ) ಮೊತ್ತದ ಇತ್ಯರ್ಥಕ್ಕೆ (Settlement) ಒಪ್ಪಿಗೆ ನೀಡಿದೆ.
ಅಮೆಜಾನ್ ಮಾಡಿದ ತಪ್ಪೇನು?
ಎಫ್ಟಿಸಿ (FTC) ದೂರಿನ ಪ್ರಕಾರ, ಅಮೆಜಾನ್ ಗ್ರಾಹಕರಿಗೆ ಅರಿವಿಲ್ಲದಂತೆ ಅವರನ್ನು ಪ್ರೈಮ್ ಸದಸ್ಯತ್ವಕ್ಕೆ ಸೇರಿಸಿಕೊಳ್ಳುತ್ತಿತ್ತು. ಅಲ್ಲದೆ, ಒಮ್ಮೆ ಸದಸ್ಯರಾದ ಮೇಲೆ ಅದನ್ನು ರದ್ದುಗೊಳಿಸುವ (Cancellation) ಪ್ರಕ್ರಿಯೆಯನ್ನು ಉದ್ದೇಶಪೂರ್ವಕವಾಗಿ ಅತ್ಯಂತ ಸಂಕೀರ್ಣಗೊಳಿಸಿತ್ತು. ಇದನ್ನು ಸರಿಪಡಿಸಲು ಕಂಪನಿ ನಿರಾಕರಿಸಿದ್ದರಿಂದ ಈ ಬೃಹತ್ ದಂಡ ವಿಧಿಸಲಾಗಿದೆ.
ಇದನ್ನೂ ಓದಿ: 115 ರೂಪಾಯಿಯ ಪೊಂಗಲ್ಗೆ 158 ರೂ. ಎಕ್ಸ್ಟ್ರಾ ಚಾರ್ಜ್! ಸ್ವಿಗ್ಗಿ ವಿರುದ್ಧ ಸುಮಲತಾ ಅಂಬರೀಶ್ ಕೆಂಡಾಮಂಡಲ
ರೀಫಂಡ್ ಯಾರಿಗೆ ಸಿಗಲಿದೆ?
ಅರ್ಹತೆ: 2019 ಜೂನ್ 23 ರಿಂದ 2025 ಜೂನ್ 23 ರ ನಡುವೆ ‘ಸಿಂಗಲ್ ಪೇಜ್ ಚೆಕ್ಔಟ್’ ಮೂಲಕ ಸದಸ್ಯತ್ವ ಪಡೆದವರು ಈ ಮರುಪಾವತಿಗೆ ಅರ್ಹರಾಗಿರುತ್ತಾರೆ.
ಮೊತ್ತ: ಅರ್ಹ ಗ್ರಾಹಕರಿಗೆ ಸುಮಾರು $51 (ಅಂದಾಜು ₹4,200) ವರೆಗೆ ಸ್ವಯಂಚಾಲಿತವಾಗಿ ರೀಫಂಡ್ ಸಿಗುವ ಸಾಧ್ಯತೆಯಿದೆ.
ಸಮಯ: ಒಪ್ಪಂದ ಪ್ರಕಟವಾದ 90 ದಿನಗಳ ಒಳಗೆ ಅರ್ಹ ಗ್ರಾಹಕರಿಗೆ ಹಣ ಮರುಪಾವತಿಯಾಗಲಿದೆ. ಸದಸ್ಯತ್ವ ರದ್ದತಿಯಲ್ಲಿ ತೊಂದರೆ ಅನುಭವಿಸಿದ ಸುಮಾರು 3 ಕೋಟಿಗೂ ಹೆಚ್ಚು ಗ್ರಾಹಕರಿಗೆ ಕ್ಲೈಮ್ ಸಲ್ಲಿಸಲು ಪ್ರತ್ಯೇಕ ವ್ಯವಸ್ಥೆ ಮಾಡಲಾಗುತ್ತಿದೆ.
ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ